«ҶИЛОИ РАНГҲО». Таҳти ин унвон дар Тоҷикистон фестивал-намоиши либосҳои миллӣ баргузор мешавад
ДУШАНБЕ, 14.01.2025 /АМИТ «Ховар»/. Моҳи феврали соли равон дар Тоҷикистон Фестивал-намоиши либосҳои миллии «Ҷилои рангҳо» баргузор мешавад. Фестивал-намоиш бо мақсади иҷрои баниди 9-и «Ҷадвали баргузории ҷашну солгард, фестивалу намоиш, иду озмунҳои фарҳангию маърифатӣ ва анъанаю ҳунарҳои мардумӣ дар Ҷумҳурии Тоҷикистон барои соли 2005», ки бо Амри Президенти Ҷумҳурии Тоҷикистон аз 2 январи соли 2025 тасдиқ шудааст, доир мегардад.
Барои баргузории Фестивал-намоиши либосҳои миллии «Ҷилои рангҳо» вазоратҳои фарҳанг, меҳнат, муҳоҷират ва шуғли аҳолӣ, саноат ва технологияҳои нав, маориф ва илм, кумитаҳои кор бо занон ва оила, телевизион ва радио, кор бо ҷавонон ва варзиш, рушди сайёҳӣ, таҳсилоти ибтидоӣ ва миёнаи касбӣ, иттифоқи дизайнерон, ҳунармандон, рассомон ва Мақомоти иҷроияи ҳокимияти давлатии шаҳри Душанбе муваззаф гардидаанд.
Ҳадафи баргузор намудани Фестивал-намоиши «Ҷилои рангҳо» ин ҷалб намудани рассомон, тарроҳону чеварон, ҳунармандон ва масъулини вазорату кумитаҳои дахлдор ба муосиргардонии либоси миллӣ мебошад.
Бояд тазаккур дод, ки яке аз нишонаҳои асосӣ ва муаррифи фарҳангу тамаддуни миллатҳои мухталифи дунё либоси миллии онҳо мебошад. Либоси миллии мо, тоҷикон ёдгоре аз гузаштагон аст, ки давоми қарнҳо зебоиашро гум накарда, фарҳанги қадимаи миллати моро то имрӯз муаррифӣ менамояд.
Президенти Ҷумҳурии Тоҷикистон муҳтарам Эмомалӣ Раҳмон дар яке аз мулоқотҳо вобаста ба ҳувияти миллӣ ва дигар арзишҳои миллӣ суханронӣ намуда, таъкид намуданд, ки: «Ҳар миллат бинобар собиқаи фарҳангии худ дар либоспӯшӣ рафтору анъанаҳои махсус дорад, ки арзишҳои моддиву маънавии гузаштаи онро инъикос менамояд ва ҳар миллат аз рӯйи забон, фарҳанг ва шаклу тарзи либоспӯшияш шинохта мешавад… Модарону бонувони мо – тоҷикон тарзи хоси либосҳои миллии худро доштанд ва онро ба мо мерос гузоштаанд, ки ҳар кадоме аз онҳо дар баробари зебоиву рангорангӣ меъёрҳои ахлоқиву эътиқодии мардуми бостонии моро инъикос мекард».
АКС аз манбаъҳои боз
Дар Осорхонаи миллии Тоҷикистон маҳфили «Шоҳномахонӣ» баргузор гардид
«ТОҶИ СОМОН». Марҳилаи интихоби беҳтарин филмҳо барои синамоҷоизаи миллӣ оғоз гардид
Котиби генералии Ассамблеяи парламентии Осиё дар Осорхонаи миллӣ бо таъриху тамаддуни тоҷикон шинос шуд
Китоби академик Фарҳод Раҳимӣ «Тамаддуни ориёӣ ва рисолати таърихии миллати тоҷик» нашр шуд
Дар даврони соҳибистиқлолӣ дар вилояти Суғд 152 иншооти фарҳанг бунёд ва таъмиру таҷдид гардидааст
Иштирокдорони Конфронси байналмилалии «Рӯдакӣ – эҳёгари андеша ва фарҳанги миллӣ» Осорхонаи миллии Тоҷикистонро тамошо намуданд
«РӮДАКӢ — ЭҲЁГАРИ АНДЕША ВА ФАРҲАНГИ МИЛЛӢ». Таҳти ин унвон конференсияи байналмилалии илмӣ-назариявӣ доир шуд
«Нақши Пешвои миллат дар эҳё ва муаррифии тамаддуни ориёӣ». Таҳти чунин унвон маҳфили «Тоҷикшиносӣ» доир шуд
РӮДАКӢ — ЧАРОҒИ МАЪРИФАТИ МИЛЛАТ. Одамушшуаро насли имрӯз ва фардоро ба омӯхтан ва некӣ кардан даъват намудааст
ШЕЪРИ РӮДАКӢ — ПАЁМИ ДОНИШУ ХИРАД ВА НАКӮКОРИЮ ҶАВОНМАРДӢ. Эҳдо ба Рӯзи Рӯдакӣ
«ҲУҶҶАТИ МИЛЛӢ БА НОМИ РӮДАКӢ БОЯД ГИРИФТ…». Ва ё ҳамзабону ҳаммиллати Устод Рӯдакӣ будан шарафи бузург аст
НАҚШ ВА МАҚОМИ УСТОД РӮДАКӢ. Андешаҳо дар ин мавзуъ
