33-СОЛАГИИ ИСТИҚЛОЛИ ДАВЛАТӢ. Дар Ҷамоати деҳоти Чӯянгарони шаҳри Ваҳдат 4 пули мошингузар ва бинои иловагии мактаб сохта мешавад
ВАҲДАТ, 26.08.2024 /АМИТ «Ховар»/. Бахшида ба ҷашни 33-солагии Истиқлоли давлатӣ дар Ҷамоати деҳоти Чӯянгарони шаҳри Ваҳдат 4 пули мошингузар, 3 пули пиёдагузар, дӯкони оҳангарӣ, маркази хизматрасонии Ҳақназар Саидов, бинои иловагии Муассисаи таҳсилоти миёнаи умумии №81 ва тарабхонаи замонавӣ ба истифода дода мешаванд. Дар ин хусус раиси Ҷамоати деҳоти Чӯянгарони шаҳри Ваҳдат Баҳриддин Мирзоев ба АМИТ «Ховар» иттилоъ дод.
Пулҳои мошингузар ва пиёдагузари деҳаҳои Шоразми як ва ду ва Чорбоғи як ва ду дар натиҷаи офатҳои табиӣ пурра хароб гардида, рафтуомади сокинон ва хонандагони муассисаҳои таълимӣ тавассути онҳо мушкил гардида буд. Хушбахтона, бо дастгирии сокинон ва соҳибкорон ба маблағи 973 ҳазор сомонӣ пули деҳаи Шоразми як ва ду бо иқтидори 60 тонна бунёд гардид. Пули мошингузари деҳаи Чорбоғ ба маблағи 436 ҳазор сомонӣ сохта шуда, дар арафаи ҷашни 33-солагии Истиқлоли давлатӣ ба истифода дода мешавад.
Ҳамчунин бо дастгирии соҳибкорон ва сокинон баҳри бартараф гардидани норасоии ҷойи нишаст бинои иловагии Муассисаи таҳсилоти миёнаи умуми №81 иборат аз 4 синфхона ба истифода дода мешавад, ки бо лавозимоти замонавӣ ва мизу курсии нав муҷаҳҳаз гардонида шудааст.
Бояд гуфт, ки барои дар сатҳи баланд гузаронидани соли нави таҳсил ва дарси сулҳ ҳамаи муассисаҳои таълимии ҳудуди ҷамоат аз ҳисоби соҳибкорону сокинони ҷамоат таъмири пурра гардида, бо мизу курсии нав таъмин ва ба соли нави таҳсил омода мебошанд.
Ба ифтихори ҷашни 35-солагии Истиқлоли давлатӣ дар Ҷамоати деҳоти Чӯянгарони шаҳри Ваҳдат 67 иншоот сохта мешавад.
То имрӯз 37 иншоот мавриди истифода қарор гирифта, лоиҳакашӣ ва сохтмони иншооти боқимонда идома дорад.
Субҳониддини МАҲМУД,
АМИТ «Ховар»
АКС: АМИТ «Ховар»
Дар Донишкадаи давлатии санъати тасвирӣ ва дизайни Тоҷикистон намоиши «Баҳори Истиқлол» баргузор шуд
Сохтмони муҷассама дар гардиши дараи Алмосии шаҳри Ҳисор ба анҷом мерасад
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
СИЁСАТИ ФАРҲАНГПАРВАРОНАИ ПЕШВОИ МИЛЛАТ – ЗАМИНАИ ГУСТАРИШИ МАЪРИФАТ ВА ХУДШИНОСИИ МИЛЛӢ. Дар ҳошияи Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ
СОЛИ ОБОДОНИЮ БУНЁДКОРӢ. Дар Ҷамоати деҳоти Овчиқалъача биноҳои иловагии муассисаҳои маорифу тандурустӣ сохта мешаванд
35-СОЛАГИИ ИСТИҚЛОЛИ ДАВЛАТӢ. Дар шаҳри Бӯстон бинои меҳмонхонаи «Хуҷанд» пурра таҷдиду навсозӣ мегардад
Роҳҳои мошингарди ноҳияи Муъминобод таҷдиду навсозӣ мегарданд
35-СОЛАГИИ ИСТИҚЛОЛИ ДАВЛАТӢ. Дар шаҳри Хуҷанд сохтмони иншооти ҷашнӣ вусъат меёбад
Дар ноҳияи Муъминобод корҳои сохтмонӣ вусъати тоза меёбанд
Сарвазири Тоҷикистон Қоҳир Расулзода дар ноҳияи Ашт бо раванди бунёди неругоҳи барқи офтобӣ шинос шуд
Дар Суғд бо мақсади таҷлили шоистаи ҷашни Наврӯз корҳои сабзу хуррамгардонӣ оғоз шуданд
Дар шаҳри Кӯлоб таҳти раёсати Сарвазири Ҷумҳурии Тоҷикистон ҷаласаи корӣ баргузор шуд
