Вазири энергетика ва захираҳои оби Тоҷикистон дар Муколамаи сатҳи баланд иштирок намуд
ДУШАНБЕ, 14.11.2024 /АМИТ «Ховар»/. 13 ноябр дар шаҳри Бокуи Озарбойҷон Вазири энергетика ва захираҳои оби Ҷумҳурии Тоҷикистон Далер Ҷумъа дар Муколамаи сатҳи баланд оид ба пешбурди рӯзномаи кӯҳӣ ва навсозии мавзуи кӯҳҳо ва тағйирёбии иқлим, ки аз ҷониби Ҷумҳурии Қирғизистон дар ҳошияи Конфронси 29-уми ҷонибҳои Конвенсияи қолабии Созмони Милали Муттаҳид оид ба тағйирёбии иқлим баргузор гардид, иштирок намуд. Дар ин хусус АМИТ «Ховар» бо истинод ба Вазорати энергетика ва захираҳои об хабар медиҳад.
Далер Ҷумъа иброз дошт, ки Тоҷикистон ҷумҳурии кӯҳистон буда, 93 фоизи қаламрави онро кӯҳҳо ташкил медиҳанд. Қариб нисфи ҳудуди мамлакатро баландиҳои зиёда аз 3000 метр аз сатҳи баҳр дар бар мегиранд. Тақрибан 60 фоизи захираҳои оби Осиёи Марказӣ аз ҳисоби пиряхҳои Тоҷикистон ташаккул меёбанд.
Дар Тоҷикистон қаторкӯҳҳои Зарафшон, Ҳисор ва Олой ҷойгир буда, қисми шарқии ҷумҳуриро қаторкӯҳҳои Помир ишғол мекунанд. Баландтарин қуллаи Помир – Исмоили Сомонӣ буда, баландиаш 7495 метрро ташкил медиҳад. Дар кӯҳҳои мамлакати мо беш аз 24 қуллаи баландиаш беш аз 6000 метр мавҷуд аст. Ин кӯҳҳо манбаи маъданҳои фоиданок, ҷангалҳо ва маҳсулоти кишоварзӣ буда, макони пиряхҳо, кӯлҳо ва дарёҳо мебошанд. 6 фоизи ҳудуди ҷумҳуриро пиряхҳо дар бар мегиранд, ки байни онҳо пиряхи Ванҷях машҳур аст.
«Обшавии босуръати пиряхҳо дар натиҷаи тағйирёбии иқлим ба раванди ҷаҳонии ҳифзи захираҳои об таҳдиди ҷиддӣ дорад. Дар 30 соли охир аз 14 ҳазор пиряхи Тоҷикистон беш аз 1000 пиряхи барои тамоми минтақа муҳим аз байн рафтааст. Раванди зуд обшавии пиряхҳо дар натиҷаи баланд шудани ҳарорати ҳаво боиси афзоиши офатҳои табиӣ ва вайроншавии экосистемаи обӣ гардид», – таъкид намуд Вазири энергетика ва захираҳои об.
Иброз гардид, ки равишҳои ҳамгироӣ ва ҳамкорӣ унсурҳои муҳими рушди минтақаҳои кӯҳии мо, бахусус барои беҳтар намудани шароити иқтисодӣ ва зиндагии сокинони мамлакатҳои кӯҳӣ мебошанд. Тоҷикистон ҳамкории созандаро бо тамоми давлатҳои минтақа ва ҷаҳон барои таҳкими бахшҳои ҳаётан муҳим, бахусус муҳити зист ва иқлим идома медиҳад.
АКС: Вазорати энергетика ва захираҳои оби Ҷумҳурии Тоҷикистон
Дар Душанбе оид ба дастгирии экосистемаи стартапҳо дар Тоҷикистон ҳамоиш баргузор гардид
Сарвазири мамлакат Қоҳир Расулзода бо раванди сохтмони корхонаи ғанигардонии маъдани оҳани ҶСП «Комбинати металлургии тоҷик» шинос шуд
«Moody’s Ratings»: Рейтинги соҳибихтиёрии қарзии Тоҷикистон ба дараҷаи «B2» бо дурнамои «устувор» баланд бардошта шуд
Самтҳои асосии Паёми Президенти Тоҷикистон ба Маҷлиси Олӣ дар Хадамоти гумрук тавзеҳ дода шуданд
Вазирони энергетикаи Тоҷикистон ва Покистон дурнамои рушди ҳамкориро дар соҳаи энергетика баррасӣ намуданд
Сардори Хадамоти алоқа дар Конгресси ҷаҳонии мобилӣ дар Испания иштирок намуд
Ҷаласаи ёздаҳуми Шурои миллии суботи молиявӣ дар Ҷумҳурии Тоҷикистон баргузор гардид
Дурнамои нишондиҳандаҳои рушди иҷтимоию иқтисодии шаҳру ноҳияҳои Роғун, Ваҳдат, Файзобод ва Варзоб муаррифӣ карда шуд
Тоҷикистон ва Туркманистон ҳамкориро дар соҳаи саноати нассоҷӣ тақвият медиҳанд
Дар Вазорати молияи Тоҷикистон татбиқи лоиҳаҳои нақлиёту энергетика баррасӣ гардид
Дар Палатаи ҳисоб оид ба пешгирӣ ва муқовимат ба коррупсия машварат баргузор шуд
Дар Душанбе Протоколи ҷаласаи 14-уми Комиссияи муштараки байниҳукуматии Тоҷикистон ва Туркманистон ба имзо расид
