ҲАРАКАТИ ҶУМҲУРИЯВИИ НИҲОЛШИНОНӢ. Дар хоҷагии ниҳолпарварии шаҳри Панҷакент беш аз 57 ҳазор бех ниҳоли мевадиҳанда парвариш мешавад
ДУШАНБЕ, 22.01.2025 /АМИТ «Ховар»/. Дар доираи Ҳаракати ҷумҳуриявии ниҳолшинонӣ дар Хоҷагии фаръии давлатии ниҳолпарварии шаҳри Панҷакент беш аз 57,7 ҳазор бех ниҳоли дарахтони мевадиҳанда, аз қабили навъҳои гуногуни себ, нок, биҳӣ, шафтолую зардолу, олуболу, гелос, чормағз, бодом ва ангур парвариш мешаванд, ки беш аз 30 ҳазор бехи он ниҳолҳои ду ва сесола мебошанд.
АМИТ «Ховар» бо истинод ба Мақомоти иҷроияи ҳокимияти давлатии шаҳри Панҷакент иттилоъ медиҳад, ки дар хоҷагӣ ҳамчунин беш аз 18 ҳазор бех ниҳолҳои сояафкану оришии 2 ва 3-сола барои шинонидан омода мебошанд.
Роҳбарияти шаҳри Панҷакент зимни шиносоӣ бо фаъолияти Хоҷагии фаръии давлатии ниҳолпарварии шаҳри Панҷакент ба масъулини хоҷагиҳои ниҳолпарварии давлатӣ ва хусусӣ барои ба фурӯш омода намудани ниҳолҳо маслиҳат доданд. Ҳамчунин ба раёсати кишоварзии шаҳр ва ҷамоатҳои деҳот дастур дода шуд, ки аз рӯзҳои мусоид истифода намуда, дар канори шоҳроҳ ва дигар минтақаҳо шинонидани ниҳолҳои сӯзанбарг ва сояафканро тибқи маслиҳати мутахассисон ва қоидаҳои агротехникӣ вусъат бахшанд.
Ҳоло дар хоҷагии ёрирасони шуъбаи ҳифзи муҳити зисти шаҳри Панҷакент беш аз 10 ҳазор бех ниҳолҳои шамшод, туя, маҷнунбед, навъҳои гуногуни дарахтони сӯзанбарг, гул ва павловния парвариш шуда, як қисми он барои шинонидан омода аст.
Бояд гуфт, ки Ҳаракати ҷумҳуриявии ниҳолшинонӣ дар Тоҷикистон аз моҳи январ то март идома меёбад.
АКС: Мақомоти иҷроияи ҳокимияти давлатии шаҳри Панҷакент
Дар остонаи ҷаласаи 45-уми Шурои Фонди иқлими сабз дар Душанбе ниҳоли дарахтони ҳамешасабз шинонида шуд
Дар ноҳияи Дӯстӣ бунёди 5 гектар боғи павловния ба нақша гирифта шудааст
Дар ниҳолхонаи шуъбаи ҳифзи муҳити зист дар шаҳри Турсунзода беш аз 12 ҳазор бех ниҳоли гуногун парвариш меёбад
Дар Тоҷикистон 556,5 гектар боғҳои нав бунёд карда шуданд
Дар Тоҷикистон то соли 2040 беш аз 2 миллиард дарахт шинонида мешавад
Эмомалӣ Раҳмон: «Дар Тоҷикистон дар доираи Барномаи давлатии сабзкорӣ то соли 2040 беш аз 1 миллиард бех дарахт шинонида мешавад»
ДАРАХТИ ДӮСТӢ БИНШОН. Ректорони донишгоҳҳои «сабз» беш аз 50 бех ниҳоли дарахти ҳамешасабз шинониданд
БАРНОМАИ КАБУДИЗОРКУНӢ. Дар мавзеи баландкӯҳи Вору зиёда аз 12 ҳазор бех ниҳол шинонида шуд
«КИШВАРИ САБЗ». Дар Мурғоб беш аз 3 ҳазор бех ниҳоли дарахтони сояафкан шинонида шуд
СОЛИ ОБОДОНИЮ СОЗАНДАГӢ. Дар ҳудуди ёдгориҳои таърихии Тоҷикистон беш аз 7 ҳазор бех ниҳол шинонида шуд
МАСЛИҲАТИ МУТАХАССИС. Дар фасли баҳор танаи дарахтонро бо маҳлули махсус сафед намоед
ИМРӮЗ — РӮЗИ ГУЛ ВА НИҲОЛШИНОНӢ. Пешвои миллат: «Барои наслҳои оянда ниҳол шинонем, боғ бунёд намоем!»
