Ҳайати Тоҷикистон дар ҷаласаи машваратии мудирони кишварии Гурӯҳи Бонки Исломии Рушд иштирок намуд
ДУШАНБЕ, 13.01.2025 /АМИТ «Ховар»/. 12 январ ҳайати расмии Тоҷикистон таҳти роҳбарии Вазири рушди иқтисод ва савдо, мудири кишварии Гурӯҳи Бонки Исломии Рушд (БИР) аз Тоҷикистон Завқӣ Завқизода дар ҷаласаи машваратии мудирони кишварии Бонки Исломии Рушд вобаста ба баррасии Стратегияи 10-солаи бонк барои солҳои 2026-2035, ки дар шаҳри Мадинаи Шоҳигарии Арабистони Саудӣ баргузор гардид, иштирок намуд. Дар ин хусус АМИТ «Ховар» бо истинод ба Вазорати рушди иқтисод ва савдои ҷумҳурӣ хабар медиҳад.
Завқӣ Завқизода дар ҷаласаи машваратӣ иброз намуд, ки бо шарофати сиёсати хирадмандонаи Президенти Ҷумҳурии Тоҷикистон муҳтарам Эмомалӣ Раҳмон ва рушди ҳамкории дуҷониба Бонки Исломии Рушд дар Тоҷикистон дар бахшҳои афзалиятнок, аз ҷумла энергетика, нақлиёт, маориф ва тандурустӣ лоиҳаҳои зиёдеро маблағгузорӣ намуда, дар пешбурди ҳадафҳои стратегии мамлакат саҳми назаррас гузоштааст.
Зимни суханронӣ лоиҳаҳои афзалиятноки мамлакат барои рушди инфрасохтор ва иқтисоди Тоҷикистон, аз ҷумла таъсиси Маркази логистикӣ бо мақсади банду баст ва содироти маҳсулоти кишоварзии аз лиҳози экологӣ тозаи Ҷумҳурии Тоҷикистон, рушди иқтисоди «сабз», сохтмони иқтидори нави энергетикӣ, бахусус лоиҳаи Неругоҳи барқии обии «Роғун» ҳамчун ташаббуси бузурги минтақавӣ, таъсиси паркҳои технологӣ ва савдои электронӣ, саноатикунонӣ, таъмини амнияти озуқаворӣ ва тақвияти иқтидори содиротӣ, барқарор намудани системаҳои обёрӣ ва сохтмони канализатсия дар ноҳияи Панҷ, амалисозии марҳилаи дуюми лоиҳаи «Гулистон-Фархор-Панҷ-Дӯстӣ», тарҳрезӣ ва маблағгузории лоиҳаи «Гулистон-Кӯлоб» пешниҳод гардиданд.
Дар ҷаласа Завқӣ Завқизода бо Президенти Гурӯҳи Бонки Исломии Рушд доктор Муҳаммад Ал Ҷассер мулоқот намуда, дархост кард, ки маблағгузории Гурӯҳи Бонки Исломии Рушдро ба лоиҳаҳои афзалиятноки гуфташуда ба таври назаррас зиёд намоянд.
Президенти Гурӯҳи Бонки Исломии Рушд барои густариши ҳамкории минбаъда дар татбиқи Ҳадафҳои Рушди Устувор ва зиёд намудани маблағгузорӣ ба лоиҳаҳои афзалиятноки Тоҷикистон изҳори омодагӣ намуд.
АКС: Вазорати рушди иқтисод ва савдои Ҷумҳурии Тоҷикистон
Дар Тоҷикистон «Барномаи давлатии рушди инноватсионии соҳаи пахтакорӣ барои солҳои 2026-2030» таҳия ва амалӣ мегардад
СИЁСАТИ «ОСМОНИ КУШОД». Рушди авиатсияи гражданӣ зери таваҷҷуҳи доимии Президенти Тоҷикистон қарор дорад
Қатъномаи нави минтақавӣ оид ба муқовимат ба коррупсия бо иштироки Тоҷикистон қабул гардид
Агентии «Тоҷикстандарт : «380 тонна молу маҳсулоти муҳлати истеъмолаш гузашта ва ғайристандартӣ нобуд карда шуд»
Дар Токио Форуми тиҷоратии «Тоҷикистон – Ҷопон» баргузор шуд
Дар Вазорати рушди иқтисод ва савдои Тоҷикистон оид ба тайёр кардани кадрҳои сатҳи баланди илмӣ ҷаласа доир шуд
Дар Хатлон ҳамкорӣ бо сармоягузорони хориҷӣ ҷиҳати таъсиси нерӯгоҳҳои офтобиву бодӣ тақвият меёбад
Лоиҳаи «Кодекси экологии Ҷумҳурии Тоҷикистон» муаррифӣ гардид
Дар Душанбе Маркази рақамикунонӣ, инноватсия ва такмили кадрҳои соҳаи кишоварзӣ ифтитоҳ гардид
Дар доираи Муколамаи «Осиёи Марказӣ — Ҷопон» ҳамоиши канории «Tajik-Japan Digital Business Connect» баргузор шуд
«Стратегияи нави шарикии Бонки Осиёии рушд бо Ҷумҳурии Тоҷикистон барои солҳои 2026–2030» муаррифӣ карда шуд
СОЛҲОИ РУШДИ САНОАТ. Дар шаҳри Турсунзода зиёда аз 100 корхонаи хурду бузурги саноатӣ фаъолият менамояд
