«ШУҶОАТ ВА ҶАВОНМАРДӢ». Байни сарбозону афсарони Қӯшунҳои сарҳадии Кумитаи давлатии амнияти миллӣ ҳамоиши ватандӯстона доир шуд
ДУШАНБЕ, 01.11.2024. /АМИТ «Ховар»/. Бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар якҷоягӣ бо Кумитаи телевизон ва радиои назди Ҳукумати Ҷумҳурии Тоҷикистон бахшида ба 30-солагии таъсиси Рӯзи қабули Конститутсияи Ҷумҳурии Тоҷикистон дар Қӯшунҳои сарҳадии Кумитаи давлатии амнияти миллии Ҷумҳурии Тоҷикистон барномаи телевизионии «Шуҷоат ва ҷавонмардӣ» таҳия ва сабт гардид, хабар доданд ба АМИТ «Ховар» дар Кумитаи кор бо ҷавонон ва варзиш.
Мақсад аз сабти барнома- таҳкими ҳисси меҳанпарастӣ, ташаккули тафаккури ҷавонон дар роҳи ҳифзи Ватан, шинохти арзишҳои милливу давлатӣ, муқаддасоти миллӣ, эҳтиром ба насли калонсол, садоқат ба Ватан ва хизмати содиқона ба Ватан мебошад. Таъкид гардид, ки тарбияи ватандӯстӣ омили муҳими рушди давлатдории миллӣ буда, дар натиҷаи он шаҳрвандон миллату давлат ва сарзамини аҷдодиашонро бештар дӯст медоранд. Ҳамчунин фарҳангу таърихи гузаштаро ҳимоя намуда, барои рушди давлат содиқона меҳнат мекунанд.
Бо ин мақсад соли 2022 аз ҷониби Президенти Тоҷикистон муҳтарам Эмомалӣ Раҳмон Қонуни Ҷумҳурии Тоҷикистон «Дар бораи тарбияи ватандӯстии шаҳрвандон» ба имзо расид, ки дар тарбияи ватандӯстонаи шаҳрвандон нақши муассир мегузорад.
Кумитаи кор бо ҷавонон ва варзиш барои татбиқи Қонуни Ҷумҳурии Тоҷикистон «Дар бораи тарбияи ватандӯстии шаҳрвандон» мақоми ваколатдори давлатӣ муайян гардида, бо мақсади боз ҳам дуруст ва ҳамоҳанг сохтани фаъолияти сохторҳои идеологӣ барои баланд бардоштани тарбияи ватандӯстии шаҳрвандон дар ин самт тадбирҳои мушаххас ва муҳим меандешад. Баргузории ин чорабиниҳо низ аз ин ҷумла аст.
Тибқи нақшаи чорабиниҳои якҷоя, чунин барномаҳои дорои хусусияти ҳарбӣ-ватандӯстона минбаъд дар дигар минтақаҳои ҷумҳурӣ сабт карда мешаванд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Мавзеи Аксикони ноҳияи Ашт бо кӯли дорои лойи табиии шифобахш ва табиати нотакрор маъруф аст
Мактаб, оила ва ҷомеа — се неруе, ки бояд иттиҳоди ҳамешагӣ дошта бошанд
20 СЕНТЯБР — РӮЗИ ҶАҲОНИИ ТОЗАГӢ. Маданияти шаҳрнишиниро риоя бояд кард!
Ҷавонони Тоҷикистон дар Фестивали байналмилалии ҷавонон-2026 дар Екатеринбург иштирок намуданд
Дар Душанбе «Стратегияи ҳифзи саломатии аҳолии Ҷумҳурии Тоҷикистон барои давраи то соли 2030» баррасӣ шуд
Дар Тоҷикистон Озмуни ҷумҳуриявии «Табиби сол – 2026» ҷамъбаст гардид
Байни Агентии хизмати давлатии Тоҷикистон ва Вазорати идоракунии ҳайати Ҷумҳурии Корея Ёддошти тафоҳум ба имзо расид
16 СЕНТЯБР — РӮЗИ БАЙНАЛМИЛАЛИИ КАРДИОЛОГИЯИ ИНТЕРВЕНСИОНӢ. Табобати бемориҳои дилу раг бо истифодаи ҷарроҳиҳои муосир ва бе буриши калон ба куллӣ тағйир ёфтааст
Тоҷикистон ва Британияи Кабир масъалаи таҳия ва имзои санади нави ҳамкориро дар самти пешгирии ҳолатҳои фавқулода баррасӣ карданд
Дар Душанбе роҳҳои нави ҳамкорӣ бо ҷамъиятҳои тоҷикон ва ҳамватанони бурунмарзӣ баррасӣ гардиданд
Тоҷикистон ва Чин робитаҳои илмӣ-таҳлилӣ ва ҳамкории минтақавиро густариш медиҳанд
«ХУШДОМАНИ БЕҲТАРИН». Ин озмуни ҷумҳуриявӣ бо мақсади таҳкими фарҳанги оиладорӣ баргузор мешавад
