Ёддошти ҳамкорӣ байни Иттифоқи ҷавонони Тоҷикистон ва Маҷмааи ҷавонони Қазоқистон ба имзо расид
ДУШАНБЕ, 23.08.2024. /АМИТ «Ховар»/. 22 август дар шаҳри Душанбе Ёддошти ҳамкорӣ байни Иттифоқи ҷавонони Тоҷикистон ва Маҷмааи ҷавонони Қазоқистон ба имзо расид. Дар ин хусус ба АМИТ «Ховар» дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.
Мақсад аз он амалӣ намудани муносибатҳои шарикӣ, рушди ҳамкории дарозмуддат ва самаранок байни тарафҳо мебошад, ки ба татбиқи созишнома равона гардидааст.
Санади ҳамкорӣ бунёдӣ буда, сохт, усулҳо ва қоидаҳои умумии муносибатҳои байни тарафҳоро муайян мекунад. Дар чорчӯбаи он тарафҳо метавонанд дар шакли хаттӣ шартномаҳои алоҳида ва созишномаҳои иловагӣ банданд, ки шарту тартиби мушаххаси ҳамкории байни тарафҳоро пешбинӣ менамояд.
Инчунин дар доираи ин ҳуҷҷат ҷонибҳо муносибатҳоро дар асоси баробарҳуқуқӣ ва шарикии мутақобилан судманд, расонидани кумаки машваратӣ ва иттилоотӣ ва дастгирӣ ҳангоми татбиқи лоиҳаҳои муштарак амалӣ менамоянд.
Тарафҳо таҷрибаи андӯхтаро дар ин самти ҳамкорӣ бо ҳамдигар мубодила намуда, натиҷаҳои мусбати фаъолиятро дар доираи лоиҳаҳои муайян ҷамъбаст мекунанд.
Дар доираи ин санад гузаронидани чорабиниҳои муштарак, амалӣ намудани ҳамкории шарикӣ, таҳия ва татбиқи барномаҳои муштарак дар назар дошта шудааст.
Ёддошти ҳамкорӣ имконияти мусоид барои мубодилаи таҷриба, барқарор кардани тамосҳои нав ва амалисозии лоиҳаҳои муштарак буда, дар роҳи мустаҳкам кардани ҳамкорӣ ва дӯстӣ байни ҷавонони Тоҷикистон ва Қазоқистон қадами муҳим мебошад.
Ҳадафҳои асосӣ ва вазифаҳои он ба тақвияти ҳамкорӣ байни ташкилоти ҷавонони Тоҷикистон ва Қазоқистон, рушди сиёсати ҷавонон ва таҳияи стратегияҳои муштарак барои ҳалли мушкилоти мубрами ҷавонони ду давлат равона шудаанд.
АКС: Хадамоти матбуоти Президенти Ҷумҳурии Тоҷикистон
Ба кормандони Кумита оид ба таҳсилоти ибтидоӣ ва миёнаи касбӣ роҳҳои муқовимат ба коррупсия фаҳмонида шуд
Гурӯҳи кории Вазорати тандурустӣ ва ҳифзи иҷтимоии аҳолии Тоҷикистон бо вазъи беморхонаҳои минтақаи Рашт шинос шуд
Кумитаи ҳолатҳои фавқулода ва мудофиаи гражданӣ аз омадани сел дар баъзе минтақаҳои Тоҷикистон огоҳ менамояд
Дар шаҳри Кӯлоб ҳамоиши гирандагони Стипендияи президентӣ баргузор шуд
Дар шаҳри Душанбе вазъи пардохти кумакпулиҳои яквақтаина ба оилаҳои камбизоат баррасӣ гардид
Занони Тоҷикистон ва Қазоқистон ҳамкориро дар самтҳои гуногун тақвият медиҳанд
«ДӮСТИРО ҶУСТУҶӮ ДОРЕМ МО…». Форуми дӯстии ҷавонони шаҳрҳои Душанбе ва Хоруғ баргузор гардид
Дар Тоҷикистон барои пешгирӣ аз паҳншавии бемории Mpox тадбирҳои зарурӣ андешида шудаанд
БАЛАНДИИ ХОКБОРИШ ДАР ДУШАНБЕ ТО 6 КИЛОМЕТР САБТ ШУД. Дар Тоҷикистон чангу ғубор то 20 август боқӣ мемонад
ИМРӮЗ-РӮЗИ ҶАҲОНИИ КУМАКИ БАШАРДӮСТОНА. Он ба ақидаҳои бунёдии инсондӯстӣ, беғаразӣ, бетарафӣ ва озодӣ асос ёфтааст
Дар Тоҷикистон беш аз 5000 муассисаи тиббӣ ба сокинон хизмат мерасонад
Дар Хатлон соли равон 12 иншооти соҳаи тандурустӣ ба истифода дода шуд
