НИШАСТИ МАТБУОТӢ. Бақайдгирии маъракаҳо минбаъд ба таври онлайн мегузарад
ДУШАНБЕ, 30.07.2024 /АМИТ «Ховар»/. Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон дар ҳошияи нақшаи чорабиниҳои гузаштан ба ҳукумати электронӣ бақайдгирии маъракаҳоро ба таври онлайн ба роҳ мондааст. Дар ин хусус имрӯз зимни нишасти матбуотӣ раиси ин ниҳод Сулаймон Давлатзода дар посух ба суоли мухбири АМИТ «Ховар» иттилоъ дод.
Раиси Кумита иброз дошт, ки ин лоиҳа дар айни замон пилотӣ буда, шаҳри Душанбе ва ноҳияҳои тобеи онро дар бар мегирад.
«Дар доираи амалишавии ин таҷриба рафтуои мардум камтар мешавад. Минбаъд шаҳрвандоне, ки маърака доранд, бе муроҷиат ба бахши танзим имкон доранд ба сомона дохил шуда, ба таври онлайн маъракаашонро сабт намоянд. Мо дар оянда нақша дорем ин таҷрибаро дар тамоми ҷумҳурӣ амалӣ намоем»,-афзуд раиси кумита.
Иттилоъ дода шуд, ки дар нимаи аввали соли 2024 дар ҷумҳурӣ 40661 маърака доир шудааст, ки нисбат ба ҳамин давраи соли 2023 3176 маърака камтар мебошад.
Ҳамзамон дар шаш моҳи аввали имсол дар ҷумҳурӣ вобаста ба риоя нагардидани талаботи Қонуни Ҷумҳурии Тоҷикистон «Дар бораи танзими ҷашну маросим дар Ҷумҳурии Тоҷикистон» тибқи моддаи 481, Кодекси ҳуқукқайронкунии маъмурии Ҷумҳурии Тоҷикистон 885 парвандаи ҳуқуқвайронкунии маъмурӣ баррасӣ ва вобаста ба 877 ҳолат ҷазо таъйин гардид.
Мутобиқи маълумот, маблағи умумии ҷаримаҳои аз ҷониби мақомоти судӣ таъйингардида 6 миллиону 156 ҳазору 473 сомониро ташкил медиҳад, ки аз ин миқдор 3 миллиону 156 ҳазору 799 сомонӣ рӯёнида шудааст.
Шаҳлои САДРИДДИН,
АМИТ «Ховар»
АКС: АМИТ «Ховар»
МАСЛИҲАТИ МУТАХАССИС. Истеъмоли хӯроки вазнин боиси авҷи бемории гастрит мегардад
«ПУЛИ ҲУШМАНД». Бо амалӣ гардидани ин барнома қонуншиканӣ ё истифодаи нафақаи шахси фавтида аз байн рафт
Дар шаҳри Бохтар бо иштироки собиқадорони соҳаи тандурустӣ ҳамоиш доир шуд
Дар Тоҷикистон беш аз 200 нафақагири аз садсола боло зиндагӣ мекунад
Дар ноҳияи Шоҳмансур Шурои намояндагии Ташкилоти ҷамъиятии ҷавонон «Созандагони Ватан» таъсис дода шуд
НИШАСТИ МАТБУОТӢ. Соли 2025 хароҷоти суғуртаи иҷтимоӣ ва нафақа беш аз 5 миллиард сомониро ташкил дод
НИШАСТИ МАТБУОТӢ. Шумораи сабти асноди ҳолати шаҳрвандӣ зиёд гардида, бекоршавии ақди никоҳ коҳиш ёфтааст
«Барномаи рушд ва рақамикунонӣ дар мақомоти иҷрои Ҷумҳурии Тоҷикистон барои солҳои 2026-2030» қабул гардид
НИШАСТИ МАТБУОТӢ. Барои риоя накардани танзими ҷашну маросим 1268 нафар беш аз 10 миллион сомонӣ ҷарима супориданд
ИМРӮЗ — РӮЗИ БАЙНАЛМИЛАЛИИ ПЕШГИРИИ ЭКСТРЕМИЗМИ ХУШУТАНОМЕЗ. Пешгирии ин зуҳурот омили муҳими таъмини амнияти ҷомеа аст
Дар Душанбе оид ба моддаҳои психотропӣ ва таъсири онҳо ҷаласаи корӣ баргузор гардид
Намояндагони Тоҷикистон дар Конгресси байналмилалии Москва оид ба рушди хизмати давлатӣ иштирок намуданд
