Пешвои миллат Эмомалӣ Раҳмон дар ноҳияи Тоҷикобод аз ҷараёни бунёди маҳаллаи нав дар деҳаи Сафедмуни ҷамоати деҳоти Қалъаи лаби об боздид намуданд

Сентябрь 12, 2024 13:10

ДУШАНБЕ, 12.09.2024 /АМИТ «Ховар»/. 12 сентябр Пешвои миллат муҳтарам Эмомалӣ Раҳмон зимни сафари корӣ дар ноҳияи Тоҷикобод аз ҷараёни бунёди маҳаллаи нав дар деҳаи Сафедмуни ҷамоати деҳоти Қалъаи лаби об боздид намуданд.

Ҳоло деҳаи Сафедмун дорои 430-хоҷагӣ ва 4-ҳазор аҳолӣ мебошад. Маҳаллаи навбунёд аз 60 хонаи истиқоматӣ иборат хоҳад буд, ки барои қишри ниёзманди ноҳия, аз ҷумла ятимону маъюбон, бенавоён ва мисли онҳо пешбинӣ шудааст. Лоиҳаи иншооти мазкур дар заминаи ҳамкории ҷамъияти хайриявии “Тоҷикистон” бо шарикони хориҷии рушд бунёд мегардад.

Аз рӯи лоиҳа ба Роҳбари давлат доир ба инфрасохтори иншооти бунёдгардида маълумот доданд. Зикр гардид, ки  дар маҳаллаи навбунёд тамоми василаҳо ва имкониятҳои зарурӣ барои таъмини шароити будубош ва ҳаёти иҷтимоии сокинон  дар назар дошта шудааст. Ҳама хонаҳои истиқоматӣ аз рӯи як лоиҳа дар масоҳати 500-метри мураббаъ бо 3-ҳуҷра, ҳамом, ошхона, ҷиҳози рӯзгор ва техникаи маишӣ сохтаву муҷаҳҳаз шуда, ба сокинон тақдим хоҳанд шуд. Ин хонаҳо ба шабакаҳои роҳ, оби нушокӣ, барқ ва гармидиҳӣ низ пайваст хоҳанд шуд. Саҳни ҳавлиҳо ва кӯчаҳои маҳалла бо гулу гулбутта, дарахтони ороишӣ, сабза ва чароғҳои зебо зинат дода мешавад.

Маҳалла ҳамчунин дорои муассисаи таҳсилоти ҳамагонӣ барои 670 хонанда дар 2 баст, бунгоҳи тиббӣ, иншооти  савдову фароғат ва дигар зербинои зарурӣ хоҳад буд.

Баъди ба анҷом расидани корҳои сохтмонӣ барои беҳтарсозии некуаҳволии сокинон ва бо шуғли муносиб таъмин намудани онҳо ба ҳар як хонавода 8-тогӣ қуттии занбури асал ҳадя кардан дар нақша аст.

Пешвои миллат муҳтарам Эмомалӣ Раҳмон аснои шиносоӣ барои боз ҳам босифат анҷом додани корҳои боқимонда ба масъулин дастуру ҳидоятҳо доданд.

Ба иттилои масъулин, бунёди ин маҳаллаи хуштарҳи замонавӣ, ки дар доираи омодагӣ ба истиқболи сазовор аз 35-солагии Истиқлоли давлатии Тоҷикистони азиз идома дорад, то моҳи декабри соли равон ба итмом хоҳад расид.

Бо роҳнамоии Сарвари давлат муҳтарам Эмомалӣ Раҳмон шарикони рушд аз Амороти Муттаҳидаи Араб изҳор доштанд, ки дар ин маҳаллаи навбудёд ҳамчунин сохтмони як муассисаи томактабӣ барои 100 кӯдак низ маблағгузорӣ хоҳанд кард.

Боздид аз ҷараёни маҳаллаи навбунёд дар деҳаи Сафедмуни ноҳияи Тоҷикобод 12.09.2024

Сентябрь 12, 2024 13:10

Хабарҳои дигари ин бахш

Дар ноҳияи Восеъ иншооти таъйиноти гуногун мавриди истифода қарор гирифтанд
Пешвои миллат Эмомалӣ Раҳмон дар ноҳияи Восеъ аз боғи хоҷагии деҳқонии Миралӣ Маҳмадалӣ боздид намуданд
Президенти Ҷумҳурии Тоҷикистон Эмомалӣ Раҳмон дар ноҳияи Восеъ 12 километр роҳи мумфаршу чароғонро ба истифода доданд
Сарвари давлат Эмомалӣ Раҳмон дар ноҳияи Восеъ бинои Маҷмааи варзишии ба номи Лолахон Қаҳҳоровро мавриди истифода қарор доданд
Пешвои миллат Эмомалӣ Раҳмон дар ноҳияи Восеъ корхонаи дӯзандагӣ ва маркази хизматрасонии «Дурдона»-ро ифтитоҳ намуданд
Сарвари давлат Эмомалӣ Раҳмон дар ноҳияи Восеъ ба таври фосилавӣ ба фаъолияти як қатор иншооти таъйиноти гуногун оғоз бахшиданд
Пешвои миллат Эмомалӣ Раҳмон дар ноҳияи Восеъ Маркази касбомӯзӣ ва хизматрасониро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Восеъ бинои нави Маркази ташхисии «Тибби Ҳулбук»-ро ифтитоҳ намуданд
Сарвари давлат Эмомалӣ Раҳмон Варзишгоҳи марказии ноҳияи Восеъро мавриди истифода қарор доданд
Сафари кории Пешвои миллат Эмомалӣ Раҳмон ба ноҳияи Восеъ бо ифтитоҳи Майдони Парчам ва Нишони давлатӣ оғоз ёфт
Дар шаҳри Хоруғ 13 корхонаи нави саноатӣ ба фаъолият оғоз намуд
35-СОЛАГИИ ИСТИҚЛОЛИ ДАВЛАТӢ. Соҳили Сирдарё ба минтақаи истироҳатию фароғатӣ табдил дода мешавад