Дар Донишкадаи санъати театрии Русия спектакли «Заҳҳок» намоиш дода шуд
ДУШАНБЕ, 19.11.2024 /АМИТ «Ховар»/. 17 ноябр дар Донишкадаи санъати театрии Русия (ГИТИС) дар доираи Фестивали театрии мамлакатҳои Иттиҳоди Давлатҳои Мустақил «ГИТИС-мастер-класс» спектакли «Заҳҳок» аз рӯи «Шоҳнома»-и безаволи Абулқосим Фирдавсӣ намоиш дода шуд. Дар ин хусус АМИТ «Ховар» бо истинод ба Сафорати Ҷумҳурии Тоҷикистон дар Русия хабар медиҳад.
Дар намоиш ректори Донишкадаи санъати театрии Русия (ГИТИС), доираҳои илмиву эҷодӣ, аз ҷумла шоирону нависандагон, олимону муҳаққиқон, устодон ва донишҷӯёни мактабҳои олӣ, инчунин тоҷикони муқими Федератсияи Русия иштирок намуданд.
Намоиши театрии «Заҳҳок» аз ҷониби донишҷӯёни Донишкадаи давлатии фарҳанг ва санъати Тоҷикистон ба номи Мирзо Турсунзода зери роҳбарии Ҳунарпешаи халқии Тоҷикистон Тағоймурод Розиқов ба саҳна гузошта шуд.
Бояд гуфт, ки Абулқосим Фирдавсӣ Заҳҳокро ҳамчун шахси золим ва рамзи қувваи бадӣ ба қалам додааст. Дар образи халқ қувваи бузургу мағлубнопазирро инъикос намудааст. Абулқосим Фирдавсӣ дар нақши Кова шахси бузургу тавоноро тасвир кардааст.
Меҳмонони намоиш ба шарофати ин маҳфил бо фарҳангу адабиёти волои тоҷикон шиносоии бештар пайдо карданд.
АКС: Сафорати Ҷумҳурии Тоҷикистон дар Русия
Рӯзҳои кинои Тоҷикистон дар Узбекистон доир мешавад
Хабарнигорони Қирғизистон дар Осорхонаи миллӣ бо таъриху фарҳанги Тоҷикистон шинос гардиданд
НАВРӮЗИ ХАТЛОН. Фасли баҳор дар ин минтақаи Тоҷикистон пештар оғоз меёбад
Рӯзҳои фарҳанги Тоҷикистон дар Узбекистон баргузор мегарданд
САЁҲАТРО АЗ ВАТАН ОҒОЗ МЕНАМОЕМ! Ёдгориҳои таърихию фарҳангии Хуттали Қадим аз ҷиҳати аҳамияти таърихӣ ҳамто надоранд
Гурӯҳи хабарнигорони Қирғизистон бо мақсади шиносоӣ бо дастовардҳои даврони истиқлол ва иштирок дар тантанаҳои наврӯзӣ ба Тоҷикистон ташриф овард
Эмомалӣ Раҳмон: «Ҳифзи Наврӯз – ҳифзи ҳувият ва худшиносии миллати куҳанбунёду тамаддунсози тоҷик мебошад»
Эмомалӣ Раҳмон: «Ҳамчун ворисони аслии тамаддуни ориёӣ суннатҳои наврӯзиро минбаъд низ пос дорем»
КУЛОЛГАРӢ — РАМЗИ ФАРҲАНГИ МИЛЛӢ. Анъанаи истифодаи зарфҳои кулолӣ дар Наврӯз то имрӯз боқӣ мондааст
Эмомалӣ Раҳмон: «Наврӯз моро ба некиву накукорӣ даъват мекунад»
ГУЛҲОИ ВАТАН ДАР ЧАКАНИ МАН. Ин мероси пурарзиши ниёгон фарҳанг ва таърихи куҳани тоҷиконро инъикос менамояд
Эмомалӣ Раҳмон: «Наврӯз ба ягон дину мазҳаб пойбанд нест»
