«ДАҲСОЛАИ ТАҲКИМИ СУЛҲ БА ХОТИРИ НАСЛҲОИ ОЯНДА». Бо ҷонибдорӣ аз ташаббуси навбатии Президенти Тоҷикистон конференсия доир шуд
ДУШАНБЕ, 26.09.2024. /АМИТ «Ховар»/. 25 сентябр дар Донишгоҳи технологии Тоҷикистон бахшида ба ҷашнҳои муҳими давлатӣ: 30-солагии Конститутсияи Ҷумҳурии Тоҷикистон, Даҳсолаи байналмилалии амал «Об барои рушди устувор, солҳои 2018-2028», 30-солагии Ҳизби Халқии Демократии Тоҷикистон ва Соли маърифати ҳуқуқӣ дар мавзуи «Саҳми Пешвои миллат дар ҳалли масъалаҳои марбут ба обу экология ва вазъи иҷтимоии сокинони сайёра» конференсияи илмӣ-амалӣ баргузор гардид. Дар ин хусус ба АМИТ «Ховар» дар ин донишгоҳ иттилоъ доданд.
Дар конференсия вакилони Маҷлиси намояндагони Маҷлиси Олии Ҷумҳурии Тоҷикистон дар мавзуҳои «Мавқеъ ва саҳми Тоҷикистон дар пешбурди сиёсатҳои глобалии об ва нақши мақоми қонунгузорӣ дар ин самт» ва «Захираҳои об ва ҳамоишҳои ҷаҳонӣ» маъруза намуданд.
Ректори Донишгоҳи технологии Тоҷикистон Зоир Раҳмонзода дар мавзуи «Тоҷикистон-давлати ташаббускор дар ҳалли масоили марбут ба обу иқлим маърузаи илмӣ намуд. Мавсуф, аз ҷумла изҳор намуд, ки «мояи ифтихору сарфарозии мо аст, ки Президенти Тоҷикистон муҳтарам Эмомалӣ Раҳмон 23 сентябри соли 2024 дар ҳамоиши Созмони Милали Муттаҳид иштирок ва суханронӣ намуда, ба ҷомеаи ҷаҳонӣ бори дигар пешниҳод намуданд, ки бо мақсади таъмини сулҳи пойдор дар тамоми кураи Замин ва хотима бахшидан ба ранҷу азоби одамон бар асари ҷангҳо ва пайомади даҳшатбори он Қатънома дар бораи «Даҳсолаи таҳкими сулҳ ба хотири наслҳои оянда» қабул карда шавад».
Ин ташаббуси навбатӣ бори дигар аз мақому манзалати бузурги Пешвои миллатамон дар ҳалли масъалаҳои муҳими ҷаҳони имрӯза ва бе тафовут набудан ба дарди ҷомеаи ҷаҳонӣ башорат медиҳад, зеро воқеан имрӯз вазъи геополитикии ҷаҳон дар ҳолати ҳассос ва хеле хатарнок қарор дорад.
Вобаста ба ин ягона роҳи бурунрафт ва ҳифзи инсонияту сайёра танҳо бо қабули қатънома ба ҳамин пешниҳод метавонад ба ин раванд хотима диҳад ва тамаддуни инсониро наҷот бахшад.
Дар анҷоми конференсия навор оид ба ташаббуси навбатии башардӯстонаи Пешвои миллат дар Созмони Милали Муттаҳид оид ба пешниҳоди «Даҳсолаи таҳкими сулҳ ба хотири наслҳои оянда» намоиш дода шуд. Иштирокдорони конференсия онро тамошо ва аз он истиқболу дастгирӣ намуданд.
АКС: Донишгоҳи технологии Тоҷикистон
«ОЛИМПИАДАИ ЗАБОНИ РУСӢ-2024». Ғолибони он қадрдонӣ гардиданд
Дар Донишгоҳи давлатии Хуҷанд вобаста ба рушди иқтисодиёти рақамӣ ва саноатикунонии Тоҷикистон ҳамоиш баргузор шуд
АРЗЁБИИ ХОНИШ-ЯКЕ АЗ ҲАДАФҲОИ СТРАТЕГИИ СОҲАИ МАОРИФ. Дар ҳошияи Паёми Президенти Тоҷикистон ба Маҷлиси Олӣ
Байни Донишгоҳи байналмилалии сайёҳӣ ва соҳибкории Тоҷикистон ва Донишгоҳи Лакноуи Ҳиндустон шартномаи ҳамкорӣ ба имзо расид
Донишгоҳи техникии Тоҷикистон бо Донишгоҳи давлатии Лакнави Ҳиндустон ҳамкориро тақвият мебахшад
ТОҶИКОН ҶАҲОНРО ТАСХИР МЕНАМОЯНД! Барномаи «Дурахшандагон» ба ҷавонони лаёқатманди Тоҷикистон кумак мерасонад
Дар солҳои соҳибистиқлолӣ дар Тоҷикистон 22 маротиба музди меҳнати кормандони соҳаи маориф зиёд карда шуд
Дар ноҳияи Фирдавсии шаҳри Душанбе Муассисаи таҳсилоти томактабии хусусии «Боғи Мурод» ифтитоҳ ёфт
Барои таҳқиқоти илмӣ то 35 ҳазор сомонӣ мукофотпулӣ муайян гардид
РУШДИ ТАҲСИЛОТИ ТОМАКТАБӢ. Давоми 7 соли охир дар Душанбе 22 кӯдакистон ба истифода дода шуд
Китобҳои дарсии синфҳои 8 ва 9 «Асосҳои давлат ва ҳуқуқи Ҷумҳурии Тоҷикистон» ба забони туркманӣ нашр шуданд
Дар ноҳияи Рашт оид ба иҷрои дастуру супоришҳои Сарвари давлат вобаста ба рушди соҳаи маориф вохӯрӣ доир шуд
