Магистранти Донишгоҳи миллии Тоҷикистон дар Олимпиадаи байналмилалии Туркманистон сазовори ҷойи сеюм гардид
ДУШАНБЕ, 30.11.2024. /АМИТ «Ховар»/. 2 нафар магистрантони факултети химияи Донишгоҳи миллии Тоҷикистон дар Олимпиадаи байналмилалӣ аз фанни химия, ки дар Донишгоҳи давлатии Туркманистон ба номи Махдумкулӣ баргузор гардид, сазовори ҷойи сеюм ва ифтихорӣ гардиданд. Дар ин хусус ба АМИТ «Ховар» дар Донишгоҳи миллии Тоҷикистон хабар доданд.
Олимпиада дар категорияҳои «А» ва «В» гузаронида шуд, ки аз рӯйи дараҷаи мураккабии масъалаҳое, ки аз ҷониби гурӯҳи байналмилалии коршиносон дар ҳайати ҳакамон таҳия шудаанд, фарқ мекунад.
Дар озмун 2 нафар магистранти факултети химияи Донишгоҳи миллии Тоҷикистон — Азизбек Мираҳимов сазовори ҷойи сеюм ва Шукрулло Машрабов сазовори ҷойи ифтихорӣ гардиданд.
Олимпиада аз 25 то 29 ноябр дар Донишгоҳи давлатии Туркманистон баргузор гардида, дар он беш аз 220 довталабон аз 13 давлати ҷаҳон, аз ҷумла Тоҷикистон, Русия, Беларус, Қазоқистон, Қирғизистон, Озарбойҷон, Арманистон, Маҷористон, Амрико, Эрон, Чин, Япония, Австрия, Испания, Италия, Малайзия ва ғайра иштирок намуданд.
Бояд таъкид кард, ки дар партави сиёсати маорифпарваронаи Президенти мамлакат муҳтарам Эмомалӣ Раҳмон Тоҷикистон дар соҳаи илму истеҳсолот ба дастовардҳои назаррас шарафёб гашта истодааст.
Тавре иттилоъ дода шуд, бо мақсади амалинамоии Стратегияи омӯзиш ва рушди фанҳои табиӣ, дақиқ ва риёзӣ (барои давраи то соли 2030 ва иҷрои талаботи «Бистсолаи омӯзиш ва рушди илмҳои дақиқ ва риёзӣ дар соҳаи илму маориф барои солҳои 2020-2040) устодону донишҷӯёни факултети химияи Донишгоҳи миллӣ бо дастгирии раёсати донишгоҳ пайваста чораҳои амалӣ меандешанд. Ҳамин аст, ки онҳо дар чорабиниҳои сатҳи гуногуни байналмилалӣ иштирок намуда, бо дастоварҳои намоён ба Ватан бармегарданд.
АКС: Донишгоҳи миллии Тоҷикистон
Озмуни байналмилалии табодули малакаҳои таълими забони чинӣ барои омӯзгорони Осиёи Марказӣ ҷамъбаст гардид
Байни Донишгоҳи давлатии Хуҷанд ва Донишгоҳи давлатии Полоски Беларус созишномаи ҳамкорӣ ба имзо расид
Дар доираи Форуми сеюми байналмилалии ректорони донишгоҳҳои Тоҷикистон ва Беларус 25 созишномаи нави ҳамкорӣ ба имзо расид
Байни Донишгоҳи давлатии ҳуқуқ, бизнес ва сиёсати Тоҷикистон ва Донишгоҳи Русия-Беларус шартномаи ҳамкорӣ ба имзо расид
Байни Донишгоҳи техникии Тоҷикистон ва муассисаҳои таҳсилоти олии касбии Беларус созишномаи ҳамкорӣ ба имзо расид
Дар Душанбе Форуми ректорони муассисаҳои таҳсилоти олии касбии Тоҷикистон ва Беларус оғоз шуд
Дар деҳаи Корвони шаҳри Ваҳдат бинои нави муссисаи таълимӣ ба истифода дода шуд
НАМУНАИ ИБРАТ. Заҳмати модар Фараҳбахши нобиноро ғолиби Озмуни ҷумҳуриявии «Фурӯғи субҳи доноӣ китоб аст» гардонид
Дар ноҳияи Балҷувон иншооти нави соҳаи маориф бунёд гардид
Вобаста ба ҳуқуқи меҳнат ва истифодаи меъёрҳои байналмилалии меҳнат вохӯрии минтақавии шарикони рушд доир шуд
Донишгоҳи байналмилалии сайёҳӣ ва соҳибкории Тоҷикистон ва Донишгоҳи Чиндао Бинҳайи Чин Созишномаи ҳамкорӣ ба имзо расониданд
4 нафар довталабони Озмуни ҷумҳуриявии «Фурӯғи субҳи доноӣ китоб аст» сазовори «Шоҳҷоиза»-и озмун гардиданд
