Муассисаҳои соҳаи маорифи шаҳри Душанбе барои муътадил гузаронидани зимистон чӣ гуна омодагӣ дидаанд?
ДУШАНБЕ, 01.11.2024. /АМИТ «Ховар»/. Дар муассисаҳои соҳаи маорифи шаҳри Душанбе бо мақсади дар амал татбиқ намудани Қарори Ҳукумати Ҷумҳурии Тоҷикистон «Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2024-2025» тадбирҳои зарурӣ андешида мешаванд. Дар ин хусус ба АМИТ «Ховар» дар Сарраёсати маорифи шаҳри Душанбе хабар доданд.
Тавре ба хабарнигори АМИТ «Ховар» сардори Раёсати муассисаҳои томактабӣ ва миёнаи умумии Сарраёсати маорифи шаҳри Душанбе Асомиддин Бобозода иттилоъ дод, барои сари вақт омода намудани муассисаҳои соҳаи маорифи пойтахт ба мавсими тирамоҳу зимистони солҳои 2024-2025 ситоди назди Сарраёсати маориф таъсис дода шудааст.
«Нақшаи захираи ангишт ба ҳолати имрӯза бо назардошти бақия–1447,6 тонна, ҳезум бо назардошти бақия – 1085,06 метри мукааб (145 фоиз), сӯзишвории дизелӣ 8106 литр (166 фоиз) харидорӣ ва захира карда шудааст»,- афзуд сардори Раёсати муассисаҳои томактабӣ ва миёнаи умумии Сарраёсати маорифи шаҳри Душанбе.
Дар тавозуни 51 муассисаи таълимии томактабӣ ва миёнаи умумии пойтахт, новобаста аз шакли ҳуқуқию ташкилӣ 59 дегхона, ки 27 ададаш ангиштӣ ва 32 адади дигар барқӣ мебошанд, мавҷуд аст.
Вобаста ба фаъолияти онҳо, ҳамзамон барои аз таъмири ҷорӣ ва назорати техникӣ гузаронидани он ба роҳбарони муассисаҳои таълимӣ тибқи талабот дастуру супоришҳо дода шудааст. Омодагӣ ва таъмири ҷории дегхонаҳо аз ҳисоби маблағҳои дар нақша пешбинишуда амалӣ гардонида мешаванд.
«Ҳолати корӣ ва техникии ин дегхонаҳо аз ҷониби Хадамоти назорати барқу энергетика ва «Маркази назорати таҳлилию ташхисӣ»-и Кумитаи ҳифзи муҳити зисти назди Ҳукумати Ҷумҳурии Тоҷикистон мавриди санҷиш қарор дода шуда, барои омода буданаш иҷозатномаи махсус пешниҳод карда мешавад», -иттилоъ дод ӯ.
Дар доираи маблағҳои пешбинигардида муассисаҳои таълимии томактабӣ, мактаб-интернатҳо ва Хонаи кӯдакон маҳсулоти озуқа харидорӣ намуда, тибқи талабот ҳар моҳ онро захира менамоянд. Иброз гардид, ки бо мақсади сарфаи энергияи барқ муассисаҳои таълимии пойтахт бо ҳисобкунакҳои барқӣ таъмин буда, инчунин синфхона, роҳрав, гурӯҳҳо, утоқҳои корӣ ва дигар биноҳои ёрирасон бо лампаҳои каммасраф таъмин карда шудаанд. Масъалаи истифодаи мақсадноку самараноки неруи барқ таҳти назорати доимии мақомоти дахлдор, роҳбарону муассисаҳои таълимӣ ва ситод қарор дорад.
Вобаста ба пешгирӣ намудани ҳодисаҳои нохуши сӯхтор дар бинову иншооти соҳаи маориф иншоот бо системаи автоматикии аз сӯхтор воқифкунанда таъмин мебошанд. Барои бартараф намудани камбудиҳои ҷойдошта дар ин самт тадбирҳои зарурӣ андешида мешаванд.
Зарангези ЛАТИФ,
АМИТ «Ховар»
АКС: АМИТ «Ховар»
Дар Донишгоҳи давлатии ҳуқуқ, бизнес ва сиёсати Тоҷикистон оид ба рушди илму маориф ҳамоиш баргузор шуд
Дар назди Донишгоҳи байналмилалии забонҳои хориҷии Тоҷикистон ду шурои нави диссертатсионӣ таъсис ёфт
Дар Донишгоҳи давлатии Бохтар даври муассисавии Озмуни ҷумҳуриявии «Фурӯғи субҳи доноӣ китоб аст» баргузор гардид
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Ҷаласаи гурӯҳи кории Озмуни ҷумҳуриявии «Илм – фурӯғи маърифат» баргузор шуд
Дар Душанбе дар нуҳ сол беш аз 54 мактаб ва 42 муассисаи томактабӣ сохта шудааст
Оид ба тамоюлҳои рушди психологияи муосир ва татбиқи он дар низоми таҳсилоти рақамӣ конференсияи байналмилалӣ доир шуд
«ИЛМ – ФУРӮҒИ МАЪРИФАТ». Барои баргузории ин озмуни ҷумҳуриявӣ зиёда аз 9 миллион сомонӣ ҷудо гардид
Дар Донишгоҳи давлатии молия ва иқтисоди Тоҷикистон бахшида ба Рӯзи байналмилалии ҳадяи китоб ҳамоиш доир гардид
Бахшида ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» дар Душанбе конференсияи илмӣ доир шуд
Дар оянда дар маҳали Донишкадаи инноватсионии Душанбе шаҳраки донишҷӯён сохта мешавад
РУШДИ САНОАТИ ФАРМАТСЕВТИИ ВАТАНӢ. Дар Парки технологии Донишгоҳи миллии Тоҷикистон аз пӯсти меваи анор дору тайёр мекунанд
