Дар Тоҷикистон нахустин маротиба ҷаласаи навбатии Шурои директорони Шарикии глобалӣ дар соҳаи маориф доир мегардад
ДУШАНБЕ, 10.12.2024. /АМИТ «Ховар»/. Соли 2025 дар Тоҷикистон ҷаласаи Шурои директорони Шарикии глобалӣ дар соҳаи маориф баргузор мегардад. Ин пешниҳод зимни баргузории ҷаласаи Шурои директорони Шарикии глобалӣ дар соҳаи маориф (Global Partnership for Education, GPE), ки дар шаҳри Дубайи Амороти Муттаҳидаи Араб баргузор гардид, пазируфта шуд. Дар ин хусус ба АМИТ «Ховар» дар маркази матбуоти Вазорати маориф ва илми Ҷумҳурии Тоҷикистон хабар доданд.
Дар ҷаласаи навбатии Шурои директорони Шарикии глобалӣ дар соҳаи маориф роҳбарони давлатҳои шарик, донорҳо, намояндагони созмонҳои байналмилалӣ ва ҷомеаи шаҳрвандӣ масъалаҳои муҳими пешрафти маорифро баррасӣ намуданд.
Вазири маориф ва илми Ҷумҳурии Тоҷикистон Раҳим Саидзода иброз намуд, ки Тоҷикистон ҳамчун давлати дар ҳоли рушд соҳаи маорифро яке аз афзалияти асосии стратегии худ мешуморад. Солҳои охир мо якчанд ислоҳоти муҳимро амалӣ кардем, ки ҳадафи онҳо беҳтар кардани дастрасӣ, фарогирӣ ва сифати таҳсил дар ҳама зинаҳои таълим мебошад.
«Муҳимтарин дастовард ва ташаббусҳои давлати мо — ин баланд бардоштани дастрасӣ ба таҳсил, хусусан дар минтақаҳои дурдаст, ҷорӣ кардани барномаҳои махсус барои дастгирии духтарон дар таҳсил ва ба таври касбӣ омӯзонидани омӯзгорон бо истифода аз технологияҳои муосир ва беҳтар кардани шароити кори онҳо мебошад», — изҳор дошт Вазири маориф ва илм.
Ҷаласаи Шурои директорони Шарикии глобалӣ дар соҳаи маориф давоми ду рӯз кори худро дар бахшҳо идома дода, зимни он қарорҳо дар бораи таъсиси сохтори ҳуқуқии ғайритиҷоратии Шарикии глобалӣ дар соҳаи маориф, азнав дида баромадани талабот барои интихоби агентии грантӣ, самтҳои стратегӣ, молия ва маблағҳои Шарикии глобалӣ дар соҳаи маориф, ҷанбаҳои стратегии маблағгузории Шарикии глобалӣ дар соҳаи маориф – 2030 ва созишномаи шарикии «COMPACT» мавриди таҳлилу баррасӣ қарор гирифтанд.
Ёдовар мешавем, ки Ҷумҳурии Тоҷикистон аз соли 2005 аъзои Шарикии глобалӣ дар соҳаи маориф мебошад. Шарикии глобалӣ дар соҳаи маориф ташкилоти байналмилалие мебошад, ки бо мақсади дастгирии давлатҳо барои беҳтар намудани сатҳи маориф ва таълим, махсусан дар мамлакатҳои рӯ ба рушд амал мекунад.
АКС: Маркази матбуоти Вазорати маориф ва илми Ҷумҳурии Тоҷикистон
Сатҳи татбиқи технологияҳои иттилоотӣ дар муассисаҳои миёнаи умумии вилояти Хатлон таҳлил карда мешавад
Дар Донишгоҳи давлатии омӯзгории Тоҷикистон оид ба беҳтар намудани таълими забони русӣ конференсия доир шуд
Дар Донишгоҳи давлатии омӯзгории Тоҷикистон Маркази омӯзиши забони кореягӣ ифтитоҳ меёбад
Бахшида ба Рӯзи ҷаҳонии футбол байни кормандони соҳаи маорифи шаҳри Душанбе мусобиқаи футболи хурд идома дорад
Дар муассисаҳои таҳсилоти олии касбии Чин зиёда аз 5000 донишҷӯи тоҷик таҳсил менамоянд
Дар Донишгоҳи давлатии ҳуқуқ, бизнес ва сиёсати Тоҷикистон масъалаи истифодаи усулҳои нави таълими забонҳои хориҷӣ баррасӣ шуд
Донишгоҳи байналмилалии забонҳои хориҷии Тоҷикистон хатмкунандагонро ба муассисаҳои таълимӣ равона намуд
Беш аз 200 нафар донишҷӯён ва магистрантон соҳиби Стипендияи Раиси вилояти Суғд шуданд
Хонандагони тоҷик дар Олимпиадаи байналмилалии «Al-Khwarazmi» сазовори 12 ҷойи ифтихорӣ гардиданд
Нахустин нишасти вазирони маорифи давлатҳои Осиёи Марказӣ баргузор гардид
Донишҷӯи Коллеҷи омӯзгории шаҳри Турсунзода дар олимпиадаи байналмилалии «Англисони ҷавон» ҷойи сеюмро соҳиб гардид
Иштирокчӣ аз Тоҷикистон дар Фестивал-озмуни байналмилалии эҷодиёти кӯдакон ва ҷавонон соҳиби ду Шоҳҷоиза шуд
