МАРҲАМАТ БА ҶАШНГОҲ. Бахшида ба Рӯзи Истиқлолият дар чор ноҳияи шаҳри Душанбе барномаҳои идона доир мешаванд
ДУШАНБЕ, 06.09.2024. /АМИТ «Ховар»/. Бахшида ба таҷлили 33-солагии Истиқлолияти давлатии Ҷумҳурии Тоҷикистон дар чор ноҳияи шаҳри Душанбе барномаҳои бошукуҳи фарҳангӣ баргузор мегарданд. Дар ин хусус ба АМИТ «Ховар» дар шуъбаи иттилоотии дастгоҳи Раиси шаҳри Душанбе хабар доданд.
Аз ҷумла, имрӯз соати 17:00 дар Боғи Абулқосим Фирдавсии ноҳияи Фирдавсӣ ва соати 18:00 дар Боғи Умари Хайёми ноҳияи Сино барномаҳои фарҳангӣ-фароғатӣ доир мешаванд.
Ҳамзамон пагоҳ, соати 18:00 дар майдони назди Театри давлатии академии опера ва балети ба номи С. Айнӣ барномаи идонаи бошукуҳ баргузор мегардад.
Барномаи тантанавии ҷашнии ноҳияи Исмоили Сомонӣ 8 сентябр, соати 18:30 дар Майдони Шаршараи пойтахт дар назар дошта шудааст.
Инчунин бахшида ба ҷашни 33-солагии Истиқлолияти давлатӣ дар тамоми сохторҳои Мақомоти иҷроияи ҳокимияти давлатии шаҳри Душанбе ҳамарӯза ҳамоиш, суҳбат ва машваратҳо доир мегарданд.
Ёдовар мешавем, ки ҳамасола дар Тоҷикистон ҷашни Истиқлолияти давлатӣ бо баргузории барномаҳои фарҳангӣ, конфронсҳои сатҳи баланд ва машварату ҳамоишҳои оммавӣ таҷлил мешавад. Зеро расидан ба қадри истиқлолият ва давлатдории мустақил, таҳкими сулҳу субот ва ваҳдати миллӣ, эҳсоси гарми ватандӯстиву ватанпарастӣ, бедории маънавӣ, ифтихори миллӣ, пос доштани арзишҳои миллӣ ва рамзҳои давлатдорӣ – ҳама дар маҷмуъ моро ба сӯи бунёди ҷомеаи воқеан шаҳрвандӣ, пешрафти устувори иқтисодиву иҷтимоӣ ва татбиқи нақшаву ҳадафҳои тақдирсози стратегӣ мебаранд.
АКС: АМИТ «Ховар»
Дар шаҳри Бӯстон беш аз 17 километр роҳ таъмиру мумфарш гардидааст
РӮЗИ КИТОБ. Дар Китобхонаи миллии Тоҷикистон Рӯзи дарҳои боз баргузор мегардад
Дар Душанбе намоиш-фурӯши калони китобҳои тозанашр баргузор мегардад
Кормандони «Саноатсодиротбонк» бо медали «Хизмати шоиста» қадрдонӣ гардиданд
Мутахассисони тоҷику хориҷӣ дар пиряхи Якарча таҳқиқоти маҷмуии илмӣ гузарониданд
Дар Маркази минтақавии бехатарӣ, амният ва кафолатҳои химиявӣ, биологӣ, радиатсионӣ ва ядроӣ нахустин ҳамоиши минтақавӣ доир шуд
Дар шаҳри Турсунзода биноҳои Маркази касбомӯзӣ ва раёсати Агентии меҳнат ва шуғли аҳолӣ бунёд мегарданд
Дар Душанбе Мусобиқаи байналмилалӣ оид ба шиноварӣ оғоз ёфт
Дар ноҳияи Зафаробод ба 80 хонанда либоси мактабӣ тақдим карда шуд
Дар Истаравшан ба муносибати Рӯзи дониш бинои иловагии таълимӣ ба истифода дода шуд
Дар шаҳри Турсунзода 193 синфхонаи иловагӣ ба истифода дода мешавад
Дар шаҳраки Зарафшон-2-и ноҳияи Айнӣ сохтмони майдони Парчами давлатии Тоҷикистон оғоз ёфт
