Дар ҷамоати шаҳраки «30-солагии Истиқлол»-и ноҳияи Файзобод бинои муассисаи таълимӣ ба истифода дода шуд
ФАЙЗОБОД, 23.09.2024. /АМИТ «Ховар»/. Дар деҳаи Заркамари ҷамоати шаҳраки «30-солагии Истиқлол»-и ноҳияи Файзобод бинои Муассисаи таҳсилоти миёнаи умумии №66 мавриди истифода қарор дода шуд. Дар ин хусус ба хабарнигори АМИТ «Ховар» Субҳониддини Маҳмуд дар дафтари матбуоти Раиси ноҳияи Файзобод хабар доданд.
Бинои муассисаи таълимӣ аз тарафи Сафорати Ҷумҳурии Ҷопон ба маблағи 132 ҳазору 708 доллари ИМА бунёд гардида, аз 10 синфхонаи барҳаво, таҷҳизоти муосири таълимӣ ва мизу курсӣ иборат аст.
Ба ифтихори ҷашни 35-солагии Истиқлоли давлатӣ ҳамчунин шаш синфхонаи иловагӣ бо 150 ҷойи нишаст дар назди Муассисаи таҳсилоти миёнаи умумии №31-и деҳаи Шаҳтакиён, 2 синфхонаи иловагӣ дар назди Муассисаи таҳсилоти миёнаи умумии №33-и деҳаи Гултеппа ва бинои муассисаи таълимии нав дар Ҷамоати деҳоти Ҷавонони ноҳия ба истифода дода шуд. Ин биноҳо бо дастгирии Мақомоти иҷроияи ҳокимияти давлатии ноҳия ва саҳми соҳибкорону сокинони деҳаҳо сохта шудаанд.
Сокинони ноҳияи Файзобод барои амалӣ намудани сиёсати созандаву бунёдкоронаи Президенти Ҷумҳурии Тоҷикистон муҳтарам Эмомалӣ Раҳмон ва ба истиқболи ҷашни 35-солагии Истиқлоли давлатӣ ноҳияро ободу зеботар гардонида, дар рушди иқтисодию иҷтимоии он саҳми арзанда мегузоранд.
АКС: Мақомоти иҷроияи ҳокимияти давлатии ноҳияи Файзобод
Пешвои миллат Эмомалӣ Раҳмон дар ноҳияи Синои шаҳри Душанбе Муассисаи давлатии «Мактаби бачагонаи мусиқии №3 ба номи Абдуфаттоҳ Одинаев»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Синои шаҳри Душанбе Муассисаи таҳсилоти томактабии «Гулистон»-ро ифтитоҳ намуданд
Сарвари давлат Эмомалӣ Раҳмон дар ноҳияи Фирдавсии шаҳри Душанбе «Кӯдакистони байналмилалии инноватсионии Басбӣ»-ро ба истифода доданд
Пешвои миллат Эмомалӣ Раҳмон дар ноҳияи Шоҳмансури шаҳри Душанбе Муассисаи таҳсилоти томактабии хусусии Ватанпарварро ифтитоҳ намуданд
35-СОЛАГИИ ИСТИҚЛОЛИ ДАВЛАТӢ. Дар Суғд беш аз 12 ҳазор иншоот ба истифода дода шуд
35-СОЛАГИИ ИСТИҚЛОЛИ ДАВЛАТӢ. 4 километр роҳи деҳаи Меҳргони Шаҳринав мумфарш карда шуд
35-СОЛАГИИ ИСТИҚЛОЛИ ДАВЛАТӢ. Бунёдкорӣ дар ҷамоатҳои деҳоти Роҳатию Гулистони ноҳияи Рӯдакӣ вусъат меёбад
35-СОЛАГИИ ИСТИҚЛОЛИ ДАВЛАТӢ. Дар Ҳисор якчанд иншооти ҷашнӣ ба истифода дода шуд
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода Маркази саломатӣ ва толори варзишӣ ба истифода дода шуданд
Дар Суғд ҳаҷми маблағгузорӣ аз ҷониби аҳолӣ беш аз 3 маротиба зиёд шудааст
Ба муносибати 35-солагии Истиқлоли давлатӣ ва Рӯзи Парчами Тоҷикистон дар Рашт панҷ иншоот ба истифода дода шуд
Бахшида ба Рӯзи Парчами давлатӣ дар ноҳияи Рӯдакӣ ҳамоиши тантанавӣ доир шуд
