«ИЛМ-ФУРӮҒИ МАЪРИФАТ». Ғолибони даври вилоятии озмуни ҷумҳуриявӣ дар Суғд қадршиносӣ гардиданд
ДУШАНБЕ, 21.10.2024 /АМИТ «Ховар»/. 19 октябр дар вилояти Суғд даври вилоятии Озмуни ҷумҳуриявии «Илм-фурӯғи маърифат» ҷамъбаст ва ғолибон қадршиносӣ гардиданд, хабар медиҳад АМИТ «Ховар» бо истинод ба хадамоти матбуоти Раиси вилояти Суғд.
Иброз гардид, ки озмун таҳти сарпарастии Президенти Ҷумҳурии Тоҷикистон муҳтарам Эмомалӣ Раҳмон ва бо мақсади рушди тафаккури техникӣ, васеъ намудани ҷаҳонбинии илмӣ, дастрасӣ пайдо намудан ба техникаву технология, тавсеаи навоварӣ ва ихтироъкорӣ, пайвастани илм бо истеҳсолот, ҷалби бештари хонандагону донишҷӯён ва дигар гурӯҳҳои ҷомеа ба омӯзиши фанҳои табиатшиносӣ, дақиқ ва риёзӣ, инчунин дарёфт ва муаррифии истеъдодҳои нав дар ин самт баргузор мешавад.
Озмуни ҷумҳуриявии «Илм-фурӯғи маърифат» аз соли 2021 инҷониб доир мегардад. Натиҷаҳо нишон медиҳанд, ки озмун ба ҳадафи асосӣ– ҷалби наврасону ҷавонон ба омӯзиши илмҳои муосир мерасад.
Озмун завқи хонандагони муассисаҳои таълимӣ, донишҷӯён, пажуҳишгарону муҳаққиқон ва ихтироъкоронро ба омӯзиши фанҳои риёзӣ, дақиқ ва табиӣ бедор намуда, барои ихтироъкориву навоварӣ заминаи мусоид фароҳам меорад.
Иттилоъ дода шуд, ки даври вилоятии Озмуни ҷумҳуриявии «Илм–фурӯғи маърифат» аз рўи 7 номинатсия баргузор гардида, ҳайати ҳакамони озмун ба донишу маҳорат ва истеъдоди иштирокдорони озмун баҳои воқеӣ доданд. Дар ҷамъбаст 126 нафар, аз ҷумла 42 хонандаи муассисаҳои таҳсилоти миёнаи умумӣ, 42 хонандаи мактабҳои типи нав, 36 донишҷӯ ва 6 омӯзгору намояндагони касбу кори гуногун ғолиби даври вилоятии озмуни ҷумҳуриявии «Илм – фурӯғи маърифат» дониста шуда, ба даври ҷумҳуриявӣ роҳхат гирифтанд.
Барои дар сатҳи баланд гузаронидани даври вилоятии озмуни ҷумҳуриявии «Илм-фурӯғи маърифат» ва қадршиносии ғолибон дар вилояти Суғд 708 ҳазору 250 сомонӣ ҷудо шудааст.
АКС: Хадамоти матбуоти Раиси вилояти Суғд
Таҳти унвони «Қисса ва ҳикояҳо» китоби Абдурофеъ Рабизода нашр гардид
«ДАР МЕҲМОНИИ ДУШАНБЕ». Фестивали байналмилалии эҷодиёти бадеии кӯдакон ва наврасони ИДМ оғоз гардид
Дар Агентии ҳифзи мероси таърихию фарҳангӣ таҳти унвони «Ваҳдати миллат — бақои миллат!» ҳамоиш баргузор шуд
Дар ёдгории Ҳалқаҷари ноҳияи Хуросон бозёфти нодири таърихӣ — «обкӯзаи хонуми Сагкин» кашф гардид
«Душанбе — нусхае аз биҳишт». Таҳти ин унвон дар васфи пойтахти Тоҷикистон китоб ба нашр расид
Донишҷӯдухтарони Донишгоҳи давлатии Кӯлоб ба меҳмонони хориҷӣ либосҳои миллиро намоиш доданд
Дар Институти биологии Помир озмоишгоҳи биотехнологӣ ба истифода дода шуд
Байни нашрияи «Народная газета» ва Медиакорпоратсияи Чин Ёддошти ҳамкорӣ ба имзо расид
Дар Санкт-Петербург Ассамблеяи XIX генералии Созмони агентиҳои иттилоотии кишварҳои Осиё ва Уқёнуси Ором баргузор шуд
Дар Китобхонаи миллӣ китобномаи шарҳиҳолии Шоири халқии Тоҷикистон Ашӯр Сафар рӯнамоӣ гардид
САЙРИ БАДАХШОН. Дар вилоят беш аз 300 муассисаи фарҳангӣ ба мардум хизмат мерасонад
Дар Душанбе маросими кушодашавии 46-умин сессияи баҳории Академияи хурди илмҳои Тоҷикистон баргузор шуд
