Созмони ҷаҳонии сайёҳӣ: «Тоҷикистон аз ҳисоби афзоиши теъдоди ҷаҳонгардон ба мамлакат дар зинаи сеюм қарор гирифт»
ДУШАНБЕ, 29.11.2024. /АМИТ «Ховар»/. Ҷумҳурии Тоҷикистон дар раддабандии Созмони ҷаҳонии сайёҳӣ дар бахши «Беҳтарин макони сайёҳӣ аз ҷиҳати қабули сайёҳони хориҷӣ» аз моҳи январ то моҳи июли соли 2024 аз ҳисоби афзоиши теъдоди ҷаҳонгардон ба мамлакат (+75%) баъд аз Албания ва Сербия сазовори ҷойи сеюм гардид.
Тавре ба АМИТ «Ховар» дар Кумитаи рушди сайёҳии назди Ҳукумати Ҷумҳурии Тоҷикистон хабар доданд, ин раддабандӣ зимни машварати омӯзишӣ дар шаҳри Бангкоки Тайиланд эълон шуд.
Ҳамчунин дар раддабандии дигари Созмони ҷаҳонии сайёҳӣ дар самти «Бозорҳои беҳтарини сайёҳӣ аз рӯи хароҷоти сайёҳии содиротӣ» Ҷумҳурии Тоҷикистон бо афзоиши якбораи сайёҳии содиротӣ (+420 фоиз) дар садри ҷадвали Созмони ҷаҳонии сайёҳӣ қарор гирифт. Баъд аз Тоҷикистон давлатҳои Сербия, Непал, Латвия, Ирландия, Туркия ва Украина ҷойгир шудаанд.
Дар машварати омӯзишӣ 41 нафар мутахассисону коршиносони соҳаи сайёҳӣ аз 30 давлати Осиё ва ҳавзаи Уқёнуси Ором иштирок намуданд. Аз Тоҷикистон дар машварат намояндаи Кумитаи рушди сайёҳии назди Ҳукумати Ҷумҳурии Тоҷикистон Баҳрулло Муқимов дар мавзуи «Рушди ҳунарҳои мардумӣ дар минтақаҳои дурдаст» маъруза намуд.
Намояндаи Созмони ҷаҳонии сайёҳии Созмони Милали Муттаҳид Клавдиа Виейра соҳаи сайёҳиро яке аз бахшҳои муҳими иқтисоди миллӣ ва иҷтимоӣ дар Осиё ва ҳавзаи Уқёнуси Ором маънидод кард.
Иброз гардид, ки соли 2023 теъдоди ҷаҳонгардон дар кишварҳои Осиё ва ҳавзаи Уқёнуси Ором ба 238 миллион нафар расид.
Ҳамчунин соли 2023 дар минтақа 182 миллион нафар ба касби хизматрасонӣ фаро гирифта шуд.
АКС: Кумитаи рушди сайёҳии назди Ҳукумати Ҷумҳурии Тоҷикистон
Дар Ню-Йорк масъалаҳои тавонмандсозии ҷавонон ва рушди ҳамкории Тоҷикистону Покистон баррасӣ шуданд
«Амонатбонк» ба муштариён хизматрасонии нави қарзии рақамии онлайнӣ пешниҳод намуд
Аз ҷониби намояндагии Тоҷикистон дар СММ чорабинии канорӣ оид ба ҳамкории зеҳни сунъӣ барои рушди устувор доир шуд
Тоҷикистон ва Покистон дар Ню-Йорк чорабинии сатҳи баланд оид ба зеҳни сунъӣ ва рушди устувор баргузор намуданд
Афзалияти рушди устувори Тоҷикистон дар чорабинии сатҳи баланди ECOSOC муаррифӣ гардид
Дороиҳои «Амонатбонк» 13 миллиард сомониро ташкил дода, сармояи бонк ба 1,2 миллиард сомонӣ расидааст
Дар Женева ҷаласаи 68-уми Ассамблеяи давлатҳои аъзои СУМЗ баргузор гардид
Дар Душанбе Форуми байналмилалии саноати хӯрокворӣ баргузор мегардад
Дар Шанхай Форуми иқтисодию тиҷоратии вилояти Суғди Тоҷикистон доир шуд
НИШАСТИ МАТБУОТӢ. Дар марҳилаҳои якум, кассатсионӣ ва назоратии судҳои иқтисодии Тоҷикистон 2018 парванда баррасӣ гардид
Ҳайати Тоҷикистон дар ҳамоиши Шурои байнидавлатии ИДМ оид ба бехатарии саноатӣ иштирок намуд
Дар Душанбе даври омӯзишии минтақавӣ оид ба танзими бархӯрди манфиатҳо баргузор гардид
