Намояндаи Вазорати молияи Тоҷикистон дар Сессияи стратегии Фонди Авруосиёии муътадилгардонӣ ва рушд иштирок намуд
ДУШАНБЕ, 08.07.2024 /АМИТ «Ховар»/. 5 июл дар пойтахти Федератсияи Русия — шаҳри Москва Сессияи стратегии Фонди Авруосиёии муътадилгардонӣ ва рушд вобаста ба муҳокимаи натиҷаҳои баҳодиҳии фосилавӣ ва навсозии Стратегияи Фонд ва Стратегияи кишварии он дар Ҷумҳурии Тоҷикистон бо иштироки роҳбарияти вазоратҳои молияи кишварҳои узви Фонд баргузор шуд. Дар ин хусус АМИТ «Ховар» бо истинод ба Вазорати молияи Тоҷикистон хабар медиҳад.
Дар чорабинӣ муовини якуми Вазири молияи Ҷумҳурии Тоҷикистон Юсуф Маҷидӣ иштирок намуда, оид ба фаъолияти Фонд дар Ҷумҳурии Тоҷикистон маълумот дод.
Иброз гардид, ки айни замон аз ҷониби Фонд дар Ҷумҳурии Тоҷикистон як қатор лоиҳа ба маблағи 218 миллион доллари ИМА, аз ҷумла се барномаи дастгирии буҷети давлатӣ, лоиҳаҳо оид ба барқарорсозии Неругоҳи барқи обии «Норак» (марҳилаи 1), навсозии низоми обёрии ноҳияи Зафаробод, грантҳо дар соҳаи тандурустӣ ва идоракунии молияи давлатӣ амалӣ гардида истодааст.
Дар Стратегияи кишварии Фонди Авруосиёии муътадилгардонӣ ва рушд дар Ҷумҳурии Тоҷикистон гузаронидани ислоҳоти сохтории иқтисодиёт ва такмили институтҳои асосӣ, навсозии инфрасохтори асосӣ (энергетикӣ, кишоварзӣ, роҳсозӣ, иҷтимоӣ) ва рушди сармояи инсонӣ пешбинӣ гардидаанд.
Дар маҷмӯъ, ислоҳоти пешбинишуда ва самтҳои дастгирӣ, ки дар стратегияи кишварӣ дарҷ гардидаанд, актуалӣ боқӣ мемонанд.
Фонди Авруосиёии муътадилгардонӣ ва рушд дар асоси Шартнома дар бораи таъсиси Фонди Авруосиёии муътадилгардонӣ ва рушд аз 9 июни соли 2009 аз ҷониби ҷумҳуриҳои Арманистон, Беларус, Қазоқистон, Қирғизистон, Тоҷикистон ва Федератсияи Русия таъсис дода шуда, ҳадафи асосии он мусоидат ба устувории иқтисодӣ ва молиявии мамлакатҳои узви Фонд мебошад.
АКС: Вазорати молияи Ҷумҳурии Тоҷикистон
Дар Душанбе Лоиҳаи муштараки Тоҷикистону Узбекистон оид ба сохтмони ду неругоҳи барқи обӣ дар дарёи Зарафшон баррасӣ гардид
Тоҷикистон ва Чин дар соҳаи заминшиносӣ Ёддошти тафоҳум ба имзо расониданд
«ДУШАНБЕ-КУЛМА». Бо кумаки молиявии Чин яке аз мушкилтарин қитъаҳои ин шоҳроҳ — «Қалъаихумб-Ванҷ-Рӯшон» таҷдид мегардад
Чин дар ҷануби Тоҷикистон неругоҳҳои офтобӣ ва шамолӣ месозад
Эмомалӣ Раҳмон: «Бунёду таҷдиди роҳ дар минтақаи «Қалъаихумб – Ванҷ – сарҳади ноҳияи Рӯшон» долони транзитии «Чин-Тоҷикистон-Узбекистон-Туркманистон-Эрон-Туркия»-ро такмил хоҳад бахшид»
Пешвои миллат: «Тоҷикистон аз иштироки фаъолонаи соҳибкорони Чин ҷиҳати бунёди паркҳои саноатӣ, ҷалби технологияҳои нав ва истеҳсолоти калонҳаҷми муштарак истиқбол хоҳад кард»
Эмомалӣ Раҳмон: «Чин аз шарикони муҳимтарини тиҷоратии Тоҷикистон боқӣ мемонад»
ЗАРДОЛУИ ТОҶИКИСТОН. Содироти ин мева сол то сол меафзояд
Дар Душанбе ҳамкории Тоҷикистон ва Хазинаи байналмилалии асъор баррасӣ гардид
Дар Душанбе вохӯрии вазирони молияи Тоҷикистону Қирғизистон доир шуд
ЧИН — ШАРИКИ БОЭЪТИМОДИ ТОҶИКИСТОН. Дар ҷумҳурӣ беш аз 700 ширкат бо сармояи чинӣ фаъолият дорад
ТАЪМИНИ АМНИЯТИ ОЗУҚАВОРӢ. Кишоварзони ноҳияи Бобоҷон Ғафуров дар майдони 4 ҳазор гектар кишти такрорӣ мегузаронанд
