«Сомон Эйр» барномаи навсозии курсиҳои мусофирнишини ҳавопаймоҳоро амалӣ намуд
ДУШАНБЕ, 31.10.2024 /АМИТ «Ховар»/. Дар доираи Стратегияи баланд бардоштани сатҳи хизматрасонӣ ба мусофирон ширкати ҳавопаймоии «Сомон Эйр» барномаи навсозии курсиҳои мусофирнишини ҳавопаймоҳоро амалӣ намуд. Дар доираи барнома курсиҳои кӯҳнашуда бо курсиҳои нав иваз карда мешаванд. Курсиҳои нав модели курсиҳои эконом-класси Elesa- истеҳсоли ширкати TCI (Туркия) мебошанд. Курсиҳо қаблан дар Душанбе дар Намоишгоҳи байналмилалии сайёҳии DITE-2024 муаррифӣ шуда, хуб арзёбӣ шуданд. Дар ин хусус ба АМИТ «Ховар» дар ин ширкат иттилоъ доданд.
Дар курсиҳои бароҳат мизчаҳо, кисаҳо барои адабиёт ва чангаки либосовезӣ насб шудаанд. Роҳаткурсиҳо дорои механизми идоракунии хаму ростшавӣ ва дастмонак мебошанд. Курсиҳо ҳамчунин бо мизчаҳои махсуси барои истифодаи телефону планшетҳо мувофиқ муҷаҳҳаз мебошанд, ки ба истифодабарандагони таҷҳизоти мобилӣ хеле хуш меоянд. Тарҳи нави курсиҳо рамзи ширкатро дошта, инъикоскунандаи инкишофи брендинг мебошад.
Директори генералии ширкати ҳавопаймоии «Сомон Эйр» Абдулқосим Валиев иброз дошт, ки «акнун сафар бо мо боз ҳам бароҳату гуворотар хоҳад буд. Ин тирамоҳ мо барои мусофирон дар эконом-класс роҳаткурсиҳои нави муосир пешниҳод намудем. Толори навшуда хушнамуду муносиб буда, дар фазо муҳити созгор фароҳам меорад».
Дар айни замон ширкати ҳавопаймоии «Сомон Эйр» парвозҳои мунтазамро аз Тоҷикистон ба Олмон, Амороти Муттаҳидаи Араб, Туркия, Чин, Ҳиндустон, Эрон, Арабистони Саудӣ, Покистон, Русия, Қазоқистон ва Узбекистон муваффақона анҷом медиҳад. Парки ширкат аз ҳавопаймоҳои Боинг 737-800 ва Боинг 737-900 мураттаб мебошад.
АКС: «Сомон Эйр»
EKHIZMAT.TJ. Ин портали ягонаи хизматрасониҳои давлатӣ ба шаҳрвандон 83 номгӯй хизматрасонии давлатӣ пешниҳод менамояд
НИШАСТИ МАТБУОТӢ. Қонунвайронкунии зиддиинҳисорӣ ба маблағи 3,5 миллион сомонӣ ошкор карда шуд
Муовини Сарвазири Тоҷикистон бо вазъи корҳои саҳроӣ дар ноҳияи Бобоҷон Ғафуров шинос гардид
Дурнамои тақвияти ҳамкории Тоҷикистон бо Хазинаи байналмилалии асъор дар соҳаи энергетика баррасӣ шуд
Иқтидору имконияти сармоягузории Тоҷикистон дар Форуми B5+1 дар Бишкек муаррифӣ гардид
Намояндаи Тоҷикистон дар Ассамблеяи умумии Созмони ҳамкории рақамӣ иштирок намуд
Дар теппаҳои шоҳроҳҳои Душанбе ва ноҳияҳои тобеи ҷумҳурӣ беш аз 106 ҳазор бех ниҳол шинонида шуд
Муовини Сарвазири Тоҷикистон бо фаъолияти кишоварзони шаҳри Исфара шинос гардид
Рушди ҳамкории тиҷоратии Ҷумҳурии Тоҷикистон ва Амороти Муттаҳидаи Арабӣ баррасӣ гардид
АФЗОИШИ ИЗОФАНАВИСИИ ЭНЕРГИЯИ БАРҚ БА СУРАТҲИСОБИ МУШТАРИЁН. Агентии назорати давлатии энергетикӣ дар ин хусус иттилоъ медиҳад
ТАЪСИРИ ОМИЛИ ИНСОНӢ. Бо рушди технологияҳои рақамӣ ва зеҳни сунъӣ он дар тамоми соҳаҳо ва ҳама гуна муносибатҳои молиявӣ коҳиш меёбад
Ҷаласаи панҷуми Кумитаи роҳбарикунандаи Барномаи дастгирии энергетикаи устувор баргузор гардид
