Дар Коллеҷи муҳандисию омӯзгории шаҳри Душанбе Рӯзи забони давлатӣ ва Рӯзи омӯзгорон таҷлил гардид
ДУШАНБЕ, 03.10.2024 /АМИТ «Ховар»/. 2 октябр бахшида ба Рӯзи забони давлатӣ ва Рӯзи омӯзгорон дар Коллеҷи муҳандисию омӯзгории шаҳри Душанбе ҳамоиши фарҳангӣ баргузор шуд, хабар медиҳад АМИТ «Ховар» бо истинод ба Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон.
Дар ҷамъомад иброз гардид, ки имрӯзҳо тамоми мардуми Тоҷикистон ду ҷашни саропо ҳастиву маъниро ҷашн мегиранд. Рӯзи забон ва Рӯзи омӯзгорон рӯзҳое мебошанд, ки ба хотири заминаи боэътимод гузоштанашон дар тақвияти ҳувияти миллӣ ва ояндаи давлату давлатдории тоҷикон нақши босазо доранд. Аз ин рӯ ҳамасола ин рӯзҳоро дар қатори дигар санаҳои муҳими таърихӣ ҷашн мегиранд.
Президенти Тоҷикистон муҳтарам Эмомалӣ Раҳмон дар суханрониҳояшон борҳо таъкид намудаанд, ки «забон рукни асосии миллат ва давлат аст. Давлату миллат соҳиб ва пуштибони забонанд. Забон омили асосии рушду камоли миллат ва давлат аст. Ин аст, ки забон, давлат ва миллат дар паноҳи якдигаранд».
Забони давлатӣ дар пойдорӣ ва сулҳу суботи миллӣ мақому нақши муҳим дошта, ҳастии миллат ва бунёду пояи давлат эълон гардидааст.
Барномаи фарҳангии иборат аз сурудҳои ватандӯстона аз ҷониби дастаи фарҳанги муассисаи таълимӣ пешкаши тамошобинон гардид.
АКС: Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон
Бахшида ба Рӯзи ҷаҳонии футбол байни кормандони соҳаи маорифи шаҳри Душанбе мусобиқаи футболи хурд идома дорад
Дар муассисаҳои таҳсилоти олии касбии Чин зиёда аз 5000 донишҷӯи тоҷик таҳсил менамоянд
Дар Донишгоҳи давлатии ҳуқуқ, бизнес ва сиёсати Тоҷикистон масъалаи истифодаи усулҳои нави таълими забонҳои хориҷӣ баррасӣ шуд
Донишгоҳи байналмилалии забонҳои хориҷии Тоҷикистон хатмкунандагонро ба муассисаҳои таълимӣ равона намуд
Беш аз 200 нафар донишҷӯён ва магистрантон соҳиби Стипендияи Раиси вилояти Суғд шуданд
Хонандагони тоҷик дар Олимпиадаи байналмилалии «Al-Khwarazmi» сазовори 12 ҷойи ифтихорӣ гардиданд
Нахустин нишасти вазирони маорифи давлатҳои Осиёи Марказӣ баргузор гардид
Донишҷӯи Коллеҷи омӯзгории шаҳри Турсунзода дар олимпиадаи байналмилалии «Англисони ҷавон» ҷойи сеюмро соҳиб гардид
Иштирокчӣ аз Тоҷикистон дар Фестивал-озмуни байналмилалии эҷодиёти кӯдакон ва ҷавонон соҳиби ду Шоҳҷоиза шуд
ДОВТАЛАБОН КАДОМ КАСБРО БОЯД ИНТИХОБ НАМОЯНД? Ҳангоми интихоб лаёқату истеъдодро ба назар гирифтан зарур аст
Чаро дар муассисаҳои таълимӣ раванди таълиму тарбия ва корҳои ободонию интизоми меҳнат риоя намегардад?
«ТОБИСТОН-2025». Барои кӯдакону наврасон 30 истироҳатгоҳи беруназшаҳрӣ омода карда мешавад
