Рӯзҳои кинои Қазоқистон дар Тоҷикистон ҳамкории филмсозони ду давлатро тақвият мебахшад
ДУШАНБЕ, 21.08.2024 /АМИТ «Ховар»/. Тавре қаблан иттилоъ додем, 20-21 августи соли 2024 дар шаҳри Душанбе Рӯзҳои кинои Қазоқистон баргузор мегарданд. Рӯзҳои кинои Қазоқистон 20 август, соати 17:30 дар кинотеатри «Ватан» оғоз гардиданд, хабар медиҳад мухбири АМИТ «Ховар».
Зимни ифтитоҳи Рӯзҳои кинои Қазоқистон Директори Муассисаи давлатии «Тоҷикфилм» Маҳмадсаид Шоҳиён иброз дошт, ки баргузории ин рӯзҳо дар Ҷумҳурии Тоҷикистон барои тамоми дӯстдорони синамо рӯйдоди муҳим ва таърихӣ мебошад. Он ба таҳкими робитаи филмсозони ду давлат мусоидат намуда, имкони ба роҳ мондани ҳамкориро дар соҳаи синамо фароҳам меорад.
«Мухлисони тоҷик кинои қазоқиро дӯст медоранд, зеро он тарзу услуби махсус дошта, бинандаро ба худ ҷалб мекунад»,-гуфт Маҳмадсаид Шоҳиён.
Ҳунармандони номдори синамои тоҷик Муҳаммадалӣ Маҳмадов, Ато Муҳаммадҷонов, Сайидо Қурбонов ҳанӯз аз соли 1988 дар филмҳои қазоқӣ, аз қабили «Султон Бейбарс», «Бозгашт ба А», «Осмони айёми бачагии ман», «Тӯфони уран», «Роҳи пешво», «Дарёи оташ» ва «Роҳи оҳан» нақш бозидаанд.
«Мо хеле шод ҳастем, ки солҳои охир филмҳои таҳиянамудаи коргардонҳои Ҷумҳурии Қазоқистон дар кинофестивалҳои байналмилалӣ соҳиби ҷойҳои намоён мегарданд», — афзуд Директори Муассисаи давлатии «Тоҷикфилм».
Сардори раёсати кинематографияи Вазорати фарҳанги Ҷумҳурии Қазоқистон Гани Муратов изҳор намуд, ки баргузории Рӯзҳои кинои Қазоқистон дар Тоҷикистон барои рушди минбаъдаи ҳаикории судманди синамогарони ду давлат заминаи мусоид фароҳам меорад.
«Ба ин восита мо аз таърих, фарҳанг ва урфу одатҳои якдигар бештар огоҳ мешавем, зеро филмҳои таҳиянамудаи ҷонибҳо бештар ба ҳамин мавзуъҳо бахшида шудаанд», — гуфт Гани Муратов.
Дар ин рӯз меҳмонон ва дӯстдорони филмҳои қазоқӣ филми ҳунарии «Шамшери алмосӣ»-ро тамошо карданд.
Рӯзҳои кинои Қазоқистон дар Ҷумҳурии Тоҷикистон имрӯз низ идома ёфта, соати 10:00 филми «Амалиёти Набот» ва соати 17:00 филми «Дос Мукасан» дар кинотеатри ба номи Тоҳир Собиров намоиш дода мешаванд.
Ҳамчунин ин филмҳо дар шаҳрҳои Хуҷанд, Бохтар ва Хоруғ пешкаши мухлисони кино гардонида мешаванд.
Моҳинави НАВРӮЗ,
АМИТ «Ховар»
АКС: АМИТ «Ховар»
Намояндаи Тоҷикистон дар ҳамоиши байналмилалии коршиносони Осиёи Марказӣ иштирок намуд
Бахшида ба 1045-солагии табиби машҳури ҷаҳон-Абуалӣ ибни Сино ҳамоиши ҷумҳуриявӣ баргузор шуд
Дар Осорхонаи миллӣ таҳти унвони «Абуалӣ ибни Сино – мутафаккири бузурги халқи тоҷик» намоиши ҷумҳуриявӣ ифтитоҳ ёфт
Дар шаҳри Бохтар «Муассисаи давлатии маҷмааи таърихии Бибихонум» таъсис дода шуд
Густариши ҳамкории илмию таҳқиқотии Тоҷикистон ва Фландрия баррасӣ гардид
Мониторинги радиатсионии дараи Уреҷи кӯҳҳои Фон мавриди таҳлил ва омӯзиш қарор дода шуд
Иқтидори сайёҳию рекреатсионии Тоҷикистон дар доираи таҳқиқи арзишманд муаррифӣ гардид
28 нафар зинаи магистратураи Академияи миллии илмҳои Тоҷикистонро бо дипломи аъло хатм намуданд
Дар Академияи миллии илмҳои Тоҷикистон Озмоишгоҳи нави харитасозии радиатсионӣ ифтитоҳ гардид
Маърузаи олими тоҷик доир ба ҳифз ва рушди анъанаҳои миллии фарҳанг ва санъат дар ҷаҳон соҳиби ҷоизаи махсус гардид
Ҳайати мақомоти зиддикоррупсионии Узбекистон бо таъриху фарҳанги миллати тоҷик шинос шуд
Китоби академик Фарҳод Раҳимӣ доир ба ташаббусҳои Президенти Тоҷикистон, пиряхҳо ва иқлим ба нашр расид
