Ба тарбиятгирандагони мактаб-интернатҳои шаҳри Ҳисор туҳфаҳои Президенти Тоҷикистон тақдим гардиданд
ДУШАНБЕ, 27.12.2024 /АМИТ «Ховар»/. 25 декабр ба тарбиятгирандагони Мактаб-интернати ҷумҳуриявии низомаш махсус ва Мактаб-интернати ҷумҳуриявии кӯдакони нобино ва сустбини шаҳри Ҳисор туҳфаҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон, ки аз сару либоси зимистона ва шириниҳо иборат буданд, тақдим гардиданд. Дар ин хусус мухбири АМИТ «Ховар» иттилоъ медиҳад.
Муовини Сарвазири Тоҷикистон Дилрабо Мансурӣ ва ёрдамчии Президенти Ҷумҳурии Тоҷикистон Ҳикматулло Неъматуллозода кӯдакони имконияташон маҳдудро аз номи Пешвои миллат муҳтарам Эмомалӣ Раҳмон табрику таҳният гуфта, таъкид доштанд, ки кӯдакону наврасон, бахусус маъюбону ятимон ва дигар табақаҳои ниёзманди аҳолӣ пайваста зери таваҷҷуҳи ғамхоронаи Ҳукумати мамлакат қарор доранд ва ҳеҷ гоҳ дар чорроҳаи тақдир танҳо намемонанд.
Дар сиёсати иҷтимоии Ҳукумати Ҷумҳурии Тоҷикистон дастгирии ятимону бепарасторон, маъюбону барҷомондагон, оилаҳои бесаробон ва ниёзманди ҷомеа мавқеи меҳварӣ дошта, таҳти ғамхорӣ ва таваҷҷуҳи пайвастаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон қарор доранд. Ҳамасола дар арафаи иду ҷашнҳои миллию давлатӣ аз ҷониби Пешвои миллат муҳтарам Эмомалӣ Раҳмон ба ятимону бепарасторон, маъюбону барҷомондагон, оилаҳои бесаробон ва ниёзманди ҷомеа кумакҳои моддӣ ва туҳфаҳо расонида мешаванд.
Зимни тақдими туҳфаҳои таъкид гардид, ки Президенти Ҷумҳурии Тоҷикистон муҳтарам Эмомалӣ Раҳмон ба тарбиятгирандагони Мактаб-интернати низомаш махсуси шаҳри Ҳисор онҳоро ба азхуд намудани донишҳои муосир ва иштирок дар озмунҳои ҷумҳуриявию байналмилаӣ даъват намуда, иброз дошт, ки Пешвои миллат муҳтарам Эмомалӣ Раҳмон имрӯз тамоми имкониятро фароҳам овардаанд, то насли наврасу ҷавон бо донишҳои муосир таъмин бошад.
Ёрдамчии Президенти Ҷумҳурии Тоҷикистон оид ба масъалаҳои иқтисодӣ Неъматулло Ҳикматуллозода ба тарбиятгирандагони Мактаб-интернати ҷумҳуриявии кӯдакони нобинои шаҳри Ҳисор аз ғамхориҳои Пешвои миллат нисбат ба онҳо ёдовар шуда, туҳфаҳои Сарвари давлатро супорид.
Тарбиятгирандагон мактаб-интернатҳои шаҳри Ҳисор ваъда доданд, ки ҷавобан ба ин ҳама ғамхориҳо кӯшиш менамоянд, ки хубу аъло хонанд ва дар рушду ободии Ватан саҳми арзанда гузоранд.
АКС: АМИТ «Ховар»
Дар ноҳияи Ёвон намоиши ҷойи нави кор баргузор гардид
Масъалаи рушди низоми таҳсилоти ибтидоӣ ва миёнаи касбӣ дар Тоҷикистон бо Роҳбари Намояндагии Иттиҳоди Аврупо баррасӣ гардид
Ҷаласаи Кумитаи роҳбарикунандаи байниидоравӣ оид ба татбиқи лоиҳаи «Миллати солими Тоҷикистон» баргузор шуд
Бахшида ба 35-солагии Истиқлоли давлатӣ 47 бинои муассисаи таълимии таҳсилоти ибтидоии касбӣ таъмир гардид
ҶОИЗАИ БА НОМИ ИСМОИЛИ СОМОНӢ. Барои олимони ҷавон дар соли 2026 озмун эълон гардид
Дар Тоҷикистон барои табобати омоси ҷигар усули нав амалӣ шуд
Хадамоти алоқаи Тоҷикистон: «Ширкатҳои мобилӣ ҳеҷ гоҳ рамзи тасдиқро талаб намекунанд»
Пешвои миллат Эмомалӣ Раҳмон: «Некӣ кардан ба падару модар афзалтар аз намозу рӯза ва ҳаҷу умра мебошад»
«АРТИШИ МИЛЛӢ-НЕРУИ ПОЯНДАИ ДАВЛАТ». Таҳти чунин унвон дар шаҳри Бохтар ҳамоиш доир гардид
Дар Тоҷикистон ҳаво то 25 дараҷа гарм мешавад
