Дар Душанбе бахшида ба Рӯзи соҳибкорон маҷлиси тантанавӣ ва Форуми «STARTUPSTAN-2024» баргузор мегардад

ДУШАНБЕ, 11.10.2024 /АМИТ «Ховар»/. Пагоҳ, 12 октябр дар шаҳри Душанбе дар доираи «Ҳафтаи соҳибкорӣ» ҷаласаи тантанавӣ бахшида ба Рӯзи соҳибкорон баргузор мегардад, иттилоъ медиҳад АМИТ «Ховар» бо истинод ба Кумитаи давлатии сармоягузорӣ ва идораи амволи давлатии Ҷумҳурии Тоҷикистон.

Дар ҷаласа имконоти сармоягузорӣ дар Тоҷикистон муаррифӣ шуда, соҳибкорони муваффақи мамлакат бо мукофотҳо сарфароз мегарданд. Ҳамзамон намоишгоҳи молу маҳсулоти соҳибкорони ватанӣ ташкил карда мешавад. Дар ин рӯз инчунин Форуми «Стартапстан» «STARTUPSTAN»

гузаронида мешавад, ки дар он намояндагони вазорату идораҳои марбутаи мамлакат, бонкҳо, мақомоти иҷроияи ҳокимияти давлатии вилоятҳои Суғду Хатлон, Бадахшон, ноҳияҳои тобеи марказ ва шаҳри Душанбе, муассисаҳои олии мамлакат ва шарикони рушд иштирок менамоянд.

Таҳкими ҳамкорӣ байни соҳибкорон ва вусъати муколама байни бахшҳои давлатӣ ва хусусӣ, инчунин дарёфти имконияти рушди стартапҳо (лоиҳаҳои тиҷоратӣ) аз ҳадафҳои Форуми «Стартапстан» арзёбӣ мегардад.

АКС аз манбаъҳои боз