MADE IN TAJIKISTAN. Беш аз 50 корхона дар «Иннопром 2024» иқтидор ва дастовардҳои саноатии Тоҷикистонро муаррифӣ карданд
ДУШАНБЕ, 09.07.2024 /АМИТ «Ховар»/. Дастовард ва иқтидори саноатии Ҷумҳурии Тоҷикистон дар Намоишгоҳи байналмилалии саноатии «Иннопром 2024», ки дар шаҳри Екатеринбурги Русия ифтитоҳ ёфт, муаррифӣ гардид, иттилоъ медиҳад АМИТ «Ховар» бо истинод ба Вазорати саноат ва технологияҳои нави Ҷумҳурии Тоҷикистон.
Намоишгоҳи байналмилалии саноатии «Иннопром 2024» яке аз бузургтарин ва муҳимтарин майдони ҷаҳонӣ барои намоиши дастовардҳои саноатӣ ва барқарор кардани робитаҳои корӣ мебошад. Ҳайати Ҷумҳурии Тоҷикистонро дар намоишгоҳ Сарвазири ҷумҳурӣ Қоҳир Расулзода ва Вазири саноат ва технологияҳои нави мамлакат Шералӣ Кабир роҳбарӣ намуданд.
Дар Павилони миллии саноатии Тоҷикистон дастовардҳои саноатӣ ва технологияҳои инноватсионӣ, аз ҷумла соҳаи кишоварзӣ, нассоҷӣ, масолеҳи сохтмонӣ ва қаннодии беш аз 50 корхонаи пешқадами ватанӣ ба намоиш гузошта шудаанд. Дар павилион маҳсулот ва технологияҳое ба намоиш гузошта шудааст, ки ба стандартҳои байналмилалӣ ва талаботи бозори ҷаҳонӣ рақобатпазир ва ҷавобгӯ буда, бо сифати баланд ва аз лиҳози экологӣ тоза аллакай эътирофи байналмилалӣ пайдо кардаанд.
Иштироки Тоҷикистон дар намоишгоҳҳои байналмилалӣ, ки дар он дастовардҳои саноати ватанӣ намоиш дода мешаванд, инчунин сармояи хориҷӣ низ ҷалб мегардад, ҷузъи муҳими аҳдофи роҳбарият ва ҳукумати ҷумҳурӣ барои ноил шудан ба ҳадафи стратегӣ – индустрикунонии босуръати мамлакат мебошад, ки дар доираи татбиқи барномаҳо то соли 2025 2 баробар афзоиш додани истеҳсоли саноатро пешбинӣ намудааст.
Намоишгоҳи байналмилалии саноатии «Иннопром 2024» дар Маркази намоишгоҳи Екатеринбург то 11 июл идома меёбад.
АКС: Вазорати саноат ва технологиҳои нави Ҷумҳурии Тоҷикистон
ИСЛОҲОТ ДАР НИЗОМИ ИҶОЗАТДИҲӢ. Тоҷикистон фазои маъмуриро барои соҳибкорону сармоягузорон мусоидтар намуд
Дар Тоҷикистон кадом бахши кишоварзӣ аз андоз аз арзиши иловашуда ва боҷи гумрукӣ пурра озод мебошад?
Лоиҳаи «Барномаи давлатии рушди инноватсионии соҳаи пахтакорӣ барои солҳои 2026-2030» таҳия мегардад
Роҳи мошингарди «Айнӣ – Кӯҳистони Мастчоҳ» навсозӣ мешавад
Лоиҳаи Барномаи нави саноатикунонии босуръати Тоҷикистон барои солҳои 2026-2030 таҳия мегардад
ЭНЕРГИЯИ «САБЗ». Дар Тоҷикистон нахустин лоиҳаи неругоҳи офтобӣ бо иқтидори 500 МВт татбиқ карда мешавад
Байни Кумитаи ҳифзи муҳити зист ва UNDP оид ба коҳиш додани истифодаи гидрофторкарбонҳо созишнома ба имзо расид
Аз 1 январ раёсат дар Шуро оид ба авиатсия ва истифодаи фазои ҳавоии ИДМ ба Тоҷикистон гузашт
Дар «Саноатсодиротбонк» оид ба нуктаҳои Паёми Президенти Тоҷикистон ба Маҷлиси Олӣ ҳамоиш доир шуд
Ҳаҷми истеҳсоли маҳсулоти саноатӣ дар Минтақаи озоди иқтисодии «Панҷ» ба 17 миллион сомонӣ баробар гардид
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
