ТАЪМИНИ АМНИЯТИ ОЗУҚАВОРӢ. Дар Тоҷикистон дар беш аз 11 ҳазор гектар кишти зироати барвақтӣ гузаронида шудааст
ДУШАНБЕ, 10.11.2024 /АМИТ «Ховар»/. Дар ҷумҳурӣ то аввали моҳи ноябр дар 11 ҳазору 228 гектар кишти сабзавоти барвақтӣ гузаронида шудааст, ки аз он пиёзи барвақтӣ дар 8075 гектар, сабзӣ дар 1596 гектар, карам дар 646 гектар ва дигар сабзавоти барвақтӣ дар 911 гектар кишт шудаст. Дар ин хусус ба АМИТ «Ховар» дар Вазорати кишоварзии Чумҳурии Тоҷикистон иттилоъ доданд.
Ба андешаи олимони соҳаи кишоварзӣ, пиёз, карам ва сабзӣ зироати ба хунукӣ тобовар мебошанд. Маҳз ба хунукӣ тобовар будани онҳо боис мегардад, ки истеҳсоли ин маҳсулоти мавриди ниёзи мардум дар фасли тирамоҳ кишт гардад. Кишти чунин маҳсулот ба таъмини амнияти озуқаворӣ ва дар ҳамин замина афзун гардонидани содироти сабзавоти барвақтӣ мусоидат менамояд.
Иттилоъ дода шуд, ки вобаста ба обу ҳаво ҳар навъи маҳсулот дар минтақаҳои гуногуни мамлакат дар вақтҳои гуногун кишт карда мешавад.
Дар водии Вахш ва ноҳияҳои дар водибудаи минтақаи Кӯлоби вилояти Хатлон пиёзи барвақтиро дар давраи кишти нимаи дуюми моҳи сентябр оғоз намуда, ҳосили онро дар нимаи дуюми моҳи апрел-аввали май ҷамъоварӣ менамоянд.
Яке аз зироати дигари серистеъмол ин карам мебошад. Ин навъи зироат дар вилояти Хатлон, водии Ҳисор ва вилояти Суғд аз даҳаи сеюми моҳи декабр то даҳаи сеюми моҳи феврал давраи тайёр кардани парварда (кӯчат)-ро дар бар мегирад.
Моҳҳои март- охири апрел-май ба давраи парвариши ҳосили каллакарами барвақтӣ рост меояд. Барои тайёр кардани парвардаи он иншооти муваққатӣ ё доимии плёнкапӯш, бе истифодаи гармии иловагӣ басанда аст.
Олимони соҳаи кишоварзӣ иброз медоранд, ки ҳосили баланди сабзиро дар кишти такрорӣ баъди ғунучини ҳосили ғалладонагӣ, пиёзу картошкаи барвақтӣ ва лӯбиёдонагиҳо ба даст овардан мумкин аст. Парвариши сабзӣ нимаи дуюми моҳи июл — октябр (бо сабаби хеле паст шудани ҳарорати ҳаво дар ин давра) ба талаботи биологии ин зироат ҷавобгӯ мебошад. Кишти такрории сабзӣ дар ноҳияҳои ҷануби вилояти Хатлон — Дӯстӣ, Ҷайҳун, Ҷалолиддини Балхӣ, Панҷ, Қубодиён ва Шаҳритус бо назардошти иқлими нарм дар зимистон, бевосита дар замини кишт мумкин буда, ҳосили бехмева хушсифат мегардад.
Вале бояд дар назар дошт, ки бехмеваи сабзиро дар ин минтақаҳо дар ҷойи парваришаш то фарорасии нашъунамои соли дуюм (давраи дуюм) бояд ҷамъоварӣ намуд. Дар акси ҳол бо сабаби ҷамъоварӣ накардани ҳосили бехмеваи сабзии кишти такрорӣ, вақте ки сабзиш кард, қисми мобайнии он чӯб мегардад ва сифати молиаш паст шуда, харидор пайдо намекунад.
Фирӯза ДАВЛАТЗОДА,
АМИТ «Ховар»
АКС аз манбаъҳои боз
Дар Душанбе татбиқи лоиҳаҳои амалкунандаи соҳаҳои воқеии иқтисодиёт баррасӣ шуд
Масъалаи пешбурди савдо ва таҳкими имконияти молиявӣ дар Осиёи Марказӣ дар Душанбе баррасӣ шуд
Дар Хатлон Форуми байналмилалии сармоягузорӣ баргузор мегардад
Дар шаҳри Хуҷанд масъалаи истеҳсоли неруи барқ бо коркарди партов баррасӣ гардид
Дар шаҳри Тошканд ҷаласаи 81-уми Шурои нақлиёти роҳҳои оҳани мамлакатҳои аъзои Иттиҳоди Давлатҳои Мустақил баргузор гардид
Дар Тоҷикистон «Долони сабз» — и намунавӣ бунёд карда мешавад
РОҒУН-ШАҲРИ ПИСАНДИДАИ МЕҲМОНОН. Дар нуҳ моҳ беш аз 7 ҳазор сайёҳони хориҷӣ ва дохилӣ ба тамошои он омаданд
Баррасии рушди ҳамкорӣ дар бахши сармоягузорӣ бо Арабистони Саудӣ
Ҳайати Тоҷикистон дар ҷаласаи Шурои байнидавлатӣ оид ба ҳамкорӣ дар соҳаи илмӣ-техникӣ ва инноватсионии ИДМ иштирок намуд
ИМРӮЗ-РӮЗИ БАЙНАЛМИЛАЛИИ САРФАИ ЭНЕРГИЯ. Корманди Вазорати энергетика ва захираҳои об ин мавзуъро шарҳ дод
Дар Бонки миллии Тоҷикистон ҷаласаи Шурои ҳамоҳангсози Стратегияи миллии фарогирии молиявӣ доир гардид
«РОҒУН»-ФАРДОИ ДУРАХШОНИ ТОҶИКИСТОН. Бо бунёди пурраи он Тоҷикистон дар таъмини рушди иқтисодӣ бештар муваффақ мегардад
