Имрӯз рӯзи таъсиси «Телевизиони Тоҷикистон» мебошад
ДУШАНБЕ, 03.10.2024 /АМИТ «Ховар»/. Имрӯз солгарди таъсисёбии «Телевизиони Тоҷикистон» мебошад. 3 октябри соли 1959 якумин маротиба Студияи телевизиони Тоҷикистон ба кор шуруъ намуд, ки ин рӯйдоди муҳими фарҳангӣ дар ҳаёти мамлакат буд. Акнун барномаҳои телевизиони тоҷикро тавассути моҳвораи LMI-1 сокинони давлатҳои Осиё ва Аврупо- аз Ҷопон то Фаронса ва як қисми Африқо метавонанд тамошо намоянд.
Аз давраи таъсисёбӣ то ба имрӯз «Телевизиони Тоҷикистон» марҳилаҳои гуногуни рушдро гузашта, имрӯз бо 24 соати пахши барномаҳо бо панҷ забон ва тавассути пахши дақиқияташ баланд – HD дар пурра сохтани фазои иттилоотии мамлакат нақши муносиб мегузорад.
Тавассути «Телевизиони Тоҷикистон» дар рӯзҳои аввал то якуним соат барномаҳо пахш карда мешуд. То охири соли 1960 ҳаҷми барномаи иттилоотии «Ахбор» 10 дақиқа ва ҳаҷми умумии барномаҳои ҳаррӯза ба 3 соату 30 дақиқа расонида шуд.
2 феврали соли 1960 студияи сайёри телевизионӣ (ССТ) ба фаъолият оғоз кард ва аз 1 июли ҳамон сол пахши намоишҳо ҳамарӯза гардид.
Имрӯз «Телевизиони Тоҷикистон» чун яке аз расонаҳои тарғибгари давлату ҳукумат фаъолияти босамар дошта, ҳамарӯза дастовардҳои Тоҷикистонро дар арсаи байналмилалӣ муаррифӣ менамояд.
Дар шабакаҳои телевизионии мамлакат имрӯз тамоми минтақаҳои сайёҳии мамлакат, дастовардҳои олимони тоҷик, пешравиҳои ҷавонони мамлакат дар соҳаҳои гуногун ва маҳсули дасти ҳунармандони тоҷик тарғибу ташвиқ мегарданд, ки яке аз роҳҳои хуби муаррифӣ намудани Тоҷикистон дар ҷаҳон ба ҳисоб меравад.
Бо тақозои замон телевизиони тоҷик ба техникаи нави рақамӣ гузашта, барномаҳо тавассути техникаи муосир танзим ва пахш карда мешавад.
Моҳинави НАВРӮЗ,
АМИТ «Ховар»
АКС: АМИТ «Ховар»
Дар Филиппин Форуми байналмилалии тандурустӣ баргузор гардид
Дар ноҳияи Рӯшон оид ба истифодаи сарфакоронаи неруи барқ вохӯрӣ доир гардид
Аз 9 то 13 июл дар Тоҷикистон ҳарорати ҳаво то 5 дараҷа паст мешавад
Байни Тоҷикистон ва Қирғизистон Ёддошти тафоҳум оид ба ҳамкорӣ дар соҳаи иҷтимоӣ ба имзо расид
ИМРӮЗ — РӮЗИ МАЪЮБОН. Дар Тоҷикистон заминаи ҳуқуқии ҳифзи иҷтимоии маъюбон фароҳам оварда шудааст
Пагоҳ дар баъзе аз кӯчаҳои Душанбе ҳаракати воситаҳои нақлиёт муваққатан қатъ мегардад
Дар Душанбе вобаста ба ҳимояи ҳуқуқи инсон дар шароити рақамикунонӣ ҳамоиш баргузор шуд
Гурӯҳи корӣ бо рафти корҳои сохтмонии манзилҳои аз офати табиӣ зарардидаи ноҳияҳои Рашт ва Тоҷикобод шинос гардид
Дар Тоҷикистон доир ба пардохти кумакҳои унвонии иҷтимоӣ давраи омӯзишӣ ҷараён дорад
Гармии шадиди ҳаво боиси авҷи кадом бемориҳо мегардад?
Басти дуюми истироҳатгоҳи «Файзи истиқлол» дар ноҳияи Варзоб оғоз гардид
Чӣ тавр худро аз гармии тобистон муҳофизат кунем? Донистани роҳҳои дурусти он муҳим аст
