Дар Душанбе маҳфили адабии нависанда, драматург, тарҷумон ва публисист Мансур Суруш доир гардид
ДУШАНБЕ, 19.12.2024. /АМИТ «Ховар»/. Имрӯз дар шаҳри Душанбе маҳфили адабии нависанда, драматург, тарҷумон ва публисист, дорандаи Ҷоизаи Иттифоқи нависандагони Тоҷикистон ба номи Садриддин Айнӣ ва Иттифоқи журналистони Ҷумҳурии Тоҷикистон ба номи Абулқосим Лоҳутӣ, шореҳи адабии АМИТ «Ховар» Мансур Суруш баргузор гардид, иттилоъ медиҳад АМИТ «Ховар».
Мансур Суруш яке аз тарҷумонҳои номдори тоҷик буда, бо осори мондагор ва баландмазмун дар замони муосир мавқеи намоёнро соҳиб мебошад. Воқеан Мансур Суруш яке аз тарҷумонҳои варзида ва ватандӯсти тоҷик буда, дар тарҷума ва адабиёт хизматҳои шоён намудааст. Аз ҷумла, дар ҳаммуаллифӣ бо доктори илмҳои фалсафа Саидмурод Фаттоҳзода чеҳраи сиёсии Қаҳрамони Тоҷикистон муҳтарам Эмомалӣ Раҳмонро ба қалам кашидаанд, ки он нақш ва саҳми Пешвои миллатро дар ташаккули давлати мустақил ва демократии тоҷикон дар марзи ду аср инъикос мекунад.
Мансур Суруш муаллифи маҷмуаи ҳикояҳо, повестҳо ва ҳикояҳо, аз қабили «Намози бомдодӣ», «Замон ва андеша», «Паҳнои хотира», «Гуноҳи деворбаст», романи «Чала» ва ғайра мебошад. Намоишҳои ӯ «Акси садои тӯлонӣ», «Ба куштани ман ҳанӯз вақт меёбед», «Шиквае аз ту надорам, асри ман», «Халифа – Лаклак», «Ях ва оташ» дар театрҳои русӣ-драмавии ба номи В. Маяковский (Душанбе), ба номи А. С. Пушкин (Хуҷанд), инчунин Театри узбекии ҷумҳуриявии ба номи Ш. Бурҳонов ба саҳна гузошта шудаанд. Мавсуф муаллифи сенарияи филми ҳуҷҷатии «Аз Душанбе то Тел-Авив» мебошад.
Номбурда асарҳои як зумра нависандагони тоҷик, аз ҷумла порчаҳо аз китоби «Ҷомеъ-ул-ҳикоёт»-и Муҳаммад Авфии Бухорӣ, маҷмуаи ҳикояҳои Урун Кӯҳзод «Рӯзбеҳ», ҳикояҳои ҷудогонаи Абдумалик Баҳорӣ, песаҳои С.Улуғзода — «Гавҳари шабчироғ», Низом Қосим — «Куруш ва Куруз», бобҳо аз романи Саттор Турсун «Завол», мақолаи маъруфи устод С.Айнӣ «Конститутсияи сталинӣ ва яҳудиёни меҳнаткаш»-ро ба забони русӣ тарҷума кардааст. Тарҷумаи китоби андешаҳои Президенти Ҷумҳурии Тоҷикистон Эмомалӣ Раҳмон дар бораи қисмати таърихии халқи тоҷик таҳти унвони «Тоҷикон дар оинаи таърих. Аз Ориён то Сомониён» дар эҷодиёти Мансур Суруш мавқеи хос дорад.
Баъзе ҳикояҳо ва мақолаҳои Мансур Суруш дар маҷаллаҳои «Наш современник», «Огонёк», «Родина» (Москва), «Русское поле» (Кишинёв) ва маҷмуаҳои дастҷамъӣ, ки дар Минск ва Ереван нашр шудаанд, рӯи чопро дидаанд.
«Барои зистан ҳамзистӣ мебояд» — маҳз ҳамин идея дар асари нави ӯ «Ях ва оташ» дӯстона зистанро дар замони пурталотуми имрӯза талқин мекунад.
АКС: АМИТ «Ховар»
РӮЗИ БАЙНАЛМИЛАЛИИ ҲАДЯИ КИТОБ. Фаъолияти хуби китобхонаҳо воситаи муҳими китобхон шудани ҷомеа мегардад
ИҚДОМИ «ТОҶИКОНА МЕПӮШЕМ!». Ба либоси миллӣ – мероси аҷдодонамон арҷ мегузорем
Дар Хуҷанд масъалаи эҳё ва рушди ҳунарҳои бадеии халқӣ баррасӣ гардид
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
