Дар Донишгоҳи технологии Тоҷикистон омодасозии мутахассисони соҳаи IT-технология баррасӣ гардид
ДУШАНБЕ, 26.09.2024. /АМИТ «Ховар»/. Дар вохӯрии ректори Донишгоҳи технологии Тоҷикистон ва директори филиали Ташкилоти амонатии қарзии хурди «ИМОН ИНТЕРНЕШНЛ» дар ноҳияи Синои шаҳри Душанбе, ки 24 сентябр доир шуд, масъалаҳои омодасозии мутахассисони соҳаи IT-технология, ҷалби донишҷӯёни самти IT-технология ба таҷрибаомӯзӣ ва бо ҷойи кор таъмин гардидани онҳо баррасӣ гардиданд.
Тавре АМИТ «Ховар» бо истинод ба Донишгоҳи технологии Тоҷикистон хабар медиҳад, ҷонибҳо ҳамзамон баргузории суҳбатҳо оид ба имконияти бонк ва сиёсатии кадрии он, таъсиси маркази таълимӣ-бонкӣ дар донишгоҳ, таъсиси стипендияҳои номӣ барои донишҷӯёни фаъол, аз машғулияти таълимӣ-сертификатсионӣ гузаронидани кормандони бонк ва амалигардонии лоиҳаҳои муштаракро мавриди муҳокима қарор доданд.
Ректори Донишгоҳи технологӣ Зоир Раҳмонзода иброз дошт, ки ҳоло дар факултети технологияҳои иттилоотӣ ва зеҳни сунъии донишгоҳ мутахассисон аз рӯйи ихтисосҳои системаҳои компютерӣ ва интернет – технологияҳо, системаи автоматишуда, системаҳои компютерии бонкӣ, системаҳои таъмини бехатарии маълумот, таъминоти барномавӣ ва математикии истеҳсолоти автоматонӣ, муҳандисии барномавӣ, интеллекти сунъӣ ва технология ва низоми иттилоотӣ дар иқтисодиёт омода карда мешаванд.
Ҳамкории байналмилалии донишгоҳ дар самти омодасозии мутахассисони соҳаи IT-технология васеъ буда, донишгоҳ бо донишгоҳҳои бонуфузи Кореяи Ҷанубӣ, ташкилоти «WTIT — Интиқоли ҷаҳонии технологияҳои иттилоотӣ дар Тоҷикистон», Фонди миллии таҳқиқотии Корея (NRF) ва Ташкилоти кореягӣ оид ба ҳамкории байналмилалӣ (KOICA) барои дар сатҳи зарурӣ ба роҳ мондани раванди тадрис ва омодасозии мутахассисон тамоми шароити заруриро фароҳам овардааст.
Иброз гардид, ки ҷонибҳо бо пайдо гардидани имконияти бештар кӯшиш менамоянд дар самти омодасозии мутахассисони соҳаи IT-технология дар сатҳи сифатан нав ҳамкорӣ намуда, ба натиҷаҳои назарраси муштарак ноил шаванд.
АКС: Донишгоҳи технологии Тоҷикистон
Донишҷӯёни Донишгоҳи байналмилалии сайёҳӣ ва соҳибкории Тоҷикистон ба даврҳои омӯзишии «Фарҳанги дастархондорӣ» ҷалб гардиданд
Дар Олимпиадаи байналмилалии IKO-2025 дар Камбоҷа хонандагони тоҷик 14 медал ба даст оварданд
«Стратегияи рушди Донишгоҳи байналмилалии сайёҳӣ ва соҳибкории Тоҷикистон барои давраи то соли 2040» самаранок татбиқ мешавад
НИШАСТИ МАТБУОТӢ. Дар шаш моҳ 12 устоди Донишгоҳи давлатии ҳуқуқ, бизнес ва сиёсати Тоҷикистон рисолаи илмӣ дифоъ намуданд
Донишгоҳи байналмилалии сайёҳӣ ва соҳибкории Тоҷикистон бо 28 муассисаи таҳсилоти олии хориҷӣ созишномаи ҳамкорӣ ба имзо расонид
НИШАСТИ МАТБУОТӢ. Дар даври якуми қабул ба Донишгоҳи байналмилалии сайёҳӣ ва соҳибкории Тоҷикистон беш аз 3 ҳазор донишҷӯ дохил шуд
Тоҷикистон ба низоми 10-балаи баҳогузорӣ мегузарад?
Ба нахустин хатмкунандагони факултети муштараки донишгоҳҳои Тоҷикистон ва Узбекистон дипломҳо тақдим карда шуданд
НИШАСТИ МАТБУОТӢ. Дар Тоҷикистон теъдоди муассисаҳои томактабӣ ба 757 адад расид
Донишҷӯёни Коллеҷи омӯзгории шаҳри Кӯлоб дар озмунҳои ҷумҳуриявӣ фаъолона иштирок доранд
Барномаҳои таълимии даврҳои такмили ихтисос барои омӯзгорон бо назардошти таҷрибаи байналмилалӣ таҳия гардидаанд
Музди маоши омӯзгорон ва кормандони Донишгоҳи давлатии Кӯлоб 10% зиёд мегардад
