Омӯзгорони шаҳри Душанбе ба омӯзиши Барномаи байналмилалӣ оид ба арзёбии таҳсили хонандагон фаро гирифта мешаванд
ДУШАНБЕ, 31.07.2024. /АМИТ «Ховар»/. Аз 29 июл то 21 август дар се марҳила 1206 нафар омӯзгорони шаҳри Душанбе аз даври омӯзишии Барномаи байналмилалӣ оид ба арзёбии таҳсили хонандагон PISA мегузаранд. Дар ин хусус ба АМИТ «Ховар» дар Сарраёсати маорифи шаҳри Душанбе хабар доданд.
Омӯзишҳо бо дастгирии Вазорати маориф ва илми Ҷумҳурии Тоҷикистон дар доираи татбиқи лоиҳаи «Кумаки техникӣ ба соҳаҳои маориф ва меҳнати Ҷумҳурии Тоҷикистон» аз ҷониби тренерони Маркази маҳорати педагогии Ҷумҳурии Қазоқистон гузаронида мешаванд.
Марҳилаи якуми ҳамкорӣ муваффақона ба анҷом расид ва имрӯз фаъолияти якуми марҳилаи дуюми ҳамкорӣ оғоз гардид.
Бояд гуфт, ки таваҷҷуҳи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба такмили маҳорати касбии омӯзгорон беандоза буда, ба ин бахши таҳсил ва нақши он дар беҳтар намудани сифати таҳсил эътибори хос зоҳир мегардад.
Таъкид шуд, ки иштироки Ҷумҳурии Тоҷикистон дар PISA 2025 барои арзёбии сифати таҳсил дар асоси муносибати босалоҳият, ислоҳоти соҳаи маориф, ҷорӣ намудани низоми самараноки таълим, механизмҳои институтсионалии арзёбӣ, ки дар Стратегияи миллии рушди маорифи Ҷумҳурии Тоҷикистон барои давраи то соли 2030 амалӣ мешаванд, хубу натиҷаовар аст.
Иштирокдорон Барномаи байналмилалӣ оид ба арзёбии таҳсили хонандагонро баҳри рушди минбаъдаи соҳаи маориф баён намуданд. Ҳамзамон таъкид гардид, ки омӯзгорон дар омӯзиш фаъол бошанд ва аз ҳузури ҳамтоёни қазоқашон истифода намуда, барои омӯзиши усулҳои нав саъю талош намоянд.
Вобаста ба таъмин намудани иштироки омӯзгорон дар даврҳои омӯзишӣ масъулин дастуру супоришҳои мушаххас гирифтанд.
АКС: Сарраёсати маорифи шаҳри Душанбе
Байни Донишгоҳи байналмилалии забонҳои хориҷии Тоҷикистон ва Донишгоҳи давлатии шарқшиносии Тошканд шартномаи ҳамкорӣ ба имзо расид
Дар Донишгоҳи давлатии Кӯлоб оид ба ташаккули фарҳанги муошират конференсияи ҷумҳуриявӣ баргузор шуд
Ғолибони Озмуни ҷумҳуриявии «Илм-фурӯғи маърифат» дар соли 2026 муайян гардиданд
Дар Тошканд Форуми байналмилалии «Осиёи Марказӣ фазои нави маориф, илм ва инноватсия» баргузор гардид
Пагоҳ маросими ҷоизасупории даври ниҳоии Озмуни ҷумҳуриявии «Илм — фурӯғи маърифат» баргузор мегардад
«EDONISH: МАКТАБ, ВОЛИДАЙН ВА ТАҲСИЛОТ ДАР МУҲИТИ РАҚАМӢ». Дар Душанбе нишасти матбуотӣ доир гардид
Ёддошти тафоҳум оид ба рушди фаъолияти илмӣ ва таълимӣ дар самти дипломатияи об ба имзо расид
Дар нуҳ моҳ машғулиятҳои кӯтоҳмуддати касбомӯзиро 6597 нафар хатм намуданд
Дилрабо Мансурӣ бо ҷараёни баргузории даври ниҳоии Озмуни «Илм – фурӯғи маърифат» шинос шуд
ТАЪТИЛИ ТИРАМОҲӢ. Ин давра имконияти хуби мустаҳкам кардани робитаи наздик байни падару модар ва фарзанд аст
Дар ноҳияи Восеъ муассисаҳои таълимӣ навсозӣ карда мешаванд
Намояндагони ҷамъияти тоҷикони шаҳри Пенза бо донишҷӯёни тоҷик мулоқот намуданд
