Байни Китобхонаи миллии Тоҷикистон ва Институти Гёте санади ҳамкорӣ ба имзо расид
ДУШАНБЕ, 22.11.2024. /АМИТ «Ховар»/. 21 ноябр байни Китобхонаи миллии Тоҷикистон ва Институти Гёте санади ҳамкорӣ ба имзо расид.
Тавре ба АМИТ «Ховар» дар Муассисаи давлатии «Китобхонаи миллӣ» хабар доданд, ваколатдори махсуси Вазорати корҳои хориҷии Олмон оид ба Аврпои шарқӣ, Осиёи Марказӣ ва Қафқози ҷанубӣ Конрад фон Штрауссенбург бо директори Китобхонаи миллии Тоҷикистон Ҷумахон Файзализода вохӯрӣ намуд.
Зимни мулоқот ба рақмикунонии китобхона таваҷҷуҳи хоса зоҳир гардид. Ҷумахон Файзализода иброз намуд, ки дар Китобхонаи миллии Тоҷикистон 350 000 китоб ба шакли электронӣ гардонида шудааст.
Дар вохӯрӣ ба Конрад фон Штрауссенбург китоби Президенти Ҷумҳурии Тоҷикистон муҳтарам Эмомалӣ Раҳмон «Тоҷикон дар оинаи таърих». «Аз Ориён то Сомониён» туҳфа гардид. Мавсуф иброз намуд, ки китоби мазкур ҳамчун ёдоварӣ дар Китобхонаи миллии Олмон гузошта мешавад.
Мавриди ёдоварист, ки вазифаи Институти Гёте густариши забон ва фарҳанги олмонӣ дар берун аз марзҳои ин давлат мебошад. Аз 157 маркази ин муассиса 12 адад дар дохил ва 145 маркази он дар хориҷ аз Олмон қарор дорад. Дар доираи фаъолияти педагогӣ ин ташкилоти бонуфуз инчунин барои давом додани омӯзиши забони олмонӣ маводи бешуморе барои донишомӯзон пешниҳод мекунад.
АКС: Муассисаи давлатии «Китобхонаи миллӣ»-и Тоҷикистон
Дар Москва ба муносибати 25-солагии таъсиси Ташкилоти заминавии кор бо забонҳо ва фарҳангҳои кишварҳои ИДМ чорабинӣ баргузор гардид
Дар шаҳри Гулистон Фестивали ҷумҳуриявии «Ҳафтаи китоби кӯдакону наврасони Тоҷикистон» оғоз ёфт
Дар вилояти Хатлон Фестивали ҷумҳуриявии «Ҳафтаи китоби кӯдакону наврасон» оғоз гардид
Имрӯз дар Тоҷикистон Рӯзи байналмилалии китоб таҷлил мегардад
Дар Душанбе Фестивали ҷумҳуриявии «Ҳафтаи китоби кӯдакону наврасони Тоҷикистон» оғоз мегардад
Масъалаи баргузории Рӯзҳои фарҳанги Ҷумҳурии Тоҷикистон дар Ҷумҳурии Қирғизистон баррасӣ шуд
Аъҷубасозӣ як бахши ҳунари кулолӣ ва сохтани бозичаҳо аз гилу сафол мебошад
Дар вилояти Суғд бо иштироки меҳмонон аз Узбекистон ва Қирғизистон ҳамоиши фарҳангӣ баргузор гардид
МУЖДАИ НАВРӮЗӢ. «Ёддоштҳо»-и устод Айнӣ барои ҳамзабонони эронӣ ба нашр расид
Бахшида ба Соли фарҳанги китобхонӣ дар вилояти Хатлон китоби «Наврӯзномаи Хатлон» ба табъ расид
Ҳунари балети Тоҷикистон дар Париж муаррифӣ мегардад
Дабири кулли Созмони ҳамкории иқтисодӣ дар Осорхонаи миллӣ намоиши анъанавии «Аз Наврӯз то Наврӯз»-ро тамошо намуд
