Хонандагони тоҷик дар Олимпиадаи байналмилалии «ASMOPSS» соҳиби ҷойҳои дуюм ва сеюм гардиданд
ДУШАНБЕ, 19.11.2024. /АМИТ «Ховар»/. Хонандагони тоҷик дар Олимпиадаи байналмилалии «ASMOPSS» соҳиби ҷойҳои дуюм ва сеюм гардиданд. Дар ин хусус АМИТ «Ховар» бо истинод ба маркази матбуоти Вазорати маориф ва илми Ҷумҳурии Тоҷикистон хабар медиҳад.
Олимпиадаи байналмилалии «ASMOPSS» аз 11 то 16 ноябр дар Ҷумҳурии Индонезия баргузор гардида, дар он аз Тоҷикистон 9 хонандаи Литсей-интернати тоҷикӣ-русии «Ҳотам ва ПВ» дар шаҳри Ҳисор иштирок намуд.
Аз ҷумла, се хонанда – Ансор Ваҳҳобов соҳиби ҷойи II, Салим Мирзоев ва Салмон Қурбонмамадов соҳиби ҷойи III гардиданд. Ин дастовард баёнгари рушди ҳаракати олимпӣ дар мамлакат ва афзоиши таваҷҷуҳи хонандагон ба омӯзиши фанҳои дақиқ ва табиатшиносӣ буда, натиҷаи заҳматҳои шабонарӯзии хонандагон ва омӯзгорони мамлакат мебошад.
Бояд ёдовар шуд, ки олимпиада аз соли 2018 инҷониб дар Ҷумҳурии Индонезия бо иштироки хонандагони кишварҳои Тайланд, Ветнам, Филиппин, Ҳонконг, Малайзия ва дигар давлатҳо аз фанҳои математика ва табиатшиносӣ дар сатҳи миёна баргузор мегардад. Он барои омода шудан ба олимпиадаҳои байналмилалии сатҳи баланд ва ҷаҳонӣ заминаи мусоид фароҳам меорад.
АКС: Маркази матбуоти Вазорати маориф ва илми Ҷумҳурии Тоҷикистон
Дар деҳаи Обидараи Даҳанаи шаҳри Ваҳдат бинои нави муассисаи таълимӣ ба истифода дода шуд
Дар ноҳияи Темурмалик мактаби нав ба истифода дода шуд
Дар Душанбе таҳти унвони «Нақши «Шоҳнома» дар ташаккули ҷаҳонбинии ҷавонони Тоҷикистон» хониши сиёсӣ доир шуд
Дар Душанбе даври ҷумҳуриявии Озмуни «Мураббии соли Тоҷикистон — 2025» оғоз гардид
Байни Донишгоҳи технологии Тоҷикистон ва Маркази таълимии касбӣ-техникии ноҳияи Чинду шартномаи ҳамкорӣ ба имзо расид
Донишгоҳи байналмилалии сайёҳӣ ва соҳибкории Тоҷикистон бо донишгоҳҳои пешқадами Ҷопон робитаи мустақими академӣ ба роҳ мемонад
Донишҷӯи Академияи идоракунии давлатии Тоҷикистон дар Мусобиқаи байналмилалии «Asian Championship» соҳиби медали тилло шуд
Ҳусейн Ализода ғолиби даври шаҳрии Озмуни ҷумҳуриявии «Омӯзгори соли Тоҷикистон-2025» гардид
Доир ба нақши Президенти Тоҷикистон дар таҳкими Истиқлоли давлатӣ конфронс баргузор шуд
Намояндагони Парлумони Иттиҳоди Аврупо бо донишҷӯёни Академияи идоракунии давлатӣ мулоқот намуданд
Дар Донишгоҳи давлатии Кӯлоб Маркази омӯзиши ҳунарҳои мардумӣ таъсис дода шуд
Кормандони соҳаи маориф дар Остона оид ба таҳияи барномаҳои таълимӣ таҷриба омӯхтанд
