Дар Ашқобод ҷаласаи 48-уми Шурои байниҳукуматии роҳсозони ИДМ баргузор мешавад
ДУШАНБЕ, 13.11.2024 /АМИТ «Ховар»/. 15-16 ноябр дар Ашқобод ҷаласаи 48-уми Шурои байниҳукуматии роҳсозони кишварҳои аъзои Иттиҳоди Давлатҳои Мустақил баргузор мешавад. Дар ҷаласа намояндагони созмонҳои роҳсозии кишварҳои аъзои Иттиҳоди Давлатҳои Мустақил, роҳбарони вазоратҳои нақлиёти давлатҳо ва аъзои созмонҳои байналмилалию минтақавӣ иштирок менамоянд. Дар ин хусус АМИТ «Ховар» бо истинод ба сомонаи Кумитаи иҷроияи Иттиҳоди Давлатҳои Мустақил хабар додааст.
Мавзуи ҷаласа «Сохтмон ва истифодаи роҳҳои мошингард, татбиқи технологияи нав, маҳсулот, техника ва таҷҳизоти муосир дар соҳаи роҳсозӣ» мебошад. Зимни ҷаласа асосан масъалаҳои лоиҳакашӣ, сохтмон, муосиркунонӣ ва истифодаи роҳҳои мошингард баррасӣ карда мешаванд.
Иштирокчиён тамоюли муҳим ва мушкилотеро, ки хадамоти роҳи кишварҳои Иттиҳоди Давлатҳои Мустақил бо он рӯ ба рӯ мешаванд, баррасӣ намуда, таҷрибаи дар соҳаи инноватсия ва рушди устувори инфрасохтор ҳосилнамударо мубодила мекунанд.
Шурои байниҳукуматии роҳсозон соли 1992 ташкил шуда буд. Ин созмони беназир маъмурияти нақлиёти автомобилӣ ва корхонаҳои кишварҳои аъзои Иттиҳоди Давлатҳои Мустақилро дар чаҳорчӯби шарикии давлат ва бахши хусусӣ муттаҳид мекунад. Шуро аз замони таъсис барои фаъолияти самараноки инфрасохтори автомобилӣ ва роҳсозии кишварҳои аъзои Иттиҳоди Давлатҳои Мустақил якчанд қарори муҳим таҳия намудааст.
АКС аз манбаъҳои боз
Дар Боку бо ташаббуси ҷониби Тоҷикистон оид ба мониторинги криосфера ва ҳамкорӣ барои тақсимоти захираҳои обӣ чорабинии канорӣ доир шуд
Ҳайати Тоҷикистон дар Форуми тиҷоратӣ-сармоягузории кишварҳо дар шаҳри Сингапур иштирок намуд
Дар Тоҷикистон Барномаи «Маблағгузории занҷираи арзиши агросектор» ҷамъбаст гардид
Ҷалби сармоягузории мустақими Ҷумҳурии Сингапур ба Ҷумҳурии Тоҷикистон баррасӣ карда шуд
Дар «Фестивал-намоиш ва фурӯши чорвои зотӣ» дастовардҳои соҳаи чорводорӣ муаррифӣ гардиданд
Намояндагони Тоҷикистон ва Малайзия таъсиси платформаҳои муштаракро барои содирот ва воридот баррасӣ намуданд
Нишасти маҷозии Гурӯҳи кории иқтисодии C5+1 баргузор гардид
Ширкати Чин дар вилояти Хатлон аз партовҳои сахти коммуналӣ барқ истеҳсол менамояд
То моҳи ноябр дар вилояти Суғд зиёда аз 640 ҳазор тонна картошка истеҳсол гардидааст
Намояндагони Тоҷикистон дар Намоишгоҳи байналмилалии системаҳои фотоэлектрикии офтобӣ дар Чин иштирок доранд
Дар вилояти Хатлон аз ҷониби Ширкати «Алмос-Неру» корхонаи коркарди мева бунёд мегардад
Дар 10 моҳи имсол дар вилояти Суғд 1559 тонна асал истеҳсол гардидааст
