ЛИГАИ ОЛИИ ТОҶИКИСТОН. «Равшан» бар дастаи футболи «Куктош»-и ноҳияи Рӯдакӣ ғалаба намуд

ДУШАНБЕ, 16.10.2024 /АМИТ «Ховар»/. Дастаи футболи «Равшан»-и шаҳри Кӯлоб дар  доираи бозиҳои даври 18-уми Лигаи олии Тоҷикистон  дастаи «Куктош»-и ноҳияи Рӯдакиро  мағлуб кард. Вохӯрии дастаҳо дар  Варзишгоҳи марказии шаҳри Душанбе хеле ҷолиб  баргузор шуда, бо ҳисоби калони  5:0 ба фоидаи дастаи  футболи  «Равшан»-и шаҳри Кӯлоб анҷом ёфт. Дар ин хусус шореҳи варзиши АМИТ «Ховар» бо истинод ба Федератсияи  футболи  Тоҷикистон хабар медиҳад.

Бо ин ғалаба  дастаи  футболи  «Равшан»-и шаҳри Кӯлоб  шумораи имтиёзҳояшро дар ҷадвали мусобиқот ба 31 расонида, дар зинаи 4-ум мавқеъ гирифт.

Дастаи футболи  «Куктош»-и ноҳияи Рӯдакӣ бо 5 имтиёз дар охири ҷадвали мусобиқот ҷойгир аст.

Дастаи  футболи  «Истиқлол»-и шаҳри  Душанбе  бо 42 имтиёз пешгоми ҷадвали мусобиқот мебошад.

                                                                        АКС: Федератсияи футболи Тоҷикистон