НИШАСТИ МАТБУОТӢ. Ҳамкории байналмилалии Хадамоти иҷрои назди Ҳукумати Ҷумҳурии Тоҷикистон густариш меёбад
ДУШАНБЕ, 31.07.2024 /АМИТ «Ховар»/. Дар шашмоҳаи якуми соли 2024 кормандони Хадамоти иҷрои назди Ҳукумати Ҷумҳурии Тоҷикистон 22 053 мавод ва арзу муроҷиатҳои шахсони воқеию ҳуқуқиро вобаста ба масъалаҳои таъмини иҷрои санадҳои судӣ, санадҳои мақомоти давлатӣ ва шахсони мансабдор мавриди баррасӣ қарор доданд, ки аз ин шумора 20 845 ададашро санадҳои судӣ, санадҳои мақомоти давлатӣ ва шахсони мансабдор ташкил медиҳанд. Дар ин хусус имрӯз зимни нишасти матбуотӣ Сардори Хадамоти иҷрои назди Ҳукумати Ҷумҳурии Тоҷикистон Барно Саидвализода иттилоъ дод.
Бо татбиқи чораҳои маҷбурӣ иҷрои воқеии 16 339 ҳуҷҷатҳои иҷро ба маблағи 58 млн 177 ҳазор сомонӣ, 611 ҳазору 797 доллари ИМА, 50 ҳазор евро ва 178 млн 162 ҳазор тенгеи Ҷумҳурии Қазоқистон таъмин гардидааст. Ба манфиати давлат 11 087 ҳуҷҷати иҷро ворид гардида, маблағи 20 миллиону 187 ҳазор сомонӣ ситонида шудааст, ки нисбат ба ҳамин давраи соли 2023 616 ҳазор сомонӣ зиёд мебошад. Ба манфиати шахсони ҳуқуқии давлатӣ ва ғайридавлатӣ 380 ҳуҷҷати иҷро ба маблағи умумии 32 миллиону 592 ҳазор сомонӣ, 606 ҳазор доллари ИМА, 178 миллиону 162 ҳазор тенгеи Ҷумҳурии Қазоқистон ва 50 ҳазор евро рӯёнида шудааст, ки нисбат ба ҳамин давраи соли 2023 6 миллиону 993 ҳазор сомонӣ ва 538 ҳазор доллари ИМА зиёд мебошад. Ба манфиати шахсони воқеӣ 121 ҳуҷҷати иҷро ба маблағи 4 миллиону 313 ҳазор сомонӣ ва 4 ҳазор доллар ситонида шудааст.
Дар нишасти матбуотӣ иттилоъ дода шуд, ки бинобар бадқасдона саркашӣ намудани қарздорон аз пардохти маблағи алимент бо пешниҳоди иҷрочиён нисбат ба 128 нафар қарздорон тибқи талаботи моддаи 177 Кодекси ҷиноятии Ҷумҳурии Тоҷикистон аз ҷониби мақомоти прокуратура парвандаҳои ҷиноятӣ оғоз гардиданд. Нисбат ба 418 нафар қарздорон барои сари вақт напардохтани маблағи алимент ва пинҳон кардани суроғаи ҷои зисташон аз ҷониби иҷрочиёни мақомоти иҷро бо қабули қарорҳои дахлдор кофтуков эълон гардида, барои ҷустуҷӯ ба шуъбаҳои Вазорати корҳои дохилии Ҷумҳурии Тоҷикистон дар шаҳру ноҳияҳои ҷумҳурӣ ирсол шудаанд.
Хадамоти иҷрои назди Ҳукумати Ҷумҳурии Тоҷикистон ҳамкории байналмилалиро бо Суди Олии Ҷумҳурии Мардумии Чин, Хадамоти федералии приставҳои судии Федератсияи Русия, Ташкилоти давлатии Тазироти Ҷумҳурии Исломии Эрон, Бюрои иҷрои маҷбурии назди Прокуратураи генералии Ҷумҳурии Узбекистон, Вазорати адлияи Ҷумҳурии Беларус, Вазорати адлияи Ҷумҳурии Озарбойҷон, Хадамоти иҷрои маҷбурии Ҷумҳурии Арманистон ва барномаи минтақавии «Мусоидат ба волоияти қонун дар кишварҳои Осиёи Марказӣ» дар доираи ёддоштҳои тафоҳуми ба имзорасида амалӣ менамояд.
АКС: АМИТ «Ховар»
Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ оғоз мегардад
ИМРӮЗ ДАР ТОҶИКИСТОН НАВРӮЗ ФАРО МЕРАСАД! Он оғози баҳор, рамзи тавозун ва низоми дақиқи коинот ба шумор меравад
Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ доир мешавад
АНДАР ШИНОХТИ НАВРӮЗ. Мулоҳизаҳои академик Фарҳод Раҳимӣ дар бораи аҳамияти ин ҷашни бостонӣ
Эмомалӣ Раҳмон: «Соҳиби илму маърифат будан яке аз фазилатҳои бузурги инсонӣ аст»
Эмомалӣ Раҳмон: «Риояи сарфаю сариштакорӣ одоби баргузории ҳар гуна иду маросим мебошад»
Эмомалӣ Раҳмон: «Иди Фитр, ҷашни Наврӯз ва дигар ойинҳои милливу эътиқодӣ маҳз ба шарофати Истиқлоли давлатӣ эҳё гардиданд»
«ҶАМЪИЯТИ СОЛИМ». Дар Федератсияи Русия форуми соҳаи тандурустӣ доир шуд
НАВРӮЗ — ТАРОНАИ ОҒОЗИ СОЛ. Ойину суннатҳои наврӯзӣ ҳамсони ин ҷашн таърихи куҳан доранд
НАҚШИ ЗАНОН ДАР ЭҲЁИ СУННАТҲОИ НАВРӮЗӢ. Таҳти ин унвон форуми байналмилалӣ доир мешавад
Корхонаи воҳиди давлатии «Обу корези Душанбе» дар ҳавзҳои таҳшин корҳои тозасозӣ анҷом дода истодааст
Дар Душанбе намоиш-фурӯши маҳсулоти ҳунармандӣ ташкил карда шуд
