Дар Минтақаи озоди иқтисодии «Суғд» истеҳсоли маҳсулоти саноатӣ ба 180 миллион сомонӣ расид
ДУШАНБЕ, 06.08.2024 /АМИТ «Ховар»/. Маҷмуи маҳсулоти саноатии истеҳсолшуда дар Минтақаи озоди иқтисодии «Суғд» дар шаш моҳи соли равон ба 180,3 миллион сомонӣ баробар гардид, ки нисбат ба ҳамин давраи соли 2023 116,3 % ё 25,3 миллион сомонӣ зиёд мебошад. Дар ин хусус АМИТ «Ховар» бо истинод ба хадамоти матбуоти Раиси вилояти Суғд хабар медиҳад.
Иттилоъ дода шуд, ки дар шашмоҳаи аввали соли 2024 дар Минтақаи озоди иқтисодии «Суғд» 3 субъекти нав сабт шуд, ки дар натиҷа шумораи онҳо ба 37 адад расида, 21 адади он фаъолияти истеҳсолӣ, сохтмонӣ, хизматрасонӣ ва савдо дорад.
Маҳсулоти дар субъектҳои Минтақаи озоди иқтисодии «Суғд» истеҳсолшаванда ба Узбекистон, Қазоқистон, Туркманистон, Ироқ, Озорбойҷон ва Туркия содирот мегардад.
Дар айни замон дар ин минтақаи озоди иқтисодӣ бунёди корхонаи истеҳсоли электромотороллер идома дорад. Ин навъи техника, ки имрӯз дар бозор серхаридор аст, бо истифода аз металли корхонаҳои ватанӣ истеҳсол мешавад.
Барои истеҳсоли чунин техникаҳо муҳаррик ва таҷҳизоти нерудиҳанда аз хориҷи мамлакат ворид карда мешавад.
АКС: Хадамоти матбуоти Раиси вилояти Суғд
Дар Нишасти Гурӯҳи дӯстони пиряхҳо ташаббусҳои глобалии Тоҷикистон оид ба об ва ҳифзи пиряхҳо баррасӣ шуданд
Бонки миллии Тоҷикистон лоиҳаи озмоишии андозбандии соҳибкорони инфиродиро шарҳ медиҳад
Дар Душанбе рақамикунонии хизматрасониҳои молиявӣ, рушди қарздиҳии ипотекӣ ва маблағгузории «сабз» баррасӣ шуд
Тоҷикистон ба қатори 3 давлати пешсафи ислоҳотгари соҳаи савдо дар минтақаи Аврупо ва Осиёи Марказӣ дохил шуд
Ҳайати Тоҷикистон дар ҷаласаи 17-уми Гурӯҳи баррасии татбиқи Конвенсияи СММ оид ба мубориза бо коррупсия иштирок дорад
Муовини Сарвазири Тоҷикистон бо ҳолати фаъолияти пойгоҳи обкашии №17 дар ноҳияи Ёвон шинос шуд
Дар Бонки миллии Тоҷикистон тағйироти охирин дар Стандартҳои байналмилалии ҳисоботи молиявӣ баррасӣ гардид
«Somon Air» ҳавопаймоҳои нави Boeing-737 дастрас менамояд
Ҳафтаи илм, технология, инноватсия ва ихтироъкории наврасону ҷавонони шаҳри Душанбе оғоз гардид
Намояндагони Палатаи савдо ва саноати Тоҷикистон дар намоишгоҳи байналмилалӣ иштирок намуданд
Дар ноҳияи Ҷаббор Расулов нақшаи кишти чигит зиёда аз 86 фоиз иҷро гардид
Муовини Сарвазири Тоҷикистон бо нашъунамои чигити зери плёнка дар хоҷагиҳои деҳқонии ноҳияи Ёвон шинос шуд
