КУМАКИ ПЕШВОИ МИЛЛАТ. Ба оилаҳои ниёзманди шаҳру ноҳияҳои Бадахшон 150 тонна маводи хӯрокворӣ тақсим карда шуд
ДУШАНБЕ, 08.10.2024 /АМИТ «Ховар»/. Дар асоси дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон ба оилаҳои ниёзманди Вилояти Мухтори Кӯҳистони Бадахшон 150 тонна маводи хӯрокворӣ, аз қабили орд, шакар, биринҷ, равған ва макарон дастрас карда шуд, хабар медиҳад АМИТ «Ховар».
Зимни тақсими кумакҳои Пешвои миллат сокинон ба Сарвари давлат ва Ҳукумати Ҷумҳурии Тоҷикистон барои ин ғамхорӣ миннатдорӣ баён намуданд, зеро дар пеш фасли зимистон буда, ин кумак хеле саривақтӣ мебошад. Кумаки навбатӣ ба гурӯҳи осебпазири шаҳри Хоруғ тақсим карда шуд. Миқдори муайяни озуқаворӣ таҳти роҳбарии аъзои комиссияи давлатию вилоятӣ ба ноҳияҳои Роштқалъаву Ишкошим фиристонида шуд.
Намояндагони Ҳукумати мамлакат ҳангоми тақсими кумаки Сарвари давлат таъкид намуданд, ки дар партави сиёсати бунёдкоронаи Пешвои миллат ва таваҷҷуҳи Ҳукумати мамлакат ба шаҳру ноҳияҳои вилоят пайваста кумакҳои моддиву иҷтимоӣ ва молиявӣ расонида мешаванд. Сокинони ниёзманди вилоят таъкид намуданд, ки мардуми Бадахшон ҷонибдори ҳамешагии сиёсати бунёдкоронаи роҳбарияти давлат ва ҳукумати мамлакат мебошанд.
Ин иқдомро сокинони вилоят ҷонибдорӣ намуда, онро натиҷаи ғамхорӣ ва таваҷҷуҳи Сарвари давлат нисбат ба гурӯҳи ниёзманди аҳолии шаҳру ноҳияҳои дурдаст арзёбӣ намуданд.
АКС: АМИТ «Ховар»
Ҳамкории Тоҷикистон ва Иттиҳоди Аврупо дар самти ҳуқуқи инсон тақвият меёбад
СОЛИ ТАҚВИЯТУ ТАҲКИМИ ХУДШИНОСИВУ ХУДОГОҲИИ МИЛЛӢ. Доир ба масоили ҳувияти миллӣ ва амнияти давлат ҳамоиши илмӣ баргузор шуд
Оид ба татбиқи нақшаи амали Стратегияи миллии фаъолгардонии нақши занон дар Тоҷикистон конференсия доир шуд
Дар Институти геология, сохтмони ба заминҷунбӣ тобовар ва сейсмология Маркази мониторинги сейсмикӣ ба истифода дода шуд
Намояндагони Сафорати Тоҷикистон дар Федератсияи Русия бо донишҷӯёни тоҷик вохӯрӣ намуданд
Дар Душанбе масъалаи ифлосшавии ҳавои атмосферӣ дар мамлакат баррасӣ гардид
Дар Тоҷикистон барои беҳтар намудани хизматрасонии тиббӣ иқдоми нав амалӣ мегардад
Тоҷикистону Чин дар бахши тандурустӣ Ёддошти ҳамкории сеҷониба ба имзо расониданд
«БАҲОРИ ҶАВОНӢ — НАВРӮЗИ ҶАҲОНӢ». Дар вилояти Суғд Фестивали ҷумҳуриявии дӯстии ҷавонон оғоз гардид
МАСЪУЛИЯТ БАРОИ ТАЪЛИМУ ТАРБИЯИ КӮДАК. Судяҳои ноҳияи Фирдавсӣ бо волидону хонандагон вохӯрӣ намуданд
Дар Душанбе оид ба нақши занон дар эҳёи суннатҳои наврӯзӣ форуми байналмилалӣ баргузор гардид
Байни Тоҷикистон ва Узбекистон дар соҳаи таҳсилоти касбӣ Ёддошти тафоҳум ба имзо расонида шуд
