Дар Коллеҷи кӯҳии Душанбе вобаста ба аҳамият ва татбиқи иқтисоди «сабз» ҳамоиш доир гардид

Ноябрь 10, 2024 10:20

ДУШАНБЕ, 10.11.2024. /АМИТ «Ховар»/. Дар Муассисаи давлатии Коллеҷи кӯҳии ба номи Соро Юсупова дар назди Донишкадаи кӯҳӣ-металургии Тоҷикистон таҳти унвони «Иқтисоди «сабз» ва аҳамияти татбиқи он дар ҳифзи муҳити зист ва иқлим» ҳамоиш баргузор гардид. Дар ин хусус ба АМИТ «Ховар» дар ин муассиса хабар доданд.

Дар ҳамоиш иштирокчиён оид ба аҳамияти илмӣ, афзалияти татбиқи иқтисоди «сабз» ва талошҳои ҷомеаи ҷаҳонӣ дар роҳи ноил шудан ба муҳити зист ва иқлими пок ибрози назар намуданд.

«Иқтисоди «сабз» яке аз самтҳои муосири илми иқтисод мебошад, ки солҳои охир таваҷҷуҳ ба он беш аз пеш меафзояд.  Иқтисоди «сабз» тамоми намудҳои фаъолият ва навовариҳоро дар бар гирифта, ба истифодаи устувори захираҳои табиӣ, кам кардани партовҳои моддаҳои ифлоскунанда, баланд бардоштани самаранокии иқтисодӣ ва энергия, рушди манбаъҳои барқароршавандаи энергия ва истифодаи устувори захираҳои замин  нигаронида шудааст»,-гуфта шуд дар ҳамоиш.

Таъкид гардид, ки иқтисоди «сабз» ба экология ва муҳити зист таъсири назаррас дорад. Он ба кам кардани партовҳои моддаҳои зараровар ва ифлоскунандаҳо мусоидат намуда, ба сифати ҳаво, об ва хок таъсири мусбат мерасонад.

Иброз шуд, ки имрӯз дар арсаи ҷаҳон ба татбиқи он дар соҳаи кишоварзӣ бар ивази заҳрхимикатҳо бо усули биологии ҳимояи зироат, бунёди гармхонаҳои офтобӣ, ба роҳ мондани усули қатрагии обёрии зироат, захира намудани оби барфу борон дар мавзеъҳои камоб, бунёди заминаи мусоид барои рушди устувори энергетикаи обию офтобӣ барои истеҳсоли неруи барқи тоза, ки дорои манфиати зиёди иқтисодию экологӣ мебошад, таваҷҷуҳи бештар равона мегардад.

АКС: Муассисаи давлатии Коллеҷи кӯҳии ба номи Соро Юсупова

Ноябрь 10, 2024 10:20

Хабарҳои дигари ин бахш

Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст