Ғолибони Фестивал-озмуни «Вассофи-Ватан» қадрдонӣ гардиданд
ДУШАНБЕ, 22.11.2024. /АМИТ «Ховар»/. Имрӯз дар шаҳри Душанбе ғолибони Фестивал-озмуни «Вассофи-Ватан» қадрдонӣ гардиданд.
Тавре хабарнигори АМИТ «Ховар» хабар медиҳад, Фестивал-озмуни «Вассофи-Ватан» аз моҳи март то моҳи ноябр дар чор номинатсия гузаронида шуд.
Дар номинатсияи «Беҳтарин маводи насрӣ (мақола, ҳикоя, қисса, роман, достон ва ғ.) дар васфи Ватан» ҷойи якум ба Сипеҳр Ҳасанзод, ҷойи дуюм ба Далер Абдулло ва ҷойи сеюм ба Анвар Юсупов дода шуд.
Дар номинатсияи «Беҳтарин ролики таблиғотӣ, барнома ё филми муаллифӣ дар мавзуи Ватан» Дилбар Наҷмиддинзода ҷойи якум, Амирҳамза Давлатов ҷойи дуюм ва Умед Шарифзода ҷойи сеюмро соҳиб шуданд.
Дар номинатсияи «Беҳтарин тарғибгари дастовардҳои миллӣ дар шабакаҳои иҷтимоӣ» ҷойи якум ба Афзалшоҳ Баҳодуров, ҷойи дуюм ба Масрур Меликзода ва ҷойи сеюм ба Сайнуриддин Исмоилзода дода шуд.
Дар номинатсияи «Беҳтарин тарғибгари мавзеъҳои сайёҳӣ дар воситаҳои ахбори омма ва шабакаҳои иҷтимоӣ» ғолиби ҷойи якум Марзия Саидова, ҷойи дуюм Саидакбар Ҷалолов ва ҷойи сеюм Ҷаҳонгир Сафарализода гардиданд.
Ба ғолибони ҷойи якум 7 ҳазор сомонӣ, ҷойи дуюм 5 ҳазор ва ҷойи сеюм 3 ҳазор сомонӣ мукофотпулӣ тақдим гардид.
Ёдовар мешавем, ки Фестивал-озмуни «Вассофи-Ватан» дар чор номинатсия аз моҳи март то моҳи ноябр гузаронида шуд.
Тибқи низомнома, дар он рӯзноманигорон ва корбарони саҳифаҳои иҷтимоии шабакаи интернет (блогерон) иштирок намуданд.
Ҳадаф аз баргузории Фестивал-озмуни «Вассофи Ватан» тарбияи эҳсоси ватандӯстӣ, ифтихор аз истиқлоли давлатӣ, эҳтирому муҳаббат нисбат ба Ватан ва расму оинҳои мардумӣ, тарғиб ва муаррифии дастовардҳои солҳои соҳибистиқлолӣ, шиносо намудани сайёҳони дохилӣ ва хориҷӣ бо табиати зебоманзари мамлакат ва эҳёи ҳунарҳои мардумию армуғонҳои миллӣ мебошад.
Фестивал-озмуни эҷодӣ дар асоси банди 27 «Ҷадвали баргузории ҷашну солгард, фестивалу намоиш, иду озмунҳои фарҳангию маърифатӣ ва анъанаҳои мардумӣ дар Ҷумҳурии Тоҷикистон барои соли 2024», ки бо Амри Президенти Ҷумҳурии Тоҷикистон тасдиқ шудааст, баргузор гардид.
АКС: АМИТ «Ховар»
Дар Академияи миллии илмҳои Тоҷикистон Озмоишгоҳи нави харитасозии радиатсионӣ ифтитоҳ гардид
Маърузаи олими тоҷик доир ба ҳифз ва рушди анъанаҳои миллии фарҳанг ва санъат дар ҷаҳон соҳиби ҷоизаи махсус гардид
Ҳайати мақомоти зиддикоррупсионии Узбекистон бо таъриху фарҳанги миллати тоҷик шинос шуд
Китоби академик Фарҳод Раҳимӣ доир ба ташаббусҳои Президенти Тоҷикистон, пиряхҳо ва иқлим ба нашр расид
Дар Маркази рушди инноватсионии илм ва технологияҳои нав системаи гармидиҳӣ насб мегардад
Ҷаласаи Кумитаи тадорукоти Синамоҷашнвораи дуюми байналмилалии Душанбе «Тоҷи Сомон» баргузор гардид
НИШАСТИ МАТБУОТӢ. Имсол Донишкадаи давлатии санъати тасвирӣ ва дизайни Тоҷикистонро 332 донишҷӯ хатм намуд
Банаворгирии филми муштараки Тоҷикистону Узбекистон бо номи «Дурахши ахтарон: Ҷомӣ ва Навоӣ» оғоз ёфт
«ПЕШВО, ҲИЗБ, МИЛЛАТ». Бахшида ба 30-солагии таъсиси ҲХДТ андешаҳои шахсиятҳои шинохтаи дунё ба нашр расид
НИШАСТИ МАТБУОТӢ. Донишҷӯёни Консерваторияи миллӣ дар озмунҳои байналмилалӣ ҷойҳои намоёнро гирифтанд
Дар муассисаҳои илмию таҳқиқотии Академияи миллии илмҳои Тоҷикистон 8 озмоишгоҳи нав ба истифода дода шуд
НИШАСТИ МАТБУОТӢ. Донишкадаи давлатии фарҳанг ва санъати Тоҷикистон ихтисоси «Омӯзгорони томактабӣ» таъсис медиҳад
