«MADE IN TAJIKISTAN». Дар Душанбе Намоишгоҳи саноатии Тоҷикистон ташкил карда шуд
ДУШАНБЕ, 01.11.2024 /АМИТ «Ховар»/. Дар доираи нахустин Форуми байналмилалии сармоягузории саноати кӯҳӣ-металлургӣ дар Маркази намоишгоҳи байналмилалии шаҳри Душанбе /«DUSHANBE EXPO CENTER»/ Намоишгоҳи саноатии Тоҷикистон баргузор гардид, иттилоъ медиҳад АМИТ «Ховар» бо истинод ба Вазорати саноат ва технологияҳои нави Ҷумҳурии Тоҷикистон.
Намоишгоҳ бо мақсади таъмини рушди соҳаи саноат ва ноил гардидан ба ҳадафи чоруми стратегии миллӣ – саноатикунонии босуръати мамлакат баргузор шуд. Ҳадафи он аз муаррифии маҳсулоти корхонаҳои саноатии истеҳсолӣ ба меҳмонони форум ва ба ин восита тақвияти ҳамкорӣ бо кишварҳои хориҷӣ иборат буд.
Дар толори маҳсулоти саноатии Тоҷикистон гӯшаҳои соҳаҳои саноати мошинсозӣ, кимиё, нассоҷӣ, маъдан, канданиҳои фоиданок, масолеҳи сохтмонӣ, ангишт, технологияи иттилоотӣ, энергетика, хӯрокворӣ, кишоварзӣ ва коргоҳу корхонаҳои истеҳсолӣ ташкил гардиданд. Дар онҳо номгӯйи зиёди маҳсулоти корхонаю ширкатҳои саноатии ватанӣ ба намоиш гузошта шуд.
Ташкили чунин намоишгоҳҳои байналмилалӣ ба густариши ҳамкории Вазорати саноат ва технологияҳои нави Ҷумҳурии Тоҷикистон бо корхонаҳои истеҳсолии саноатӣ, рушду пешрафти коргоҳу корхонаҳои истеҳсолӣ ва афзоиши номгӯй ва ҳаҷми содироти маҳсулоти саноатӣ нигаронида шудааст.
Инчунин дар майдони кушоди намоишгоҳ воситаҳои нақлиёти мусофиркаш ва боркаш, ҳарбӣ-муҳофизатӣ ва техникаҳои кишоварзии Тоҷикистон ба намоиш гузошта шуданд.
Марзия САИДЗОДА,
АМИТ «Ховар»
АКС: Вазорати саноат ва технологияҳои нави Ҷумҳурии Тоҷикистон
Дар Душанбе оид ба дастгирии экосистемаи стартапҳо дар Тоҷикистон ҳамоиш баргузор гардид
Сарвазири мамлакат Қоҳир Расулзода бо раванди сохтмони корхонаи ғанигардонии маъдани оҳани ҶСП «Комбинати металлургии тоҷик» шинос шуд
«Moody’s Ratings»: Рейтинги соҳибихтиёрии қарзии Тоҷикистон ба дараҷаи «B2» бо дурнамои «устувор» баланд бардошта шуд
Самтҳои асосии Паёми Президенти Тоҷикистон ба Маҷлиси Олӣ дар Хадамоти гумрук тавзеҳ дода шуданд
Вазирони энергетикаи Тоҷикистон ва Покистон дурнамои рушди ҳамкориро дар соҳаи энергетика баррасӣ намуданд
Сардори Хадамоти алоқа дар Конгресси ҷаҳонии мобилӣ дар Испания иштирок намуд
Ҷаласаи ёздаҳуми Шурои миллии суботи молиявӣ дар Ҷумҳурии Тоҷикистон баргузор гардид
Дурнамои нишондиҳандаҳои рушди иҷтимоию иқтисодии шаҳру ноҳияҳои Роғун, Ваҳдат, Файзобод ва Варзоб муаррифӣ карда шуд
Тоҷикистон ва Туркманистон ҳамкориро дар соҳаи саноати нассоҷӣ тақвият медиҳанд
Дар Вазорати молияи Тоҷикистон татбиқи лоиҳаҳои нақлиёту энергетика баррасӣ гардид
Дар Палатаи ҳисоб оид ба пешгирӣ ва муқовимат ба коррупсия машварат баргузор шуд
Дар Душанбе Протоколи ҷаласаи 14-уми Комиссияи муштараки байниҳукуматии Тоҷикистон ва Туркманистон ба имзо расид
