Роҳбарони мақомоти авиатсионии давлатҳои Осиёи Марказӣ ва Қатар тавсеаи ҳамкориро дар соҳаи авиатсия баррасӣ намуданд
ДУШАНБЕ, 16.10.2024 /АМИТ «Ховар»/. 15-16 октябри соли 2024 дар шаҳри Самарқанд вохӯрии роҳбарони мақомоти авиатсияи граждании давлатҳои Осиёи Марказӣ- Тоҷикистон, Узбекистон, Қазоқистон, Қирғизистон ва инчунин Давлати Қатар баргузор гардид. Дар ин хусус АМИТ «Ховар» бо истинод ба Агентии авиатсияи граждании назди Ҳукумати Ҷумҳурии Тоҷикистон иттилоъ медиҳад.
Дар вохӯрӣ масъалаҳои ба роҳ мондани ҳамкорӣ байни давлатҳои Осиёи Марказӣ ва Давлати Қатар оид ба бехатарии парвозҳо, зиёд намудани шумораи хатсайрҳо ва ба роҳ мондани хатсайрҳои мустақими ҳавоӣ байни давлатҳои Осиёи Марказӣ ва Қатар баррасӣ гардиданд.
Ҳамчунин байни Директори Агентии авиатсияи граждании назди Ҳукумати Ҷумҳурии Тоҷикистон Ҳабибулло Назарзода ва Директори Маъмурияти авиатсионии Давлати Қатар оид ба тақвият бахшидани ҳамкории дуҷониба, аз ҷумла масъалаи ба роҳ мондани хатсайрҳои мустақими ҳавоӣ моҳи ноябр-декабри соли 2024 байни Душанбе- Давҳа-Душанбе вохӯрӣ баргузор гардид.
Бояд гуфт, ки соли 2017 Созишномаи ҳамкорӣ оид ба алоқаи ҳавоӣ байни Ҳукумати Ҷумҳурии Тоҷикистон ва Давлати Қатар ба имзо расида буд. Баъди ба имзо расидани ин созишнома 22 апрели соли 2019 Протоколи вохӯрӣ ба имзо расида, аз ҷониби Ҷумҳурии Тоҷикистон ҶДММ «Ширкати ҳавопаймоии Сомон Эйр» ва ҶСК «Тоҷик Эйр», аз ҷониби Давлати Қатар Ширкати ҳавопаймоии «Qatar Airways» ҳамчун интиқолдиҳандагони мусофирон, бор, бағоҷ ва почта таъйин гардиданд.
Интизор меравад, ки ин вохӯрӣ дар рушди соҳаи авиатсияи гражданӣ, аз ҷумла беҳтар гардидани вазъи иқтисодии ширкатҳои авиатсионӣ ва таъмини бехатарии парвозҳо нақши муассир мегузорад.
АКС: Агентии авиатсияи граждании назди Ҳукумати Ҷумҳурии Тоҷикистон
Ҳамкории Тоҷикистон бо Созмони озуқаворӣ ва кишоварзии СММ дар самти муҳити зист баррасӣ гардид
Дар Тоҷикистон ҷамъоварии ҳосили лимӯ оғоз шуд
Имсол ба Вилояти Мухтори Кӯҳистони Бадахшон беш аз 40 ҳазор сайёҳ ворид гардид
Байни Тоҷикистон ва Русия дар самти амнияти иттилоотӣ ва коммуникатсионӣ Ёддошти тафоҳум ба имзо расид
Вазирони рушди иқтисоди Тоҷикистон ва Русия амалисозии Харитаи роҳ оид ба густариши ҳамкории тиҷоратию иқтисодиро зарур шумориданд
Доир ба тақвияти ҳамкории Тоҷикистон ва Русия дар соҳаи нақлиёт санади нави ҳамкорӣ ба имзо расид
Агентии инноватсия ва технологияҳои рақамии назди Президенти Тоҷикистон барои рушди зеҳни сунъӣ тадбирҳои амалӣ меандешад
Сарвари давлат Эмомалӣ Раҳмон: «Шумораи сайёҳон аз Русия ба Тоҷикистон афзоиш ёфтааст»
Таҳкими ҳамкорӣ байни Тоҷикистон ва Комиссияи иқтисодии СММ барои Аврупо дар самтҳои рақамикунонии соҳаи сохтмон баррасӣ гардид
Таҳкими ҳамкории Тоҷикистон ва Русия дар соҳаи инноватсия ва технологияҳои рақамӣ баррасӣ гардид
Аз Тоҷикистон ба Русия беш аз 29 ҳазор тонна маҳсулоти кишоварзӣ содирот карда шудааст
Дар ҷаласаи 86-уми Кумита оид ба рушди шаҳрсозӣ, манзил ва идоракунии замин стратегияи рушди соҳаи сохтмони Тоҷикистон муаррифӣ шуд
