Сарвазири Тоҷикистон бо Вазири корҳои хориҷӣ ва умури Аврупоии Ҷумҳурии Хорватия мулоқот намуд
ДУШАНБЕ, 09.12.2024. /АМИТ «Ховар»/. Имрӯз Сарвазири Ҷумҳурии Тоҷикистон Қоҳир Расулзода бо Вазири корҳои хориҷӣ ва умури Аврупоии Ҷумҳурии Хорватия Гордон Грлич Родман мулоқот намуд.
Зимни мулоқот ҷонибҳо аз рушди муносибатҳои дуҷониба ва ҳамкории мутақобилан судманд байни ду давлат изҳори қаноатмандӣ намуда, хоҳони талошҳои бештар дар рушди минбаъдаи ҳамкории гуногунҷабҳа дар соҳаҳои афзалиятнок гардиданд.
Гуфта шуд, ки Тоҷикистон барои роҳандозии ҳамкории мутақобилан судманд бо кишварҳои Аврупо дар соҳаҳои гидроэнергетика, саноати сабук, хусусан саноати кӯҳӣ, нақлиёту коммуникатсия, истеҳсоли масолеҳи сохтмонӣ, инчунин дар самтҳои рушди илму техника, маориф, тандурустӣ, фарҳанг ва туризм имконоти фаровон дар ихтиёр дорад.
Бо ҳавасмандӣ аз татбиқи ҳар чӣ зудтари ҳадафҳои рушди ҳазорсола таъкид шуд, ки Тоҷикистон ва Хорватия дар мавриди аксари масъалаҳои муҳимтарини ҷаҳонӣ мавқеи ягона ё наздик доранд.
Мубодилаи сиёсӣ дар доираи Иттиҳоди Аврупо ва чаҳорчӯби Созмони Милали Муттаҳид низ аз самтҳои муҳими муносибатҳои ду давлат арзёбӣ гардид.
Таъкид карда шуд, ки Хорватия дар Конфронси байналмилалӣ вобаста ба эълони Соли ҳифзи пиряхҳо, ки моҳи майи соли 2025 дар шаҳри Душанбе баргузор мегардад, дар сатҳи шоиста иштирок хоҳад намуд.
Сироҷиддин Муҳриддин дар нишасти 4-уми вазирони корҳои хориҷии Муколамаи «Осиёи Марказӣ-Ҳиндустон» иштирок намуд
Тоҷикистону Ҳиндустон ҳамкории фарҳангӣ ва сайёҳиро таҳким мебахшанд
Сироҷиддин Муҳриддин ширкатҳои иштирокдори Шурои соҳибкорони Осиёи Марказӣ ва Ҳиндустонро ба Душанбе даъват намуд
Сироҷиддин Муҳриддин ва Субраҳманям Ҷайшанкар масоили муносибатҳои Тоҷикистону Ҳиндустонро баррасӣ намуданд
Сарвазири Тоҷикистон пешниҳод намуд, ки «Рӯзномаи рақамии ИДМ то соли 2030» таҳия карда шавад
Сарвазири Тоҷикистон: «Кишварҳои ИДМ рушди ҳамкории мутақобилан судманд ва ҳамаҷонибаро тасдиқ намуданд»
Қоҳир Расулзода: «Ҳамкории тиҷоратию иқтисодӣ бо кишварҳои ИДМ яке аз самтҳои афзалиятноки сиёсати хориҷии Тоҷикистон боқӣ мемонад»
Тоҷикистон ба рушди устувори муносибатҳои дуҷониба ва бисёрҷониба бо давлатҳои иштирокдори ИДМ аҳамияти махсус медиҳад
Муовини Раиси Девони вазирони Туркманистон ба Тоҷикистон ташриф овард
Муовини Сарвазири Арманистон ба Тоҷикистон ташриф овард
Қоҳир Расулзода бо Раиси Девони вазирон — Роҳбари Дастгоҳи Президенти Ҷумҳурии Қирғизистон Адилбек Касималиев мулоқот анҷом дод
