АГЕНТИИ ОБУҲАВОШИНОСӢ: Дар даҳаи дуюми моҳи октябр ҳарорати ҳаво паст мешавад
ДУШАНБЕ, 29.09.2024. /АМИТ «Ховар»/. Ҳавои моҳи октябри имсола ба соли 2012 монанд хоҳад шуд. Дар даҳрӯзаи аввали моҳ баландшавии ҳарорати ҳаво пешгӯӣ мешавад. Дар даҳаи дуюми моҳ пастшавии ҳарорати ҳаво дар назар аст. Ҳамзамон ҳаво номусоид шуда, боридани борон аз эҳтимол дур нест. Дар ин хусус ба АМИТ «Ховар» дар Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон хабар доданд.
Дар ин давра дар вилояти Хатлон ва водиҳои ноҳияҳои тобеи ҷумҳурӣ ҳарорат 14+16 дараҷаро ташкил медиҳад. Дар нимаи аввали моҳ рӯзона ҳаво дар водиҳо то 29 ва шабона то 17 дараҷа гарм мешавад. Дар ноҳияҳои доманакӯҳ рӯзона то 25 ва шабона то 15 дараҷа гармӣ дар назар аст. Дар нимаи аввали моҳ асосан ҳавои хушк боқӣ монда, дар нимаи дуюми моҳ ҳавои номусоид ва бориши борон аз эҳтимол дур нест. Миқдори моҳонаи бориш аз меъёри иқлимӣ кам, дар баъзе ноҳияҳо аз меъёри иқлимӣ зиёд пешгӯӣ мешавад.
Моҳи октябр дар водиҳои вилояти Суғд ҳаво то 15 ва дар ноҳияҳои кӯҳӣ то 9 дараҷа гармиро ташкил медиҳад. Дар даҳрӯзаи аввали моҳ реҷаи нисбатан баланди ҳарорати ҳаво пешгӯӣ мешавад. Даҳаи дуюм ва сеюми моҳ пастшавӣ ва тағйирёбии ҳарорати ҳаво дар назар дошта шуда, дар водиҳо шабона то 11 ва рӯзона то 24 дараҷа гарм мешавад. Дар ноҳияҳои кӯҳӣ шабона то 6 ва рӯзона то 11 дараҷа гармӣ дар назар аст.
Дар минтақаҳои кӯҳии ноҳияҳои тобеи ҷумҳурӣ ва ғарби Вилояти Мухтори Кӯҳистони Бадахшон авввали моҳ ҳарорати баланд ва нимаи дуюми моҳ ҳаво аз меъёри иқлимӣ паст пешгӯӣ мешавад. Шабона ҳаво аз 4 то 12 ва рӯзона аз 14 то 20 дараҷа гарм мешавад. Миқдори моҳонаи бориши атмосферӣ дар ҳудуди меъёри иқлимӣ, дар баъзе ноҳияҳо аз меъёри иқлимӣ кам дар назар дошта шудааст.
Дар шарқи Вилояти Мухтори Кӯҳистони Бадахшон ҳарорати миёнаи моҳонаи ҳаво дар ҳудуди меъёри иқлимӣ пешгӯӣ шуда, ҳаво аз 1 то 4 дараҷа, дар баъзе ноҳияҳо аз меъёр 1-4 дараҷа хунук дар назар аст. Даҳаи дуюм ва сеюми моҳ пастшавии ҳарорати ҳаво дар назар дошта шуда, шабона аз 6 то 10 дараҷа хунук ва рӯзона аз 3+8 дараҷа гарм то 0-5 дараҷа хунук мешавад.
АКС аз манбаъҳои боз
Ҷаласаи V Шурои ҳамоҳангсози мақомоти ваколатдори давлатҳои аъзои СААД баргузор гардид
Дар Тоҷикистон ҳавои фасли тирамоҳ чӣ гуна мешавад?
Дар Коллеҷи технологии шаҳри Душанбе 5 синфхонаи иловагӣ ба истифода дода мешавад
Дар назди Коллеҷи тиббии ҷумҳуриявӣ бинои нави клиника ва дармонгоҳ бунёд мегардад
Соли равон 37 муассисаи таҳсилоти ибтидоии касбӣ таъмир ва навсозӣ мегардад
Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
