Ташаббусҳои глобалии Президенти Тоҷикистон дар чорабинии сатҳи баланд оид ба Рӯзи ҷангал ва об баррасӣ шуданд
ДУШАНБЕ, 30.10.2024 /АМИТ «Ховар»/. Пиряхҳо дар нигоҳдории экосистемаҳои марбут ба об нақши калидӣ доранд ва аз байн рафтани онҳо метавонад барои гуногунии биологӣ ва устувории экосистема оқибатҳои ҷиддӣ дошта бошад. Ин нуктаро Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода зимни суханронӣ дар чорабинии сатҳи баланд оид ба Рӯзи ҷангал ва об дар ҳошияи Конфронси 16-уми тарафҳои Конвенсияи Созмони Милали Муттаҳид оид ба гуногунии биологӣ (СОР16) дар шаҳри Калии Ҷумҳурии Колумбия иброз намуд.
АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад, ки ҳамоиш аз ҷониби котиботи Конвенсияи Созмони Милали Муттаҳид оид ба гуногунии биологӣ, дар павилиони «Барномаи глобалии қолабии Кунмин-Монреал вобаста ба гуногунии биологӣ» баргузор гардид.
Баҳодур Шерализода аз муҳимияти Қатъномаи Маҷмаи Умумии Созмони Милали Муттаҳид, ки бо ташаббуси Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон моҳи декабри соли 2022 оид ба Соли байналмилалии ҳифзи пиряхҳо эълон намудани соли 2025 қабул гардид, сухан гуфт.
Гуфта шуд, ки пиряхҳо манбаи оби тоза буда, ба дарёҳо, кӯлҳо ва ботлоқзор ғизо медиҳанд. Ин дар навбати худ олами наботот ва ҳайвоноти гуногунро эмин нигоҳ медорад.
Инчунин таваҷҷуҳи ҳозирин ба масъалаи тағйирёбии иқлим, ки боиси обшавии пиряхҳо гардида, ба экосистемаҳои поёноб низ таъсири манфӣ мерасонад, ҷалб шуд. Оби пирях одатан ҳарорати паст дошта, барои ҳаёти микроорганизмҳо ва дигар организмҳои зинда шароити беназир фароҳам меоварад. Ҳамчунон дар баробари кам шудани қабати ях шароит тағйир ёфта, он метавонад сабаби нобудшавии намудҳои махсусе, ки дар дарёҳои пиряхҳо зиндагӣ мекунанд, гардад. Ин дар навбати худ на танҳо ба гуногунии биологӣ, балки ба хизматрасонии экосистемаи онҳо, аз қабили тозакунии об ва нигоҳ доштани суботи экосистема таҳдид мекунад.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Дар Ню-Йорк масъалаҳои тавонмандсозии ҷавонон ва рушди ҳамкории Тоҷикистону Покистон баррасӣ шуданд
«Амонатбонк» ба муштариён хизматрасонии нави қарзии рақамии онлайнӣ пешниҳод намуд
Аз ҷониби намояндагии Тоҷикистон дар СММ чорабинии канорӣ оид ба ҳамкории зеҳни сунъӣ барои рушди устувор доир шуд
Тоҷикистон ва Покистон дар Ню-Йорк чорабинии сатҳи баланд оид ба зеҳни сунъӣ ва рушди устувор баргузор намуданд
Афзалияти рушди устувори Тоҷикистон дар чорабинии сатҳи баланди ECOSOC муаррифӣ гардид
Дороиҳои «Амонатбонк» 13 миллиард сомониро ташкил дода, сармояи бонк ба 1,2 миллиард сомонӣ расидааст
Дар Женева ҷаласаи 68-уми Ассамблеяи давлатҳои аъзои СУМЗ баргузор гардид
Дар ноҳияи Ёвон бахшида ба ташаббуси навбатии ҷаҳонии Тоҷикистон конференсия ва роҳпаймоии сулҳ баргузор гардид
Дар Душанбе Форуми байналмилалии саноати хӯрокворӣ баргузор мегардад
Дар Шанхай Форуми иқтисодию тиҷоратии вилояти Суғди Тоҷикистон доир шуд
НИШАСТИ МАТБУОТӢ. Дар марҳилаҳои якум, кассатсионӣ ва назоратии судҳои иқтисодии Тоҷикистон 2018 парванда баррасӣ гардид
Ҳайати Тоҷикистон дар ҳамоиши Шурои байнидавлатии ИДМ оид ба бехатарии саноатӣ иштирок намуд
