Дар Боғи Умари Хаёми ноҳияи Сино 33-солагии Истиқлоли давлатӣ ботантана таҷлил карда шуд

ДУШАНБЕ, 07.09.2024. /АМИТ «Ховар»/. 6 сентябр дар Боғи фарҳангиву фароғатии Умари Хаёми ноҳияи Синои пойтахт бахшида ба 33-солагии Истиқлолияти давлатии Ҷумҳурии Тоҷикистон барномаи фарҳангӣ баргузор гардид, иттилоъ медиҳад АМИТ «Ховар».

Дар барнома сокинони ноҳия ҳунарҳои мардумиро намоиш дода, аҳли ҷомеа ҷашни 33-солагии Истиқлолияти Ҷумҳурии Тоҷикистонро бо шодию нишот ва сазовор пешвоз гирифтанд.

Бо дастгириҳои пайваста ва сиёсати хирадмандонаи Президенти Ҷумҳурии Тоҷикистон муҳтарам Эмомалӣ Раҳмон бахшида ба ҷашни Истиқлоли давлатӣ имрӯзҳо дар саросари мамлакат, аз ҷумла дар шаҳри Душанбе  корҳои созандагӣ ва бунёдӣ идома дошта, бо шарофати он Тоҷикистон ба давлати пешрафта  ва зебоманзари дунё табдил мегардад.

АКС: Мақомоти иҷроияи ҳокимияти давлатии ноҳияи Сино