Байни Донишгоҳи давлатии омӯзгории Тоҷикистон ва Донишгоҳи касбии Заоҷуани Чин созишномаи ҳамкорӣ ба имзо расид
ДУШАНБЕ, 21.11.2024. /АМИТ «Ховар»/. Байни Донишгоҳи давлатии омӯзгории Тоҷикистон ба номи Садриддин Айнӣ ва Донишгоҳи касбии Заоҷуани Чин созишномаи ҳамкорӣ ба имзо расид. Дар ин хусус ба АМИТ «Ховар» дар Донишгоҳи давлатии омӯзгории Тоҷикистон хабар доданд.
Созишнома зимни вохӯрии намояндагони Ҷумҳурии Тоҷикистон, ки бо сафари корӣ дар ин мамлакат қарор доранд, аз ҷониби роҳбарияти ин донишгоҳҳо имзо гардид.
Дар заминаи ин созишнома амалӣ намудани робитаи мустақими ҳайати омӯзгорону донишҷӯёни ду муассисаи олӣ дар назар дошта шуда, метавонад ба рушду тавсеаи бештари робитаҳои илмӣ ва дар амал татбиқ намудани илм дар истеҳсолот нақши арзанда гузорад.
Ҳамзамон зимни вохӯрӣ доир ба рушди ҳамкорӣ дар самти паркҳои технологӣ, татбиқ гардидани илм дар истеҳсолот, лоиҳаҳои дуҷониба, табодули омӯзгорону донишҷӯён, чопи мақолаҳо, додугирифти илмӣ ва дигар масоили мавриди таваҷҷуҳи ду ҷониб гуфтугӯйи судманд доир шуд.
Зимни суҳбат таваҷҷуҳи зиёд ба тавсеаи ҳамкории илмӣ ва илм дар истеҳсолот зоҳир гардид. Дар ин самт бештар фаъол намудани робитаи паркҳои технологӣ, истеҳсоли маҳсулот ва ба ин васила бештар намудани иқтидори онҳо зарур шуморида шуд.
АКС: Донишгоҳи давлатии омӯзгории Тоҷикистон ба номи Садриддин Айнӣ
Хонандагони тоҷик дар Олимпиадаи байналмилалии Жаутиков – IZhO-2025 7 медал ба даст оварданд
«ОЛИМПИАДАИ ЗАБОНИ РУСӢ-2024». Ғолибони он қадрдонӣ гардиданд
Дар Донишгоҳи давлатии Хуҷанд вобаста ба рушди иқтисодиёти рақамӣ ва саноатикунонии Тоҷикистон ҳамоиш баргузор шуд
АРЗЁБИИ ХОНИШ-ЯКЕ АЗ ҲАДАФҲОИ СТРАТЕГИИ СОҲАИ МАОРИФ. Дар ҳошияи Паёми Президенти Тоҷикистон ба Маҷлиси Олӣ
Байни Донишгоҳи байналмилалии сайёҳӣ ва соҳибкории Тоҷикистон ва Донишгоҳи Лакноуи Ҳиндустон шартномаи ҳамкорӣ ба имзо расид
Донишгоҳи техникии Тоҷикистон бо Донишгоҳи давлатии Лакнави Ҳиндустон ҳамкориро тақвият мебахшад
ТОҶИКОН ҶАҲОНРО ТАСХИР МЕНАМОЯНД! Барномаи «Дурахшандагон» ба ҷавонони лаёқатманди Тоҷикистон кумак мерасонад
Дар солҳои соҳибистиқлолӣ дар Тоҷикистон 22 маротиба музди меҳнати кормандони соҳаи маориф зиёд карда шуд
Дар ноҳияи Фирдавсии шаҳри Душанбе Муассисаи таҳсилоти томактабии хусусии «Боғи Мурод» ифтитоҳ ёфт
Барои таҳқиқоти илмӣ то 35 ҳазор сомонӣ мукофотпулӣ муайян гардид
РУШДИ ТАҲСИЛОТИ ТОМАКТАБӢ. Давоми 7 соли охир дар Душанбе 22 кӯдакистон ба истифода дода шуд
Китобҳои дарсии синфҳои 8 ва 9 «Асосҳои давлат ва ҳуқуқи Ҷумҳурии Тоҷикистон» ба забони туркманӣ нашр шуданд
