Дурнамои муносибатҳои муштараки Тоҷикистон ва Чин дар самти баланд бардоштани гардиши савдо баррасӣ шуд
ДУШАНБЕ, 07.11.2024 /АМИТ «Ховар»/. Вазъи кунунӣ ва дурнамои муносибатҳои муштараки Тоҷикистон ва Чин дар самти баланд бардоштани гардиши савдои мутақобил 5 ноябр дар вохӯрии директори Агентии содироти назди Ҳукумати Ҷумҳурии Тоҷикистон Баҳриддин Сироҷиддинзода ва мушовир оид ба масъалаҳои иқтисод ва савдои Сафорати Ҷумҳурии Мардумии Чин дар Ҷумҳурии Тоҷикистон Сун Хэ баррасӣ гардид. Дар ин хусус ба АМИТ «Ховар» дар Агентии содирот хабар доданд.
Ҷонибҳо ба тақвияти робитаҳои тиҷоратию иқтисодӣ, хизматрасонии логистикӣ, зиёд намудани иқтидори содиротии Ҷумҳурии Тоҷикистон ва ба таври замонавӣ банду баст намудани молу маҳсулоти содиротшаванда таваҷҷуҳи хосса зоҳир намуданд.
Директори Агентии содирот Баҳриддин Сироҷиддинзода иброз намуд, ки Тоҷикистон барои зиёд намудани пешниҳоди маҳсулоти ватанӣ, ки бозорҳои Чин ба он ниёзи зиёд доранд, имконияти бузург дорад. Бахусус ба зардолуи тару хушк, мавиз, омехтаи хушкмева, чормағз, донаи зардолу, арахис, тути хушк, асал, пой ва панҷаи мурғ талабот зиёд аст. Дар робита ба ин зарурати дастгирии истеҳсолкунандагони ватанӣ ва андешидани тадбирҳои иловагии зарурӣ барои ҳамоҳангсозии талаботи меъёрӣ оид ба механизми таъминоти маҳсулот ва аккредитатсияи содироткунандагон дар бозори Чин ба миён омадааст.
Зимни мулоқот паҳлуҳои масъалаҳои таъмини заминаҳои меъёрию ҳуқуқӣ барои васеъ намудани феҳристи содироти маҳсулоти кишоварзии ватанӣ ва маҳсули коркарди он ба Чин, аккредитатсияи содироткунандагони ватанӣ ба сифати таҳвилгарони мустақим ба бозори истеъмолии ин мамлакат, фароҳам овардани шароити техникӣ барои мутобиқ намудани маҳсулоти ватанӣ ба талаботи фитосанитарии Чин, содагардонӣ ва барасмиятдарории гумрукии маҳсулоти кишоварзӣ дар ҳама гузаргоҳҳои сарҳадӣ, таъсиси озмоишгоҳи аккредитатсияшудаи чинӣ дар гузаргоҳи марзӣ, ҷалби сармояҳои мустақим ба рушди соҳаи агрологистикаи ватанӣ ва ғайра мавриди муҳокимаи ҷонибҳо қарор дода шуданд.
Ҷониби Чин ба ҳалли масъалаҳои мавриди таваҷҷуҳ изҳори ҳавасмандӣ намуда, барои ба қайд гирифтани содироткунандагони ватанӣ дар феҳристи воридкунандагони Саридораи гумруки Ҷумҳурии Мардумии Чин бо таҳияи дастурамали дахлдор ибрози омодагӣ намуд.
АКС: Агентии содироти назди Ҳукумати Ҷумҳурии Тоҷикистон
РАВАНДИ ОБИ ДУШАНБЕ. Президенти Тоҷикистон пешниҳод намуданд, ки «Чаҳорчӯби Душанбе барои об» таъсис дода шавад
Ҳоким Холиқзода бо муовини якуми Президенти Бонки аврупоии таҷдид ва рушд Марк Боуман мулоқот намуд
Кормандони Агентии авиатсияи гражданӣ дар Осорхонаи миллӣ бо мероси таърихию фарҳангии ниёгон шинос шуданд
Ҳайати Тоҷикистон дар Форуми байналмилалии M360 Eurasia 2026 масъалаҳои рушди рақамиро баррасӣ намуд
Тоҷикистон тасмим гирифтааст, ки то соли 2040 дастрасии ҳадди ақалл 90 фоизи аҳолиро ба оби мутамарказ таъмин намояд
Татбиқи лоиҳаҳои иҷтимоию иқтисодӣ дар Тоҷикистон бо Бонки аврупоии таҷдид ва рушд баррасӣ гардид
Эмомалӣ Раҳмон: «Тоҷикистон тасмим гирифтааст, ки то соли 2040 рақамикунонии мудирияти захираҳои обро то 80 фоиз афзоиш диҳад»
РАВАНДИ ОБИ ДУШАНБЕ. Дар намоишгоҳи байналмилалӣ иқтидори обию энергетикӣ ва шаҳсозии Тоҷикистон муаррифӣ гардид
РАВАНДИ ОБИ ДУШАНБЕ. Дар Душанбе таҳти унвони «Об — манбаи ҳаёти инсоният» Фестивали об ва барномаи фарҳангӣ доир шуд
Имконоти иқтисодии Тоҷикистон бо ҳайати намояндагони ширкатҳои байналмилалии молиявӣ баррасӣ шуд
РАВАНДИ ОБИ ДУШАНБЕ. Форуми ҳамоҳангсозии Осиёи Марказӣ оид ба мониторинг, арзёбӣ ва моделсозии пешгӯии пиряхҳо ва криосфера баргузор гардид
РАВАНДИ ОБИ ДУШАНБЕ. Устувории низомҳои озуқаворӣ дар давраи камбуди ҷаҳонии об дар Душанбе баррасӣ гардид
