Дар Тоҷикистон вохӯрии байналмилалии донорҳо ба хотири таъсиси Маркази байналмилалии омӯзишӣ оид ба муқовимат бо терроризм доир шуд
ДУШАНБЕ, 16.10.2024 /АМИТ «Ховар»/. 15 октябр дар Душанбе бо ташаббуси Раёсати Академияи миллии илмҳои Тоҷикистон ва Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон чорабинии байналмилалии сатҳи баланд баргузор гардид. Дар ҷараёни он лоиҳаҳо барои таъсиси Маркази байналмилалии омӯзишӣ оид ба муқовимат бо терроризм бо истифода аз силоҳи қатли ом ва маводи химиявӣ, биологӣ, радиоактивӣ ва ядроӣ муаррифӣ шуданд. Дар ин хусус ба АМИТ «Ховар» дар Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон хабар доданд.
Дар ҷамъомад президенти Академияи миллии илмҳои Тоҷикистон, профессор Қобилҷон Хушвақтзода аҳамияти ҳамкории илмӣ ва техникиро дар ҳалли масъалаҳои амнияти марбут ба таҳдидҳои терроризм бо истифода аз силоҳи қатли ом ва маводи химиявӣ, биологӣ, радиоактивӣ ва ядроӣ таъкид намуда, изҳор дошт, ки Тоҷикистон иқдом гирифтааст дар тақвияти амнияти минтақавӣ ва ҷаҳонӣ бо таъсиси ин маркази пешрафтаи омӯзишӣ саҳми назаррас гузорад.
Дар ҳамоиш зиёда аз 30 лоиҳа муаррифӣ гардид, ки гуногунии ҷанбаҳои маводи химиявӣ, биологӣ, радиоактивӣ ва ядроиро дар бар мегиранд. Ин лоиҳаҳо ба соҳаҳои афзоиши иқтидор, рушди инфрасохтор, инноватсияҳои технологӣ ва ҳамкории байналмилалӣ равона шудаанд. Интизор меравад, ки лоиҳаҳои пешниҳодшуда қобилияти минтақаро барои пешгирии паҳншавии маводи химиявӣ, биологӣ, радиоактивӣ ва ядроӣ ва вокуниши самаранок ба таҳдидҳои марбут ба терроризм ба таври назаррас такмил бахшанд. Чорабинӣ барои муҳокимаи имконияти шарикӣ ва дастгирии кишварҳои донор ва ташкилоти байналмилалӣ замина фароҳам овард.
Аз номи шарикони байналмилалӣ намояндаи Идораи мухобироти Созмони Милали Муттаҳид оид ба маводи мухаддир ва ҷинояткорӣ дастгирии доимии худро аз кӯшишҳои Тоҷикистон изҳор намуда, маркази пешниҳодшударо «усули муҳим барои тақвияти амнияти ҷаҳонӣ» номид.
АКС: Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон
Милитсияи пойтахт аз шаҳрвандон талаб намуд, ки аз фурӯшу паҳнсозӣ ва истифодаи маводи тарфгарӣ худдорӣ кунанд
Ба муносибати таъсиси Воҳидҳои таъйиноти махсуси милитсия дар вилоятҳои Суғд, Хатлон ва Бадахшон ҷамъомади тантанавӣ доир шуд
РӮЗИ ТАЪСИСИ ВОҲИДҲОИ ТАЪЙИНОТИ МАХСУСИ МИЛИТСИЯ. Кормандони ин ниҳод вазифаҳои душвору масъулиятнок бар зимма доранд
Дар Минск вохӯрии вазирони корҳои дохилии Тоҷикистон ва Беларус баргузор гардид
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
«МУҚОВИМАТ БО КОРРУПСИЯ ДАР СОҲАИ ТИҶОРАТ». Дар Душанбе таҳти ин унвон форуми байналмилалӣ баргузор мешавад
Дар Душанбе оид ба усулҳои нави ҷамъоварии маълумот дар самти муқовимат ба савдои одамон ҷаласа доир шуд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро гардид
Ҳайати Тоҷикистон дар конференсияи 26-уми байналмилалии раисони судҳои олии кишварҳои ҷаҳон иштирок намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 900 ҳодисаи сӯхтор ба қайд гирифта шудааст
Нақшаи даъвати ҳарбӣ дар Тоҷикистон 98 фоиз иҷро гардид
Милитсияи пойтахт дар муассисаҳои таълимӣ 115 ҳолати истеъмоли чилим ва сигорҳои электрониро ошкор намуд
