Дар Давлати Кувайт тарҷумаи арабии китоби академик Бобоҷон Ғафуров «Тоҷикон» муаррифӣ гардид
ДУШАНБЕ, 03.11.2024 /АМИТ «Ховар»/. 4 ноябр дар шаҳри Кувайт дар доираи сафари расмии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Давлати Кувайт муаррифии тарҷумаи арабии китоби академик Бобоҷон Ғафуров «Тоҷикон» баргузор шуд, хабар медиҳад АМИТ «Ховар».
Маросими муаррифии ин китоби арзишманди таърихӣ бо иштироки шумораи зиёди алоқамандони таъриху фарҳанги миллати бостонии тоҷик доир шуд.
Таъкид гардид, ки китоби академик Бобоҷон Ғафуров «Тоҷикон» бо ташаббуси Президенти Ҷумҳурии Тоҷикистон муҳтарам Эмомалӣ Раҳмон ба хотири дастрасии ҳамагон ба ин асари нодир ва огоҳ будан аз таъриху тамаддуни хеш бознашр гардида, китоби рӯймизии ҳар як хонадони Тоҷикистон гаштааст.
Тарҷумаи арабии китоби «Тоҷикон» ба уҳдаи донишманд ва забондон Иброҳими Истанбулӣ вогузор буд ва он аз ҷониби сафорати Тоҷикистон дар Давлати Кувайт руи чоп омад.
Таърихшиносони кувайтӣ ба забони арабӣ тарҷума ва чоп шудани китоби «Тоҷикон»-ро рӯйдоди муҳим дар ҷодаи густариши робитаҳои судманди илмиву фарҳангии Тоҷикистон бо давлатҳои арабзабон номиданд.
Таъкид гардид, ки фарзандони фарзонаи тоҷикон дар ташаккул ва рушди тамаддуни инсонӣ дар минтақа ва кулли ҷаҳон нақши намоён гузоштаанд.
Дар маросими муаррифии китоби арабии «Тоҷикон» иштирокдорон бештар дар ба хусусиятҳои башардӯстии Президенти Ҷумҳурии Тоҷикистон муҳтарам Эмомалӣ Раҳмон ва арҷгузории ӯ ба аҷдодони номдори мардуми тоҷик баҳои баланд доданд.
АКС: АМИТ «Ховар»
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
Дар шаҳри Душанбе маҳфили «Шоҳномахонӣ» баргузор шуд
«ТОҶИ СОМОН». Қабули филмҳо барои иштирок дар синамоҷашнвораи миллӣ то 15 сентябр идома меёбад
«МОДАРНОМА». Дар Осорхонаи миллӣ намоиши асарҳои Рассоми халқии Тоҷикистон Сабзаалӣ Шариф ифтитоҳ ёфт
