Дар Душанбе паҳлуҳои калидии ҳамкории иқтисодию тиҷоратии Тоҷикистон ва Эрон баррасӣ гардид
ДУШАНБЕ, 16.01.2025 /АМИТ «Ховар»/. 15 январ дар доираи сафари расмии ҳайати Ҷумҳурии Исломии Эрон вохӯрии Вазири рушди иқтисод ва савдои Ҷумҳурии Тоҷикистон Завқӣ Завқизода бо Раиси Утоқи бозаргонӣ, саноеъ, маодин ва кишоварзии Ҷумҳурии Исломии Эрон Самад Ҳасанзода баргузор гардид, ки зимни он ҷонибҳо паҳлуҳои калидии ҳамкории иқтисодию тиҷоратиро баррасӣ намуданд. Дар ин хусус АМИТ «Ховар» бо истинод ба Вазорати рушди иқтисод ва савдо хабар медиҳад.
Завқӣ Завқизода иброз намуд, ки сиёсати хирадмандона ва ташаббусҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва Президенти Ҷумҳурии Исломии Эрон муҳтарам Масъуд Пизишкиён заминаи устувор барои рушди ҳамаҷонибаи муносибатҳои дӯстона ва ҳамкории мутақобили судманд байни давлатҳоро фароҳам овардааст.
Ҷонибҳо дар ҷараёни мулоқот паҳлуҳои калидии ҳамкории иқтисодию тиҷоратиро мавриди баррасӣ қарор дода, татбиқи лоиҳаҳои муштарак, аз ҷумла Неругоҳи барқи обии «Сангтӯда-2» ва нақби «Истиқлол»-ро муҳокима намуданд.
Вазири рушди иқтисод ва савдои Тоҷикистон изҳор намуд, ки гардиши савдои хориҷии дуҷониба соли 2024 378 миллион доллар ва ҳаҷми сармоягузории мустақим ҳамагӣ 0,5 миллион долларро ташкил додааст. Вобаста ба ин таъкид шуд, ки ин нишондиҳандаҳо дар муқоиса бо иқтидори мавҷудаи ду давлат хеле ночиз буда, зарурати андешидани тадбирҳои ҷиддиро барои афзоиши савдои мутақобил ва ҷалби бештари сармоягузорӣ талаб менамоянд.
Самад Ҳасанзода омодагии ҷониби Эронро барои густариши ҳамкорӣ изҳор намуда, пешниҳод кард, ки бо таҳкими ҳамкорӣ дар бахшҳои инфрасохторӣ ва афзоиши сармоягузорӣ имконоти нав барои рушди иқтисодию иҷтимоии ҳарду давлат фароҳам оварда шаванд.
Вохӯрӣ дар фазои дӯстона баргузор гардида, ҷонибҳо барои истифодаи пурраи имконияти мавҷуда ва амалисозии лоиҳаҳои муштараки саноатӣ, тиҷоратӣ ва сармоягузорӣ изҳори омодагӣ намуданд.
АКС: Вазорати рушди иқтисод ва савдои Ҷумҳурии Тоҷикистон
КИШТИ БАҲОРӢ. Моҳи март дар Тоҷикистон кишти сабзавот оғоз мегардад
Сарвазири Тоҷикистон Қоҳир Расулзода дар ноҳияи Ашт бо раванди бунёди неругоҳи барқи офтобӣ шинос шуд
Дар Душанбе оид ба дастгирии экосистемаи стартапҳо дар Тоҷикистон ҳамоиш баргузор гардид
Сарвазири мамлакат Қоҳир Расулзода бо раванди сохтмони корхонаи ғанигардонии маъдани оҳани ҶСП «Комбинати металлургии тоҷик» шинос шуд
«Moody’s Ratings»: Рейтинги соҳибихтиёрии қарзии Тоҷикистон ба дараҷаи «B2» бо дурнамои «устувор» баланд бардошта шуд
Самтҳои асосии Паёми Президенти Тоҷикистон ба Маҷлиси Олӣ дар Хадамоти гумрук тавзеҳ дода шуданд
Вазирони энергетикаи Тоҷикистон ва Покистон дурнамои рушди ҳамкориро дар соҳаи энергетика баррасӣ намуданд
Сардори Хадамоти алоқа дар Конгресси ҷаҳонии мобилӣ дар Испания иштирок намуд
Ҷаласаи ёздаҳуми Шурои миллии суботи молиявӣ дар Ҷумҳурии Тоҷикистон баргузор гардид
Дурнамои нишондиҳандаҳои рушди иҷтимоию иқтисодии шаҳру ноҳияҳои Роғун, Ваҳдат, Файзобод ва Варзоб муаррифӣ карда шуд
Тоҷикистон ва Туркманистон ҳамкориро дар соҳаи саноати нассоҷӣ тақвият медиҳанд
Дар Вазорати молияи Тоҷикистон татбиқи лоиҳаҳои нақлиёту энергетика баррасӣ гардид
